المشاركة الأصلية كتبت بواسطة tham1010 (المشاركة 482657)

متشكر جدا يا بوينتر.. الحقيقة أول مرة أسمع بحاجة زى اللى حضرتك جبتها دى. انا الحقيقة عاوز أركب إنذار عادى بس مش كنت اعرف هل كل إنذار له مهام معينة يقوم بيها ومش يقوم بغيرها. يعنى فى نوعيه من إنذار للى يفتح الابواب بس. وإنذار للى يلمس العربية، وإنذار للى يخبطها ، وإنذار للى يفتح الكابوت . ولكن فهمت من إجابتكم إن الإنذار واحد فى كل الأحوال ولكن تعلية الحساس أو توطيته هى اللى بتأثر على عمل الإنذار... فهمت صح؟؟

المشاركة الأصلية كتبت بواسطة tham1010 (المشاركة 482932)

يا خبر أنم صعبتها على أوى يا بوينتر...

اقول لكم انا عاوز أيه ويمكن حد ياساعدنى اكثر...

أنا مش مهم عندى أى حاجة غير ان لما حد يقعد على العربية أو يريح عليها يتضرب الأنذار. بس هذا هو المطلوب فقط ولو فتحت السنتر لوك بتاع العربية يكون كويس. على فكرة العربية بتاعتى مش فيها وحدة رفع زجاج. التاجر اللى باع لى العربية أدانى رموت مع العربية ولما اتكيت على الريموت مش بيعمل حاجة يعنى لا بيقفل ولا يفتح السنتر لوك. حتى شكيت ان البطارية بايظة أخدت البطارية لاثنين بتوع بيع بطاريات يقيسوا البطارية يقولوا لى دى كويسة تماما... أنا مش عارف أيه الغلط المهم ركنت الريموت وشغال عادى بالمفتاح,,,

الحقيقة أنا طلباتى مش كتيرة ومش بحب اللعب الكثير فى الكهرباء علشان كدة أنا عاوز يدوبك لما حد يلمس العربية تدى إنذار ولو عرفت أفتح السنتر لوك من نفس ريموت الإنذار يبقى كدة تمام أوى أوى....

فى ضوء هذه المتطلبات البسيطة دى ممكن حد برشح لى إنذار يكون بيعطى الأمكانيات دى ويكون كويس من حيث الصناعة والتحمل وصوت الإنذار،، بغض النظر عن السعر...

مع الشكر لكل من ساهم فى هذا الموضوع.... بالفعل منتدى كله خبراء...

المشاركة الأصلية كتبت بواسطة tham1010 (المشاركة 483155)

أيوة عندى أربع أبواب زجاج كهرباء. العربية هيونداى ماتركس. أقول لك الحق يا بوينتر أنا بخاف من اللعب الكتير لان لو وقعت تحت أيد كهربائى نص نص هيلخبط لى الدنيا. للاسف هذه اول سيارة لى ومعنديش خبرة فى الصنايعية. انا عارف ان تركيب الإنذار والمكن الرفع حاجة بسيطة ولكن قلقان شوية...

أعتقد مكن الرفع دة يستلزم ان الكهربائى يفك الأبواب علشان يكشف عن قلب الباب من عند المنطقة اللى فيها الأكرة والأزرار... وكمان يوصل سلوك بين الأبواب وكدة.. شغلانه يعنى...

أنا سمعت ان سباى 5000 كويس ولكن أيه رأيك فى إنذار والف Wolf بيقلوا كويس برضوا... ممكن دة يحل محل دة؟؟ الجهاز اللى فى أمازون دة صعب الواحد يحصل عليه يعنى مين هيجيبة من برة وحاجات كدة...