مصر موتورز مجتمع السيارات - نيو سيراتو تاكسى فى الاسماعيلة

مصر موتورز مجتمع السيارات (https://www.masrmotors.com/vb/index.php)

- ريفيوهات (https://www.masrmotors.com/vb/forumdisplay.php?f=3)

- - نيو سيراتو تاكسى فى الاسماعيلة (https://www.masrmotors.com/vb/showthread.php?t=15605)

رد: نيو سيراتو تاكسى فى الاسماعيلة

اوعى ترفع الصور مش ناقصين اكتئاب ptmnlo123per1106

بس بجد اكتر عربية شوفتها تاكسى من العربيات الجديدة وعجبتنى واقتنعت بيها اوى النيسان صنى القديمة

رد: نيو سيراتو تاكسى فى الاسماعيلة

اقتباس:

المشاركة الأصلية كتبت بواسطة oceanboy425 (المشاركة 98643)

على فكرة انا ركبتها النهارده وتكلمت مع صاحبها وهبقى احكيلكو على الحوارptmnlo123per154

مستنيين الحوار يا اوشن باشا :HAPPY_~211:

رد: نيو سيراتو تاكسى فى الاسماعيلة

هو حرام فعلا تبقى تاكسى
لأن التاكسي دا عشان يشتغل كويس لازمله مصاريف و صيانة كل كام يوم
فلما يجيب عربية زى كدة و يعملها تاكسي(اللى قطع غيارها غالى أصلا)
هيصرف قد اللى بيجيبو صيانة دغير كمان اذا جابها قسط
و كمان اللى هى هتجيبو بيجيبوه الفيرنا و اللانوس و ال بى ام و المرسيدس لو هما تاكسي
من رأيى ان انسب نوع للل تاكسي اللادا لانه بيستحمل أوي و قطع غياره رخيصة جدا(مثلا وش الفانوس الخلفى ب 11 جنيه)
و بتاخد بتزين 80 يعنى قشطة أوي
و بقرشين صغيرين ترجع العربية زي الزيرو
لكن من رأيي أن اللى يجيب تاكسي غالى دا غلطان و بيضيع فلوسه على الفاضي الا بقى اذا كان لاقى العربية دى

رد: نيو سيراتو تاكسى فى الاسماعيلة

انا نزلت الشارع و بفكر اركب تاكسى نوعه ايه
قولت الفيرنا لكن ليه ماهو فى الاسبرانزا و كمان الافيو وبعدين استقريت اركب النيو اكسنت او الاوبترا
يادوب وقفت مستنى النيو اكسنت لقيت واحد جاى بس للاسف كان مشغول قولت برضو مش متنازل عنها
مفيش كام ثانية لقيت الوحش النيو سيراتو معدية شاورت وطلع فاضى كمان مصدقتش نفسى
المهم ركبت وبسم الله ما شاء الله بجد عربية تحفة ودار الحوار
-ازيك ياراجل يابركه
- الحمد لله على كل حال
- بسم الله عربيتك جميلة ربنا يعطيك خيرها ويكفيك شرها
-شكرا يابنى
هى عربيتك دى رقمها كذا وطبعا كنت مصور الصور دى قبلها بيومين
-ايوة بس ليه؟
-اصل انا بقول لصحابى ان فى نيو سيراتو تاكسى فى الاسماعيلية عندنا ومش مصدقين
-ههههههه قولهم يصدقوا
- اشمعنى انت جبت النيو سيراتو؟
-انا كنت حاجز النيو اكسنت بس الراجل جابها لونها اسود وانا بكره اللون ده اوى وعشان يجيب اللون اللى انا عاوزه اقامه خمستاشر عشرين يوم وانا بايع عربيتى اللى كانت فيرنا زائد انى دافعلة الفلوس فاتفرجت على العربيات اللى عندة فعجبتنى السيراتو فجبتها
-اصل الناس بتقول حاجة تانية
-بيقولوا ايه؟
- انك اكيد كنت جايبها ايجار لشركة بس العقد اتلغى
-لأ مفيش حاجة زى كدة
انا راكب عربية زى الفل وجديدة وشكلها شيك وباكل عليها عيش
-وهى الفيرنا كانت وحشة؟
-عربية مش حلوة بتاكل زيت
المهم انا كنت وصلت فدفعت 5 جنية وقولت اشوف هيرجعلى كام زى اى تاكسى ب 2.5 ولا ايه
المهم لقيتة بيرجعلى 2 جنية ونص والله حاجة زى الفل بجد !!!!!!!!!!!
ودى الصور اللى كنت مصورها الساعة 1 بالليل

رد: نيو سيراتو تاكسى فى الاسماعيلة

شكرا على الصور ....بس حرام عربية بميه وشويه الف تبقى تاكسي يا ترى مانيوال ولا اتيبترونيك

وفيها جنوط ولا لا