مصر موتورز مجتمع السيارات - توكلت على الله و استقريت على الماروتى

مصر موتورز مجتمع السيارات (https://www.masrmotors.com/vb/index.php)

- ماروتى MARUTI (https://www.masrmotors.com/vb/forumdisplay.php?f=196)

رد: توكلت على الله و استقريت على الماروتى - ارجو دخول اصحاب الخبرة فى الماروتى

اقتباس:

المشاركة الأصلية كتبت بواسطة مورو (المشاركة 189839)

بصراحه يا استاذ طوبجى انا مع الاستاذ احمد السويسى وبعدين الماروتى مش رخيصه برضوا دى 38000 - يعنى ممكن تصبر شويه وتجيب عربيه اكبر من كده - معلش ممكن يكون كلامى ميوافقش هواك لكن دى نصيحتى .

يعني هيجيب ايه زيرو ب 38000 جنيه
يا جماعه متتكلموش وخلاص يعني الواحد لو معاه اكتر هيبخل علي نفسه ليه الي جايب الماروتي جايبها علي قد فلوسه ونفسه عزيزه عاوز يركب زيرو ميركبش مستعمل ويلف بيها علي ميكانيكيه ويفضل متعزب بالعربيه
وبعدين الماروتي لو وحشه مكنتش عاشت في العالم كله من سنه 83 لحد النهارده واللي وقف انتاجها انها مش وحشه لكن ده بسبب قانون جديد عالمي وهو قانون الحد من انبعاثات الضاره في البيئه والهند طبقته فكل العربيات اللي بتشتغل بالبنزين ههتلغي ويحل محلها عربيات تشتغل بالطاقه النظيفه مثل الكهرباء وبالفعل اتجت شركه مرسيدس لانتاج سيارات تعمل بالطاقه الكهربائيه ولكن سرعتها القصوي 80 كيلو متر وكمان دلوقتي كل العربيات في الصين كهرباء وعلي كل ناصيه تلاقي مجموعه فيش للشحن والشحنه ب 5 رمنبيه اللي سافر الصين اكيد شاف الكلام ده
يا ريت اللي مركبش الماروتي ميتكلمش عنا الا لما يجربها الاول بجد عربيه محترمه احنا مبنقولش انها جباره احنا بنقول عربيه علي قده مبنقارنهاش بالي ماتورها 1300 سي سي وكمان علشان تجيب عربيه محترمه مش اقل من 53الف ولو حتي جاب الصيني هتخشلها في 50 الف معلش لو كلامي يزعل لكن انا بجد معايا العربيه من سنتين وكانت مع جاري من حوالي 11 سنه والحمد لله ماشيه زي الفل وعلي الاقل رحمانا من عنائ المواصلات واسمها عربيه مع انها العربيه رقم 1 في الهند

رد: توكلت على الله و استقريت على الماروتى - ارجو دخول اصحاب الخبرة فى الماروتى

ولا تزعل نفسك يا عم حبيب الناس (وانت فعلا حبيب للناس) - خلاص يا استاذ طوبجى ربنا يوفقك وتجيب الماروتى اللى انت عايزها وارجو ان يكون كلامى مزعلكش انت كمان .

رد: توكلت على الله و استقريت على الماروتى - ارجو دخول اصحاب الخبرة فى الماروتى

اسف يا جماعة انى مدخلتش الموضوع او المنتدى من فترة و ده لظروف الامتحانات
ثانيا
احب اشكر استاذ احمد السويسى و استاذ حبيب الناس على النقاش المحترم ده
عشان انا بجد استفدت منه جدا والله
و يا استاذ مورو انا مزعلتش ولا حاجة
الاختلاف فى الرأى لا يفسد للود قضية
و كان ليا سؤال لحضرتك يا استاذ حبيب الناس
كنت عايز اعرف ايه اخبار الثبات و الاتزان فى العربية؟
و خصوصا لو مثلا على 80 او 100 او 120 مثلا (يعنى السرعات العالية)
و شكرا مقدما لحضرتك

