رد: سؤال لملاك الميجان، ليه بتبيعوها برخص التراب
 

يعني ايه يا جدعااان ؟
انا خلاص على وشك اني اشتري ميجان الجديدة !!!
يا ريت الكلام يكون بالحق و نقول اللي ليها واللي عليها

رد: سؤال لملاك الميجان، ليه بتبيعوها برخص التراب
 

انا مش عارف العربية حلوة جدا من برة ومن جوة كمان ... وانا كنت متاكد انو هتكون فيها عيوب زى العربيات الفرنساوى والى اغلابها بتكون عيوب ناتجة من ان العربية كلها متبرمجة على الكمبيوتر .. بس طبعا العيوب الحقيقة الى تعرفها من الناس الى معاهم العربية ...زى الاخ بايو مثلا..
وكلام الاخ محب سعد لما بيقول انو واحد عمل حادثة بعربيتة الميجان واشترها تانى ...دة لسبب واحد انها تعتبر انقذتة من الى كان ممكن يحصلة لو راكب عربية بدوت وسائد ..الميجان طبعا فيها 6 وسائد هوائية
وكمان موضوع التوكيل دة ..........على كدة الى يشتريها يحاول ياخد شقة جنب التوكيل..
انا قدامى ميجان هاتشباك CFA بانوراما شقفية مو 2004 ب75 الف وقابلة للتفاوض ومفكرتش انى افكر فى شرائها اساسا انا بفكر فى البيكانتو او الجيتز اتوماتيك....ptmnlo123per1 44.....؟؟

العربية غيرت بطارية مرة واحدة على 70 ألف و مغيرها برة التوكيل ب 700 جم فارتا جافة



الكلام ده موجود فى كتيب الشرح بتاع العربية وبيقولك تعمل أيه لو غيرت البطارية
و أنا عملته بنفسى من غير ما روح التوكيل

كل القصة أنك بتفضل ضاغط على زرار الأزاز الكهرباء مرة لحد أخره تحت ومرة لحد أخره فوق عشان يعرف مقدار المشوار اللى هيمشية لما أنت بعد كده تدوس الزرار دوسة واحدة عشان يفقل او يفتح بالكامل
والكاسيت بتدخل الكود بتاعه عشان يشتغل عشان منع السرقة عشان لو حد سرق الكاسيت ميعرفش يستخدمه
وبالمناسبة........الموضوع ده موجود فى عربيات كتير قوى زر الأسترا والفيكترا


مش عارف بصراحة حضرتك غيرت تيل فرامل فين بس هو أكيد مش فاهم كويس عشان هتلاقيه فصل فيشة ال ABS و مرجعاش مكانها تانى

أنا مغير تيل أمامى و طنابير برة التوكيل عند واحد بيفهم ومش شغال فى رينو بس ولا حاجة ومفيش حاجة من اللى حضرتك قولتها حصلت


معاك حق الى حد ما.........أداء العربية فى الزحمة والحر مع تشغيل التكييف بيكون مش قوى لحد ما تاخد النقلة التانية

لا تعليق............80 الف كيلو ومغيرتش غير كويل واحد فى الضمان.........

برضه مفيش حاجة من دى بتحصل معايا ولا مع حد من الناس اللى أعرفهم معاهم ميجان......و هما كتير
على فكرة ومعانا موديلات مختلفة.....2005 و 2006 و 2008 و اداء العربية كويس ما عدا فى الزحمة والحر والتكييف مجتمعين وسعرها مش عالى.............عالى على بعض اليابانى وده زى كل الأوروبى واقل من معظم الأوروبى أن مكنش كله


على فكرة قطع غيارها مش غالية

مثلاُ تيل أمامى فى التوكيل ب 350 جم + 35 جم تركيب = 385 جم
صيانة ال 80 ألف لسة عاملها ب 775 جم
طنابير أمامية فى التوكيل ب 750 جم وبرة التوكيل ب 500 جم وشغالين معايا بقالهم 19 ألف كم و زى الفل بسم الله ما شاء الله

هانى باشا..........
نسيت أقولك لو العربية لسه معاك مبعتهاش وعاوز تشوف فيها أيه أنا فى الخدمة

هاروح معاك لواحد أعرفه بيشتغلى فى عربيتى و هو مهندس وفاهم كويس فيها عشان هو معاه واحدة
نروح مع بعض ونشوف فيها أيه وان شاء الله خير

معلش المشاركة اللى فاتت كانت بايظة شويتين تلاتة بس مكنتش عارف أتعامل معاها صح

ياريت لو حد يعرف يعدلها من الأدارة أو المشرفين أكون شاكر

رد: سؤال لملاك الميجان، ليه بتبيعوها برخص التراب
 

ربنا يباركلك فيها يارب ويكفيك شرها ،،،

واضح من كلامك انك بتحب العربية جدا ومهتم بيها وديه اهم حاجة تخلى فيه عشرة طيبة بينك وبين عربيتك

ايوه عشرة لان العربية زى الزوجة الى حد ما والميجان تحديدا فى راى عاملة زى بنت الناس الذوات اللى عايزة تعامل بشياكة وحرص دائمين وبالطبع تصرف عليها كويس زى علشان تديك اداء وخدمة ترضيك

المشكلة ان بايو مش عايز كده بايو وغيرة من اصدقائى اللى شوفتهم بيشكوا من العربية ديه عايزين (ست) او عربية بنت بلد حمالة قسية وتعيش باى حاجة

يعنى بلغة العربيات الميجان عايزة

عربية معروف تاريخها او جديدة
قطع غيار اصلية
دعم فنى وصيانة من متخصصين فى السيارة
حتى قائد السيارة لازم يكون قارى كفاية عن الخواص والمزايا المعقدة اللى فيها
استخدام معقول وقيادة طبيعية (لان العربية مش معمولة للخدمة الشاقة او للقيادة الرياضية)

فالطبيعى ان مش كل الناس تقدر او تحب انها تعاشر (ست) او عربية محتاجة النوع ده من المعاملة لاكن مش معنى ده انها وحشة او كارثية ومالكيها مفيش قدامهم غير انهم يتخلصوا منها باى سعر

ارجوا ان اكون وفقت فى شرح وجهه نظرى ومحدش يتدايق من كلامى او من المثال الغريب ده ptmnlo123per1127