مصر موتورز مجتمع السيارات - اسئلة تهم المبتدئين فى عالم السيارات

مصر موتورز مجتمع السيارات (https://www.masrmotors.com/vb/index.php)

- المنتدى التعليمى والمكتبة الفنية (https://www.masrmotors.com/vb/forumdisplay.php?f=158)

- - اسئلة تهم المبتدئين فى عالم السيارات (https://www.masrmotors.com/vb/showthread.php?t=4604)

رد: اسئلة تهم المبتدئين فى عالم السيارات

وانا سؤال على السريع مثلا انا عايز اقف والمكان زحمة ادوس فرامل بس ولا معاها دبرياج ؟؟؟

رد: اسئلة تهم المبتدئين فى عالم السيارات

اقتباس:

المشاركة الأصلية كتبت بواسطة koky_90 (المشاركة 19527)

فــــــى عندى سؤال

س:- انا زى ماتقوله كده في لازمه في السواقه بتاعتى ان مش بشيل رجلى من على الدبرياج خلاص وده مضر جدا طبعا ؟ ازاى اتخلص من المشكله ده؟ ptmnlo123per1127

بص يا كوكى فيه تمرين مهم اوى تعود نفسك عليه

دور العربية الغى رجلك اليمين خااااااااالص واستخدم الدبرياج علشان تقوم العربية سنة سنة طبعاً
بعد ما العربية تاخد سرعتها (سرعة السلانسية بتاعة الغيار الاولانى) تحط رجلك على الدبرياج وتنقل الجير اللى بعدة وتكرر الموضوع لحد الغيار الرابع

يعنى تسوق بالدبرياج بس
طبعا الكلام ده عايز مكان فاضى او حد يقدر يمشى على مهلة بس التمرين ده هيعودك اوى على سنس الدبرياج وانك تتعود ترفع رجلك عليه بعد ما يفصل

حاجة تانية عود نفسك دايما ترجع رجلك على المسند اللى بيبقى على الشمال جنب الدواسات هتلاقية مريح لرجلك ورجليك مش هتبقى بعيدة اوى ولا قريبة اوى برضو

الاهم من كل ده انك تبقى عارف انك ممكن تدوس على الدبرياج ميت مرة فى المشوار وميحصلش تلف فى الاسطوانة بس بشرط انك لما تدوس تدوس لاخرة لكن الترييح عليه هو اكبر مشكلة

عامة يفضل مراجعة (CLEARANCE ) الخلوص بتاع الاسطوانة اول باول بالاضافة لسلك الدبرياج وطبعا وضعية ومكان فصل دواسة الدبرياج

رد: اسئلة تهم المبتدئين فى عالم السيارات

اقتباس:

المشاركة الأصلية كتبت بواسطة emadmody2010 (المشاركة 19553)

وانا سؤال على السريع مثلا انا عايز اقف والمكان زحمة ادوس فرامل بس ولا معاها دبرياج ؟؟؟

لو عربية مانيوال مش ممكن طبعا لان ده معناه ان العربية هتبطل منك فلازم تدوس دربرياج بس لاخرة يا اما تمور العربية

رد: اسئلة تهم المبتدئين فى عالم السيارات

اقتباس:

المشاركة الأصلية كتبت بواسطة emadmody2010 (المشاركة 19553)

وانا سؤال على السريع مثلا انا عايز اقف والمكان زحمة ادوس فرامل بس ولا معاها دبرياج ؟؟؟

بص يا استاذ عماد
فى حاجة اسمها الفرامل المساعدة Auxilary brake بمعنى ان المحرك متصل بالعجل عن طريق الدبرياج و الفتيس
مثال بسيط
لو فرضنا إن سرعة دوران المحرك 4000 لفة فى الدقيقة و بتوصل للعجل 1000 لفة فى الدقيقة معنى كدة ان حضرتك لو سبت رجلك من على دواسة البنزين و بقت سرعة دوران المحرك 1000 لفة فى الدقيقة هتوصل للعجل كام؟
اكيد هتوصل 250 لفة فى الدقيقة يعنىاحنا كدة استخدمنا المحرك فى فرملة العجل و دى اللى بنسميها الفرامل المساعدة
و الاسلوب ده فى القيادة بيوفر تيل فرامل و كمان بيوفر اسطوانة الدبرياج بس لو طبعا الوقفة إضطرارية و عايز العجل يكلبش فى الارض دوس على الفرامل و الدبرياج مع بعض عشان المحرك مايبطلش
و لو الوقفة إضطرارية جدا جدا جدا يبقة تدوس فرامل بس و مش مهم المحرك يبطل و لو عرفته تلحقه بدوسة على الدبرياج قبل ما يبطل تكون حريف

رد: اسئلة تهم المبتدئين فى عالم السيارات

يا نيسان الفرامل المساعده دى كويسه و كل حاجه بس بتاثر على عمر الموتور يعنى بتاكل منه حبه كده فبلاش منها كتير