مصر موتورز مجتمع السيارات - محتاج رايكم فى فيرنا اتوماتيك اشتريها ولا ابعد عن الاتوماتيك

اقتباس:

المشاركة الأصلية كتبت بواسطة mohamedhendawy (المشاركة 469998)

انا متشكر قوى قوى لجميع رودودكم واسف على تاخرى نظرا لسفرى تبع الشغل

ياجماعه الفتيس من التوكيل دلوقتى ب 22 الف لسه متصل بالتوكيل وسالتهم عليه فا انا محتار اتوكل على الله واجيب الاتوماتيك الكامله كل حاجه واريح نفسى واطمن وبسال هنا اللى ركبوها اتوماتيك هل هى عايشه معاهم ومفيش مشاكل وعاملين كام كيلو بيها ؟

ولا اجيب مانول واستحمل الارف بتاع النقل كل شويه فى الزحمه على امل ان لو باظ يبقى نقدر نصلحه وارخص ؟ وهل فعلا اعاده البيع بعد كده فى الاتوماتيك تقيله شويه عن المانوال ولا ايه ؟

سوال كمان هل الفتيس الاتوماتيك لما بيبوظ اقل حاجه فيه بيتجاب غيره على طول ؟ ولا مثلا بيتصلح فيه حاجات وحاجات لا بتتطلب تغيره محتاج خبرتكم

اولا سيبك من حكاية الفتيس من التوكيل دى .. اغلى فتيس فيرنا استيراد هنا فى بورسعيد مش هيعدى 1200 جنية ...

فتيس الفيرنا الاتوماتيك فتيس معقول جدا ومفيش مشكلة منه ..

فانا شايف ان الامر يتوقف عليك انت .. عاوز اتوماتيك هات اتوماتيك عاوز مانيوال هات مانيوال ...

انا عن نفسى لو مكانك هجيب مانيوال علشان انا بفضله كأسلوب سواقه فقط لانه بيطلع عزم الموتور كامل وحلو فى الجرى .. لكن لو انت عموما سواقتك هادية وبتسوق فى الزحمة يوميا يبقى الاتوماتيك افضل ...

بالنسبة لصيانة الاتوماتيك مش مفضلة اطلاقا لان اى صيانة فى الاتوماتيك بتتكلف مش اقل من 400 جنية فأفضل تجيب فتيس اوريجينال استيراد وسعره فى حدود 1000 جنية ويمكن اقل ..

طالما فيرنا يبقى مفيش اى مشكلة من الاتوماتيك فيها باذن الله ....