رد: ما هى السيارة الأكثر شعبية بمصر؟
 

3 عربيات اساسية ممكن لو بصيت حوليك هتلاقي
من كل نوع علي الاقل 3 او 4 خد عندك بقي باقي الشارع
الفيرنا و الانوس و اللانسر
و اكثرهم انتشاراً الفيرنا و علي نفس المستوي اللانسر
بس لو جنا بالمنطق ايهم احسن
1 الانسر
2 الانوس
3 الفيرنا

رد: ما هى السيارة الأكثر شعبية بمصر؟
 

موضوع جامد بس ليا ملاحظه اخد راى حضراتكوا فيها ,انا مسمى السيارة الشعبيه انتهى ومش موجود لان ال128 كانت عربية الكل كنت تلاقى الموظف راكب 128 وشاب الجامعه راكب 128 بس مظبطها والبنوته راكبه 128 والى ساعد على ده موديلاتها الكتير من سنة 1971 حتى 2006 وكانت عربيه سابقه عصرها بشيكتها وان اى اضافه عليها كانت بتعمل لها مظهر جامد تقريبا فكانت فعلا شعبيه كانت عربية الدكتور والمهندس والموظف والطالب والبنوته لان كان سعرها حسب حالتها من اول 8 الاف جنيه لحد 40 الف جنيه يعنى كل مستويات الشعب لكن حاليا مفيش احنا ممكن نقول حاليا السيارة الاكثر انتشارا لان على مااعتقد هناك فرق بين الشعبى والاكثر انتشارا ,ومش عارف كلامى صح ولادماغى لسعت ولاايهptmnlo123per194

رد: ما هى السيارة الأكثر شعبية بمصر؟
 

طيب ما تيجى نتفق على مواصفات السيارة الشعبية

هل هى السيارة الأرخص
و لا السيارة الأوفر فى إستهلاكها و صيانتها
و لا السيارة الأكثر إعتمادية
و لا السيارة الأكثر إنتشارا
و لا كل اللى فات مجتمع
و لا السيارة المنتشرة كتاكسى
و لا السيارة المنتشرة فى الأماكن الشعبية
إو السيارة اللى بيفضلها الناس الشعبيين
أو السيارة التى يحبها الشعب

إيه رأيكم إللى يقول السيارة كذا شعبية .... يقولنا هى شايف إنها شعبية ليه ؟؟
مع العلم إن دكتور تامر قاصد بالسيارة الشعبية السيارة الأكثر إنتشارا فى مصر و أعتقد إنه كان بيقصد فى الوقت الراهن مش من سنتين تلاته

و هبتدى بنفسى

أنا شايف إن الفيرنا هى السيارة الأكثر إنتشارا و بالتالى تعتبر سيارة شعبية فى الوقت الراهن و هى بتجمع بين السعر الرخيص و الاعتمادية و رخص تكاليف التشغيل و الصيانة بالإضافة لحداثتها بالنسبة للانوس السيارة الشعبية فى الخمس سنوات السابقة

رد: ما هى السيارة الأكثر شعبية بمصر؟
 

أنا اخترت اللانوس
بس مش هعرف اتكلم أكتر من كده لان حازم باشا خضر قال كل حاجه
اللي أنتا أعرفه و الللي معرفوش
شكرا حازم و شكرا د\ تامر

رد: ما هى السيارة الأكثر شعبية بمصر؟
 

موضوع فعلا جميل و هيكون فيه مناقشات قوية
و اول كلام جامد جدا كان من حازم خضر
صعب جدا تحديد نوع العربية الأكثر إنتشارا فى مصر لكنها إجتهادات و مجرد إحساس عندى و عند الأعضاء و أعتقد إن الدايو الأكثر إنتشارا
شكرا لتعليق حازم و شكرا جدا لصاحب الموضوع