رد: توكلت على الله و استقريت على الماروتى - ارجو دخول اصحاب الخبرة فى الماروتى

اقتباس:

المشاركة الأصلية كتبت بواسطة tobgy (المشاركة 190030)

حمد الله علي سلامتك وربنا يوفققك في امتحاناتك إن شاء الله وتكون من الأوائل

العربيه لو كويسه ومفهاش مشاكل بثباتتها واتزانها كويس ومقبول نوع ما ولكن في السرعات العاليه لازم يكون فيه سرعه بديه من اللي سايق لانك مينفعش تخد بيه عرز علي سرعات عاليه لكن لو في سفر ما شاء الله عليه باكل واشرب شاي وانا سايق وبسيد الدركسيون والله العظيم لا بتروح يمين ولا شمال زي ما هيا ماشيه عدل
وربنا يستر طريقنا كلنا
بس ده مش دعوه علشان تشد بالعربيه وتعمل غزر وخمسات
العربيه ده عازه اللي يحافظ عليها علشان تعيش مهاه وانا عن نفسي فيه بنزينه في اول مصدق في الدقي تحت الكوبري تقريبا بنزينه التعاون كل 6 شهور بروح اغسل العربيه هناك ماتور وعفشه وبره وجوه مكان نضيف بصراحه ورخيص بس هوا زحمه شويه بسبب انه رخيص بس بيعملو شغل في العربيات نضيف جدا انا تقريبا بدفع في غسيل العربيه كله عفشه وماتور وبره وجوه تقريا من 60 ل 75 جنيه

رد: توكلت على الله و استقريت على الماروتى - ارجو دخول اصحاب الخبرة فى الماروتى

اقتباس:

المشاركة الأصلية كتبت بواسطة حبيب الناس (المشاركة 190142)

حمد الله علي سلامتك وربنا يوفققك في امتحاناتك إن شاء الله وتكون من الأوائل

ربنا يخليك يا استاذ حبيب الناس

العربيه لو كويسه ومفهاش مشاكل بثباتتها واتزانها كويس ومقبول نوع ما ولكن في السرعات العاليه لازم يكون فيه سرعه بديه من اللي سايق لانك مينفعش تخد بيه عرز علي سرعات عاليه لكن لو في سفر ما شاء الله عليه باكل واشرب شاي وانا سايق وبسيد الدركسيون والله العظيم لا بتروح يمين ولا شمال زي ما هيا ماشيه عدل

والله حضرتك طمنتى عشان سمعت انها بتتقلب بسرعة

وربنا يستر طريقنا كلنا

يا رب

بس ده مش دعوه علشان تشد بالعربيه وتعمل غزر وخمسات
لالا متخافش حضرتك :HAPPY_~211: انا من النوع اللى بحافظ على حاجتى و خصوصا انى تعبان فيها

العربيه ده عازه اللي يحافظ عليها علشان تعيش مهاه وانا عن نفسي فيه بنزينه في اول مصدق في الدقي تحت الكوبري تقريبا بنزينه التعاون كل 6 شهور بروح اغسل العربيه هناك ماتور وعفشه وبره وجوه مكان نضيف بصراحه ورخيص بس هوا زحمه شويه بسبب انه رخيص بس بيعملو شغل في العربيات نضيف جدا انا تقريبا بدفع في غسيل العربيه كله عفشه وماتور وبره وجوه تقريا من 60 ل 75 جنيه

و الله انا نفسى اجرب انى اودى العربية مكان تتغسل فيه
عشان فى عربية والدى كنا احنا اللى بنعمل كل حاجة بنفسنا و بدقة شدييدة و بضمير فمش عارف بقى فى البنزينة حيعملوها زى ماحنا كنا بنعملها؟؟؟؟؟؟
و شكرا جدا لرد حضرتك السريع