مصر موتورز مجتمع السيارات - تغطيه وصول و تجربه قياده هيونداي النترا و ازيرا 2012

مصر موتورز مجتمع السيارات (https://www.masrmotors.com/vb/index.php)

- Hyundai هيونداى (https://www.masrmotors.com/vb/forumdisplay.php?f=37)

رد: تغطيه وصول و تجربه قياده هيونداي النترا و ازيرا 2012

اقتباس:

المشاركة الأصلية كتبت بواسطة karem ali (المشاركة 457986)

شكرا استاذ شريف على التقرير الرائع ده و ربنا يخليك لينا كده و تجيب لنا كل التقرير الجديده :GROWIN~12:
لكن انا بصراحه مكنتش متوقع حكايه الانتراMAD

و الله يا زعيم و لا احنا كنا متوقعين ده
لدرجه اننا شاكين لا يكون العربيه اللي احنا جربناها فيها حاجه
لان كل الريفيوهات اللي علي النت بيمدحوا في ثبات العربيه ده كمان في منهم فضلوه علي ثبات الجيتا الجديده

اقتباس:

المشاركة الأصلية كتبت بواسطة corsair (المشاركة 458034)

والله يا شريف باشا انا مش عارف اقولك ايه الصراحة غير ان بجد تسلم ايدك بس انتا صدمتني في الافانتي صدمه كهربائية لما المفروض ان العربيات اللي بتجيلكوا بتكون افضل بمراحل من اللي في مصر اومال هنا هيكون شكلها عامل ازاي :014FDA~117:

احنا كمان اتصدمنا يا كروسير باشا
و معتقدش اللي هتنول مصر هتفرق كتير عن اللي هتنزل هنا لان معظم المواصفات اعتقد نزلت في الاكسنت ال rb بالفعل
و لو ربنا اراد هنبقي تروح نعمل تست دريف تاني بس تكون العربيه مشيت شويه و اتلينت عشان نقدر نحكم كويس

اقتباس:

المشاركة الأصلية كتبت بواسطة Ahmed Anwer (المشاركة 458215)

تسلموا يا شباب علي التقرير

طب أخبار الخامات الداخلية أيه ؟؟

الفوم الجلدي الطري ده و لا بلاستيك ناشف ؟؟

منور الموضوع يا احمد باشا
الخامات جيده جدا و متفرقش عن المنافسين كتير
و الطبلون لو خدت بالك مقسوم الجزء العلوي كان فوم و السفلي بلاستيك و الاتنين كويسين يعني لا ناشفين و لا طراي و جودتهم لا باس بيها
الحليات السلفر اللي حوالين الكاسيت و التكيف هي اللي دون المستوي و تنقص من المستوي العام للفخامه
الزراير و المقابض بلاستيك طبعا بس نوع نظيف جدا و تحسهم ماسكين نفسهم كده و يستحملوا
الكراسي بقي معجبتنيش قوي حستها عاليه و مفيهاش دعم جانبي و يمكن ده من اسباب اننا حسينا بال Body roll اكتر خصوصا انهم كانوا جلد

رد: تغطيه وصول و تجربه قياده هيونداي النترا و ازيرا 2012

تسلم ايديكم يا رجاله ... موضوع رائع و سبق هايل بالتست درايف
واضح ان كل الشركات دلوقتي ابتدت تسترخص وتلغي المستقل وتروح للقضيب الالتوائي
بس يا ترى حيكون الاحساس بالمنحنيات في الجتا الجديده حيكون زي الافانتي و السيراتو كده
أشك بصراحه
الواحد يلحق يحجز له عربيه قديمه بقى قبل ما المالتي لينك يشطب

رد: تغطيه وصول و تجربه قياده هيونداي النترا و ازيرا 2012

اقتباس:

الواحد يلحق يحجز له عربيه قديمه بقى قبل ما المالتي لينك يشطب

الأهرام كاتب ان الإلانترا تعليقها مستقل .... ههههههههههههههه :)

شوفت النصب يا باشا؟

رد: تغطيه وصول و تجربه قياده هيونداي النترا و ازيرا 2012

ده عيب اساسى فى التعليق المتصل

لازم تحس بعومان مؤخرة السياره فى الملفات وبخاصه لو دوست على زلطه على ملف مش هتعرف تلم ضهر العربيه

رد: تغطيه وصول و تجربه قياده هيونداي النترا و ازيرا 2012

اقتباس:

المشاركة الأصلية كتبت بواسطة sam ram (المشاركة 463889)

ربنا يخليك يا سامح باشا ... بس شكلنا فعلا هنروح نعمل تست درايف تانى لأننا واجهنا خيبة أمل كبيرة جدا من كتير من الاعضاء و احنا نفسنا طبعا مصابين بخيبة الامل دا غير ان كتير من الاراء على المواقع العالمية عن الثبات فى المنحنيات و التمايل احسن من النسخة السابقة من العربية فا فعلا شاكين ان فيه حاجة غلط يا إما هى بتنزل برة بقى ملتى لنك :)
و بالنسبة للجيتا يا باشا هى اكيد طبعا مظبطينها بطريقة او بأخرى حتى لو تعليقها الخلفى قضيب متصل انت عارف الالمان و ان شاء الله نعمل لها تست درايف قريب :)

اقتباس:

المشاركة الأصلية كتبت بواسطة SuccessCre8or (المشاركة 463996)

الأهرام كاتب ان الإلانترا تعليقها مستقل .... ههههههههههههههه :)

شوفت النصب يا باشا؟

يمكن هتنزل مصر بمواصفات اعلى ... عادى جدا يا باشا :)

اقتباس:

المشاركة الأصلية كتبت بواسطة عصام غنايم (المشاركة 464057)

تمام يا باشا