|
رد: صور وفيديو مقابلة مصر موتورز الثانية وعيد ميلاد سعيد
فين بقيت الصورررررررررررررر
والفديوهات |
رد: صور وفيديو مقابلة مصر موتورز الثانية وعيد ميلاد سعيد
معلش يا جماعة النهاردة صحيت متأخر و كمان ده يوم عائلى لكن عموما كل سنة و إنتم طيبين يا جماعة كان يوم رائع جدا و أجمل ما فيه أعضاء مصر موتورز إللى حضروا من القاهرة و اسكندرية و أكتوبر و الغربية أنا فرحت جدا بكل واحد حضر المقابلة و كان نفسى أقعد مع كل واحد فترة أكبر لكن تتعوض فى المقابلات الجاية إن شاء الله كمان الحفاوة و الضيافة الكريمة لسبير كار ممثل فى اﻷستاذ / محمد مصطفى و اﻷستاذ أمير و كل أسرة سبير كار ... ألف شكر ليهم و من نجاح لنجاح إن شاء الله |
رد: صور وفيديو مقابلة مصر موتورز الثانية وعيد ميلاد سعيد
اناكان نفسى اكون معاكم بس للاسف ظروف الشغل منعتنى من الحضور
ان شاء الله نتجمع فى المصيف ولا مش نوين وشكرا كورسير باشا على الصور والفديو وشكرا للاستاز حازم خضر بجد انا حزين لعدم حضورى وتتعوض ان شاء اللة |
رد: صور وفيديو مقابلة مصر موتورز الثانية وعيد ميلاد سعيد
اقتباس:
عزرك مقبول المره دي بس لكن المقابلة الجاية ان شاء الله اساسي انتا معانا |
رد: صور وفيديو مقابلة مصر موتورز الثانية وعيد ميلاد سعيد
كان يوم من اجمل الايام والواحد قابل واتعرف على ناس افاضل ومحترمين كان نفسه يقابلهم من زمان
و شوفت اخواتي و اصحابي اللي بقالي كتييير اوي مشفتهومش بس للاسف الوقت الحلو عدا بسرعه و ملحقتش اتكلم مع كل الناس .. ويا رب دايما نتجمع في الخير الكلام كتير و الوقت قليل بس اعذرني استاذ احمد بدر هو حصل سوء فهم مني .. وانا ماشي على الطريق مكنتش شايف غير عربيه استاذ نبيل ولقيته قرب عليا و اداني فلاشر ففهمت انه عايزني افتح شويه السرعه .. بس بعد شويه اداني فلاشر تاني و قرب مني وشاور ليا ومن ساعتها هديت وكنت بحاول كل شويه ابص عليك بس انت كنت مطفي الانوار ومشغل لمبه سهاري ... ووقفنا استنيناك بعد منزل الدائري مع اننا كنا ماشيين 60 في الحته دي والناس كلها عدت مننا حقك عليا يا ريس المره الجايه مش حزود عن السرعه الرسميه اللي هي الصبح تبقى 90 ... بالليل بتبقى 160 :) استاذ حازم شاهين ... اشكرك بشده على مجهودك الرائع في المنتدى و كلمتك الرقيقه ابو نورا .. ربنا يوفقك و تحتفل باليوبيل الذهبي و العضو رقم مليون لو فتحت في الكلام مش حخلص لكن بشكر كل الناس اللي قابلتهم و اتعرفت عليهم وكان في ناس نفسي اقابلهم وكنت متوقع حضورهم ايمن عبد الرازق ومحمد كمال لكن حظي وحش معاهم و نشوفهم على خير قريب بإذن الله |
| الساعة الآن 09:19 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017