مصر موتورز مجتمع السيارات - ممكن مساعدتكم : محتار بين لانوس وA516

اقتباس:

المشاركة الأصلية كتبت بواسطة مندوووووو (المشاركة 298759)

ممكن لو سمحتم تفيدونى انا محتار بين لانوس وبين a516 ممكن اعرف رايكم بحيادية وصراحة
من حيث القوة والمتانة وسحب العربية والصاج وكده يعنى

شكرا ليكم

بص يا مندور بيه أنا بيعت اللانوس عشان أشترى اسبيرانزا و جبتها فعلا فىة شهر 4 اللى فات 2010 يعنى سوقت دى و دى و من خلال تجربتى بقولك الاسبرانزا احلى و اقيم وافخم وكدا كدا الضمان بتاعها بيغطى عيوبها و دى مقارنه كنت كتبتاها بين السيارتين والفيرنا كمان فى موضوع ليا قبل كدا يا ريت تفيد سعدتك

1- العربيه دى ممتازة لو قارنا سعرها بسعر الفيرنا او اللانوس الدايو
2- الصالون ممتاز
3- الاوبشن يختلف كتير و يفوق السيارتين كالاتى :

1- فيها فتحتين تكييف خلفيتين
2- مرايات كهرباء ناحيتين
3- 6 سماعات مش 4
4- كشافات متحركه فوق و تحت
5- كنبه تنطوى بالكامل مش نص كنبه بس
6- كاسيت تحفة كلاريون يابانى
7- كشافات شبورة أمامية
8- كشافات شبورة خلفية
9- جنوط سبور
10- شنطة واسعه جدا جدا جدا
11- عازل حرارى فى الكبوت
12- شريحة مدمغه للراديو بدلا من أنتينة او إريال هوائى و صوت الراديو نقى جدا
13- عزل تام للصوت الخارجى بمجرد غلق السيارة و الشبابيك
14- كونصول بجوار السائق يسع أمتعة مختلفة
15- الشماسه اللى جنب الكرسى بتاع السواق فيها مرايا ذات أنوار
16- مخاضع رأس لكل كرسى مش مخاضع أماميه بس
17- روافع كهربائية أوتوماتيك عن بعد
18- فرامل ABS
19- لمبات فى أنوار الصالون مقسمه على كشافين
20- وزن السيارة فارغة 1300 كيلو وده وزن مايتخافش منه وانت راكبها يعنى عربية ماسكه فى الارض كويس جدا فى حين ان الفيرنا وزنها فاضيه 750 كيلو بس
دا غير فرش الببان الجامد تحس أنك من الوهلة الأولة لدخولك للعربيه دى أنك دخلت عربية من فئة أعلى بكتير

من الأخرلا مقارنة بين الاسبرانزا و اللانوس والفيرنا
معلومه هامه السيارة A 516 تمنها 64 ألف فى حين اللانوس 68 و الفيرنا 67.5
الاسبرانزا مشكلتها الوحيده انها من اصل صينى والشعب المصرى بطبعه بيخاف و كل واحد مستنى غيره يجرب بس السيارة دى حتكرر قصه السيارة البيجو 504 فى انتشارها واثباتها تحملها وقوتها
دا غير ان شكلها احسن بكتيير جدا من اللانوس التقليديه منذ 1999 و الفيرنا الصغيرة الخفيفه جدا