مصر موتورز مجتمع السيارات - رايكم يهمني... هل تتفوق البورش علي اللانسر ؟؟؟

اقتباس:

المشاركة الأصلية كتبت بواسطة corsair (المشاركة 191030)

احنا حسدناك ولا ايه يا حورس في حد يسيب البورش ويروح للنسر في حد يبقي راكب مرسيدس ويبدلها بتوكتوك اكيد انتا شارب شاي بالياسمين يا عم حورس اتغطي كويس وانتا نايم علشان كابوس الانسر ده ميجلكش تاني

ايه يا كروسير باشا
كده هتزعلني منك
انا بتكلم عن الايفو 10 يا زعيم

اقتباس:

المشاركة الأصلية كتبت بواسطة luckyman (المشاركة 191059)

انا عارف انك تقصد اللانسر الايفولوشين 10 لكن عمرك ما تحس بقدرتها الخارقة زى ما قلت انت محتاج مضمار فورميلا وان او مدرج مطار كمان ناس كتير مش تقدرها لان مهما السيارات مختلفة من الخارج لكن ممكن اى لانسر تحوله من الخارج زى الايفولويشن وكمان عايزة اعصاب قوية علشان تسوقها وعلشان تعرف اللانسر الايفولويشن كشخص عادى لازم التحديق وعن كثب تحت غطاء المحرك وقراءة الارقام الفنية
لكن البورش تقدم لك تصريح ثقة مع الكايان حتى لو كانت من غير محرك العربية تحفة فى حد ذاتها يعنى بمجرد انك تمر بها اللى فاهم واللى مش فاهم حيقول بورش لان يا حورس باشا قليلق جدا هى السيارات التى يجمع عليها اراء الناس وبورش كايان هى احد تلك السيارات ودمت بود وشكرا لك

انا عارف ان حضرتك عارف الفرق بين الاتنين
انا كنت بوضح بسكل عام
انا لم اسمع ان الايفو غير مريحة او ان سواقتها صعبة بل العكس
سهولة قيادتها و التحكم في قوتها احد اقوي مميزاتها
اما من ناحية الشكل فالتشابة مع العادية موجود لكن برضة هناك فروقات عديدة
و كده احسن عشان الناس تتخم

اقتباس:

المشاركة الأصلية كتبت بواسطة خالداعزالناس (المشاركة 191066)

الايفوليوشن دى جامده جدا
بس مهما كان البورش افضل بكتير
لكن الايفوليوشن قويه جدا جدا
قوه حصانيه رهيبه ...... وعزم شديد ..... متهيألى ممكن تفكر تبادل البورش بيها
لان الخليج معروف .... ينزل الموديل الجديد ..... القديم تمنه ينزل اووووى
بس مفيش اختيارات تانيه ادامكptmnlo123per144
انا كنت عاوز اشوف منك كذا موديل
عشان الواحد يعرف يختار منها
لان بصراحه المشكله فى الايفو
من وجهه نظرى
ان الشكل الخارجى يطابق بنسبه كبيره لانسر العاديه
يعنى بصراحه اى زياده او تعديل .... كأنه تعديل على العاديه
ودا الشئ الوحيد اللى يعيب السياره
يعنى عندك ممكن تلاقى اختيارات تانيه كتير
انا بشوف ( انا فى الرياض على فكره )
سيارات تانيه كتير ممكن تشتريها افضل من الايفو
,,,,,,,,,,,, والله الموفق

تسلم يا زعيم
بس الايفو هي اللي حت في بالي لكمنها سيدان يعني تشيل ناس عادي
و الاهم من كده سعرها
و فعلا انخفاض سعر عربيتي هو اهم سبب في التفكير اني اغيرها و لولاه مكنتش فكرت في الموضوع ده خالص

اقتباس:

المشاركة الأصلية كتبت بواسطة mohamed ibiza (المشاركة 191072)

لا بديل عن البورش !! ايش جاب لجاب حتي لو هتجيب ايفو !! معلش انا مش معاك خالص نهائيا ! غير كده .. الايفو فيها تربو لو الكايين اللي معاك تربو يبقي مش مشكلة هتعرف تتعامل انما لو مش تربو يبقي لازم تعرف ان التربو ليه معامله خاصه جدا .. يعني مينفعش تنزل بيها مصر هنا مثلا غير لما تحط 95 بصفة مستمرة و لو نزلت ل92 الموتور هيبوظ ! و لازم دايما و بأستمرار متابعه للزيت و الميه و صيانه مستمرة في اوقاتها مينفعش تطنش .. علي اد ما التربو بيديك من قوة علي اد ما بياخد منك جهد برضه ..

و بصفة عامه اسمك راكب بورش كايين اس .. دي حاجة و اسمك راكب ايفو دي حاجة تانيه و في نظري الكايين تكسب .. كفايه علامة بورش عليها !!

و علي فكرة
فيه سيفيك هنا في مصر تخيط الايفو و تسلك بيها سنانها زي ما اتعمل في ال M3 احدث موديل:HAPPY_~211:

ما هو يا زعيم انا بقارن العربيتين ببعض بغض النظر عن الماركة
لان اكيد اسم بورش اشهر و اقوي بكتير من الميتسو او حتي الايفو
البنزبن هنا مش مشكلة خالص و كده كده الكايين مبتاخدش اقل من 95 و متنساش ان متورها مرة و نص قد الايفو يعني الايفو موفرة في البنزين اكتر
من ناحية الصيانة الاتنين محتاجين اهتمام و زيارات دورية للوكيل يعني مش هتفرث

اما موضوع السيفيك دي فدي اكيد متعدلة
و من ناحية التعديل الايفو ملكة المجال ده هي و النيسان GTR
و كان في واحد معايا في الجيم معاه ايفو 7 معدلة 800 حصان يعني لا تقولي سيفيك و لا بورش ده بيلعب مع البوجاتي
و فيه ناس برة وصلوا بالايفو لا 1000 حصان و اكتر يعني مع التعديل مش هنخلص
لكن لو بتكلم ستوك الايفو وحش برضة

اقتباس:

المشاركة الأصلية كتبت بواسطة Devill Blood (المشاركة 191082)

ياعم حرام عليك أنا هاخش أصلى لك ركعتين لأنى شكلى هاحسد وربنا المعين أنى أمسك نفسى
لا بجد يا أخى أنت لو تقدر هات الكايين الجديدة غير كده سيبك خالص من الأيفو دى بتاعت سباقات ومش مريحة ذى الكايين والبورش وسيبك بقى من التربو وركز فى الرفاهية

ههههه
ليه بس يا زعيم
بص خش علي اليوتيوب و اتفرج علي فيديوهات للايفو 10 كده عشان تعرف العربية ده قادرة تعمل ايه