مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- ثورة الحرية 25 يناير (https://www.masrmotors.com/vb/forumdisplay.php?f=177)

- - باشا (https://www.masrmotors.com/vb/showthread.php?t=47771)

اقتباس:

المشاركة الأصلية كتبت بواسطة mmffor (المشاركة 357586)

رأيي الشخصي نعاملهم باحترام
يجب ان يتم احترام ضابط الشرطة
يا اما ازاي المجرمين حيحترموه!!!!
انا اسف بس ابدا ابدا ابدا محدش يقل ادبه على ضابط شرطه او مرور و يقول هما كانوا و كانوا
زي ما قلتوا قبل 25 حاجة و بعديها حاجه تانية خالص
نبقى احنا محترمين معاهم مش علشان خايفين لأ علشان واجب علينا احترامهم
احترام انهم بيسهروا بالليل علشان يحمونا
علشان انه بيخرج من بيته الصبح مش عارف حيروح سليم و اللا لأ
لانه بيراعي مصالحنا و لو حد فينا اشتكى بيساعده على حل شكوته
ده اللي احنا متوقعينوا من ضابط الشرطة بعد 25 و ده ان شاء الله حيحققهولنا
فلازم نحترمه علشان يحترمنا و اللا حتبقى بغضاء و كراهية من جديد بين الشعب و الشرطه
هما دلوقتي متوقعين و متوجسين.. يللا نفاجئهم اننا اخواتهم و بنحبهم طول ما هما بيحبونا و خايفين علينا
اهنئ كل ضابط شرطه شريف و شايف شغله
و حعاقب و اشتكي اي ضابط شرطه مخالف و مقصر

اقتباس:

المشاركة الأصلية كتبت بواسطة أحمد فاروق سيد (المشاركة 357607)

أؤيدك تماماً
علاقتنا برجال الشرطة تكون قائمة على الإحترام المتبادل

الأدب على قد الأدب
الذوق على قد الذوق
الإحترام على قد الإحترام
نبرة الصوت على قد نبرة الصوت

والله يا جماعة زى ما قال دكتور كمال
فيهم ناس قمة فى الأدب والرقي والإحترام
فلا نعمم

ولا يروق لي التشجيع على معاملتهم بالسخرية والأستهزاء

على فكرة
البلطجية والصيع أتفرعنوا
كل اللى كان مخبي حته سلاح
" سنجة - سيف - كزلك - خرطوش "
أيام الأزمة الأمنية بقوا عادى جداً مشيين في الشارع بيها
وأصبحوا ظباط وبيعملوا كمائن ولجان
ويقول للناس رخصك
فالفئة ده بالتحديد لابد لها من رادع

كنت عند واحد صاحبي في شارع فيصل النهاردة
وقعدنا على قهوة .... القهوجى حاطط في جنبه
مطوه قرن ...... فبقوله مش خايف ليجى ظابط
يأخدك بالمطوه ده ؟
قالى خلاص يا باشا
عرفنا الحل ... أى ظابط حيتكلم
حنولعله في القسم بتاعه !!!!!!!

بالذمة ده أسمه كلام
؟؟؟؟؟؟؟؟؟؟؟؟؟؟؟؟؟؟؟؟

انا معاكم تماما في ارائكم فعلا لازم تكون علاقتنا بالشرطة قائمة علي الاحترام المتبادل

اقتباس:

المشاركة الأصلية كتبت بواسطة mmffor (المشاركة 357586)

فين المحترمين دول؟؟
حضرتك بتتكلم على بتوع المرور في مصر ؟؟!!!!

اقتباس:

المشاركة الأصلية كتبت بواسطة د.كمال (المشاركة 357595)

بصراحه فيهم ناس محترمين جدا
لكن قله قليله منفلته كان لها دور فى النظام السابق شوهت صوره الكل والنظام السابق إستغل جهاز الشرطه لأغراض قذره خارجه عن نطاق عملهم وأنتشر الفساد والرشوه بينهم .

ياباشا هم فيهم قله قليله محترمه جدا واغلبيه عظمى منفلته
والقله القليله المحترمه قليله لدرجه تكاد تكون معدومه تقريبا

اقتباس:

المشاركة الأصلية كتبت بواسطة أحمد فاروق سيد (المشاركة 357607)

علاقتنا برجال الشرطة تكون قائمة على الإحترام المتبادل
الأدب على قد الأدب
الذوق على قد الذوق
الإحترام على قد الإحترام
نبرة الصوت على قد نبرة الصوت

كلام سليم وعجبنى وسأطبقه بنفسي بالحرف من الآن وصاعد....

امناء الشرطة و المخبرين هما الاغلبية بتاعتهم فاسدة و الاقلية محترمة
لكن الظباط فعلا كتير منهم محترمين (مش بتكلم عن امن الدولة و لكن اغلب القطاعات التانية)
برضه ارجع و اكرر احترام ضابط الشرطه من احترام المواطن المصري نفسه يا اما حتبقى غابة و العصابات و المجرمين و البلطجية مش حيبقالهم كبير
ضابط الشرطه يحترم المحترم و يبهدل المجرم
و احنا حنساعدهم علشان ننضف البلد من المجرمين و الحرامية و العصابات و البلطجية المنتشرين في شوارع مصر و الشعبيات و العشوائيات زي ما قدرنا ننضف البلد من الحرامي الكبير