مصر موتورز مجتمع السيارات - تصدقوا دم المصريين غالى

مصر موتورز مجتمع السيارات (https://www.masrmotors.com/vb/index.php)

- ثورة الحرية 25 يناير (https://www.masrmotors.com/vb/forumdisplay.php?f=177)

- - تصدقوا دم المصريين غالى (https://www.masrmotors.com/vb/showthread.php?t=47298)

رد: تصدقوا دم المصريين غالى

العملية دلوقتي مش اقتصاد بس! الخسائر الاقتصادية الناجمة عن الثورة و المتوقع تطورها خلال الثلاث اشهر القامة لا تعادل الخسائر في البلد الناجمة عن السرقة و النهب و الفساد في ساعة واحده!
العملية ان في 300 واحد او اكثر ماتوا مباشرة و على فترة تجاوزت الاسبوعين يعني مش في يوم واحد ان يقول مخدتش بالي و اللا ملحقتش اعمل حاجة!
المسؤول الاول و الاخير في الموضوع هو رئيس الدولة! و لو (و ان شاء الله سيتم ) رفع الموضوع على محكمة دولية يتم محاكمة رئيس الدولة مباشرة على جرائمة و من ثم يتم محاكمة رئيس الوزراء و وزير الداخلية و وزير الدفاع و اخيرا القيادة الميدانية!

رد: تصدقوا دم المصريين غالى

اقتباس:

المشاركة الأصلية كتبت بواسطة د.كمال (المشاركة 352774)

طب ليه دمنا قبل كده كان رخيص
كان الاف الشباب بيموتوا فى البحر من الهجره ومحدش بيسأل فيعم
الاف الناس بيموتوا غرقا فى العباره ومحدش بيسأل فيهم
الاف الاطفال بتموت من السرطان والاف بيموتوا بالكبدى الوبائى والفشل الكلوى ومحدش بيسأل فيهم
الاف بيموتوا من الجوع والبرد والحوادث ومحدش بيسأل فيهم وفى الاخر نقول كنا عايشين فى أمن

لان عمرنا ما كنا هنقدر نتكلم غير لما كان يحصل ثورة زى اللى حصلت دى
ولكم برضه يا دكتور كانت فيه ناس مش ساكته على كل اللى حضرتك قلته دا
كان فيه استجوابات فى مجلس الشعب وبلاغات للنائب العام
ولكنه الفســـــــــــــــــــــ ـــــــــــــــــــــــــ ــــــــــــاد

رد: تصدقوا دم المصريين غالى

اقتباس:

المشاركة الأصلية كتبت بواسطة AboNoRa (المشاركة 353305)

طبعاً لا يمكن التنازل عن دماء الشهداء اللى نزل وشاف الشباب وهى بتضحى بنفسها بمنتهى الجراءه والرجولة علشان حريتنا وحقوقنا مش ممكن ينسى ولا يتنازل
اللى شاف راجل وشه متخرم اكتر من 15 خرم من جراء ضربه بالخرز فى وشه مباشره عمرة ما هيقدر يتغلب على الاحساس بالقشعريرة كل ما يفتكر المنظر
اللى شاف مشرحة تلاجاتها محشور فيها الشهداء وفاضت بيهم ومرميين براها عمرة ما هيقدر ينسى غدر وغباء وقسوة النظام
اللى شاف الشهداء وهما بيتسلمو لاهلم ملفوفين بدمهم لان مفيش مكان يتغسلو فيه وسمع صراخ وبكاء الامهات والاهالى وحس بحرقة قلبهم على ولادهم عمره ما يقدر ينسى ولا يسامح

أنا النهارده فى المستشفى بدأت أشوف الناس اللى كانت مش فاهمه تفكيرها يتغير بعد ماالقنوات بدأت تزيع فضائح النظام والفديوهات والعربيات إللى بتدوس الناس ودم المصرى اللى كان ارخص من دم الفراخ فى المدبح .
شويه شويه الناس هتعرف الحقيقه وتفوق من النوم ..

رد: تصدقوا دم المصريين غالى

ادونى فرصة بس كلها ساعات ان شاء الله وهفاجىء أعلام عباد فرعون بتقرير مهم جداً

رد: تصدقوا دم المصريين غالى

استعرض الرئيس محمد حسنى مبارك تطورات الموقف الراهن خلال اجتماعه اليوم بقيادات العمل التشريعى والتنفيذى، وما توصلت إليه اجتماعات الحوار الوطنى مع كافة القوى السياسية، بما فى ذلك التوافق على تشكيل "لجنة دستورية"، تتولى دراسة التعديلات المطلوبة فى الدستور، ولجنة ثانية للمتابعة، تتولى متابعة التنفيذ الأمين لما تم التوافق عليه بين أطراف الحوار الوطنى.
وقد أصدر الرئيس تعليماته بأن تبدأ كلتا اللجنتين أعمالهما اعتباراً من الغد، كما وجه إلى إنشاء لجنة ثالثة لتقصى الحقائق نزيهة ومستقلة ومحايدة من شخصيات مصرية مشهود لها بالنزاهة والمصداقية لتتولى تقصى الحقائق حول أحداث الأربعاء الماضى والتجاوزات المشينة والمرفوضة فى حق المتظاهرين وما أوقعته من ضحايا أبرياء بين أبناء الوطن.
وأكد الرئيس خلال اجتماع اليوم أنه يشعر تماما بمصاب عائلات هؤلاء الضحايا، ويضع نفسه مكان من فقد الأب أو الأخ أو الابن أو الحفيد، ويعرب لهم جميعاً بقلب حزين وموجع عن خالص عزائه لهم ومواساته للمصابين الأبرياء ويتمسك بأن تحيل لجنة تقصى الحقائق ما تتوصل إليه إلى النائب العام ليتخذ بشأنه ما يلزم من إجراءات.
منقول اليوم السابع