رد: السيارات فى مصر فرز تانى وبالذات هيونداى وبالاخص الفيرنا
 

مع الاسف يا جماعة أنا مع الاخ صاحب الموضوع فى حكاية فرامل الفيرنا إنها سيئة جدا
ودة إتأكدلى بعد أما ربنا كرمنى بالاوبل فيكترا
وفعلا يا جماعة أجزاء السيارة الفيرنا المصنعة فى مصر رديئة جدا جدا
ودة كنت بشوفه أيام أما كنت بتدرب هناك
لكن الاجزاء اللى جاية من كوريا كويسة بس مش ممتازة

رد: السيارات فى مصر فرز تانى وبالذات هيونداى وبالاخص الفيرنا
 

هو ايه الكلام اللى ملوش لا سقف ولا ارض ده
من شوية واحد فى الأردن بيقولنا ان العربيات اللى بينزلها الوكيل فى مصر فرز تانى
والنهارة الأخ مادا بيقول برضه فرز تانى
ثم ايه حكاية العربية اللى على 90 كيلو وفرمل ملقاش فرامل طبعا انا لا اكذب الحادثة ولكن المنطق والعقل كده عربية فراملها كويسة يعنى بالبلدى مش عطلانة ولا المواسير مسربة زيت اللى اللى هيخليها ان شاء الله متفرملش وايه بقى ده قبل المطب ب 50 متر وبعدين زحفت لما لبست فى اقرب سيارة امامها
يعمى باختصار ياجماعة الخبر عاوز يقول لكم
احذروا الفيرنا
على العموم متزعلش غبور بيصفيها هى والنيو اكسنت ولما يخلص المخزون على 2020 ان شاء هيجيب لنا الأكسنت الجديدة ويجمع برضه الموديل القديم
فى الآخر رجاء من اى عضو ينقل خبر او معلومة يكون واثق من مصدرها لأنه مسئول عنها فى المنتدى
وبعدين الموضوع امانة فى الأول والآخر
وشكرا *

رد: السيارات فى مصر فرز تانى وبالذات هيونداى وبالاخص الفيرنا
 

يا أستاذ محمد
أنا أقسم بالله العلى العظيم إن أحد الفنين القدامى بأحدى شركات غبور قالى إن الطنابير اللى بتركب فى الفيرنا بقالها فترة معيبة والشركة اللى بيتعمل الطنابير بعتت لشركة غبور بتعتذر وبتسأل على المواصفات الفنية المطلوبة لكن للاسف شركة غبور مرديتش عليها ودة بالنسبة للشركة التانية موافقة من قبل شركة غبور على هذه الاجزاء وإنها صالحة للاستخداام ومازال الانتاج منها مستمر

رد: السيارات فى مصر فرز تانى وبالذات هيونداى وبالاخص الفيرنا
 

يا استاذ أحمد مفيش داعى للحلف ولا حاجة احنا مش فى محكمة يا باشا
انا طبعا معاك ان اى عربية فى مصر لازم يكون ليها عيوب وطبعا العربية المستوردة بالكامل بتفرق فى الجودة عن اللى بتتجمع هنا
بس موضوع الطانبير ده فعلا غريب لأتى لما حبيت اغير الطنابير الأمامية للأكسيل اللى معايا لقيت منها الأصلى الكورى والكورى التقليد ونوع تانى المانى هواللى اشريته لكن ملقيتش اى طنابير مكتوب عليها صنع فى مصر وبعدين الطانبير لقيت مكتوب عليها اكسيل واكسنت والنترا يعنى كلهم مقاس واحد
وتقبل تحياتى

رد: السيارات فى مصر فرز تانى وبالذات هيونداى وبالاخص الفيرنا
 

ياباشا أنا عارف إن حضرتك معاك إكسيل لان أنا كمان كان معايا الاكسيل وكان حاجتها الاصلية موجودة
بس فى فرق فى مرحلة التجميع الخاصة بالعربية وبين مرحلة عمل صيانة للعربية
فى التجميع بيحاولو يقللو التكلفة الكلية عشان يعرفو يكسبو أكبر قدر ممكن من الفلوس
لكن فى الصيانة طالما كله على العميل يبقى يدفع بقى تمن الغالى اللى هو الاصلى طالما التوكيل مش غرمان حاجة