المشاركة الأصلية كتبت بواسطة terry.Ahmed (المشاركة 400847)

ربنا يخليوكوا يا شباب بس كنت عايز منكم كام طلب كده
اولا بالنسبة للكاسسيت مش عارف ازاي اعمل سيدهات
ثانيا انا دلوقتي بحب اشغل التكيف فهل ينفع اول ما ادورها واسخنها شوية اشغله ولا احسن بعد ما امشي بيها شوية
ثالثا احسن زيت احطه ايه ولا هاغيره في التوكيل اصلي ان شاء الله عايز اكمل صيانتها في التوكيل فهل هما بيغروه كل 5 الف ولا انا بغيره بره ولو انا بغيره هيجبيب زيت ايه ميهمش الفلوس المهم الزيت يحافظ علي الموتور
رابعا المياه اجيب مصري ولا مستورد
خامسا انا حاسس ان العربية واطية وكمان اصلي بنزل بيها البلد كتير وانا من السنبلاوين وانتوا عارفين الواحد بيعدي علي الشرقية بلد الالف مطب وبعدها ديرب في طريق اللي رايح ديرب من القاهرة في شوية مطاب عسل لو مختدش بالك هتضيع وكما بحمل في كتير فانا سمعت ان في ناس بتحط حاجات ترفع العربية ايه هيا ؟ وبتتعمل فين وتأثر علي العفشة ولا لأ ؟؟
سادسا بالنسبة للغسيل ده متعتي ففي ناس قالتي انك تخلي بالك وانتا بتغسل وياريت ما يكونش بخرطوم عشان السنتر ما يبوظش فعايز اعرف الفيرناوية بيعملوا ايه ؟
سابعا استهلاك النزين عامل ايه مع العلم اني ههاحط 92
ثامنا ربنا يخلي المنتدي والناس الحلوة اليي فيه

المشاركة الأصلية كتبت بواسطة SuccessCre8or (المشاركة 400941)

زيت : انا بستعمل شل الأصفر (بغيره كل 4 الاف كم)
بس ان شاء الله ناوي اغيره باكسترول او شل الترا الغيار الجاي

متعملش اي حاجة في ارتفاع العربية عشان متعومش منك عالطريق .. الطريق اللي انت بتقول عليه مشيت عليه ملييييون مرة و بس المطبات باخدها بالراحة او بالعرض لو محمل
حتى لو حكت ان شاء الله مبيحصلش حاجة ..اهم حاجة متاكلش مطب على سرعة عالية..

تاني .. متعدلش في ارتفاع العربية.. عشان خطر جداً