مصر موتورز مجتمع السيارات - سؤال لخبراء لانسر كرستالة موديل 2000 اوتوماتيك

يا استاذ محمد الكريستاله زيها زي غيرها من العربيات
زي ما حتلاقيها فيها مميزات حتلاقي فيها عيوب
و اي عربيه في العالم كده لان الكمال لله وحده
بالنسبه لكونها اتوماتيك مافيش اي عربيه اتوماتيك لا كريستاله ولا غيرها بتتزق لما البطاريه تنام
حكايه الجنوط ال 15 اكيد حتتعب العفشه لكن مش للدرجه اللي انت متخليها
بلاش يا جماعه نسمع اي كلمه من اي حد و نرددها و ناخدها قرآن
الجنط 15 له مميزات في الثبات لكن بيجي علي حساب الراحه و طبعا تاثيره اقل من الجنط ال 16 او 17 .
بالنسبه للمقارنه بالاسبرانزا فدي حاجه ترجع ليك انت و محدش يقدر يحكم فيها
انا عن نفسي ما اعرفش اركب الاسبرانزا و بحب الكريستاله و في غيري بيقول عاوز يركب عربيه حديثه حتي لو صيني و دي حاجه ترجع له و محدش يقدر يقول عليا غلط او علي التاني غلط