مصر موتورز مجتمع السيارات - لوجان 7 راكب والا افانزا والا كارينز افيدونى

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - لوجان 7 راكب والا افانزا والا كارينز افيدونى (https://www.masrmotors.com/vb/showthread.php?t=14714)

رد: لوجان 7 راكب والا افانزا والا كارينز افيدونى

بالنسبة للسبعة راكب اللتي لا يزيد ثمنها عن 150 ألف جنية ولا يقل عن 50 ألف جنية

الإفانزا أكبر إقتصادية تشغيل 1500 سي سي 7 راكب مش 5 وفي إفانزا 1300سي سي بس دي مفيهاش أوبشن
2 إيرباج مزود سرعة وأنا بركبها وأسوقها من 2008 مع واحد قريبي بس متنفعش غير للأسر ومستحيل تعمل بيها أمريكاني لأن ثباتها مش اللي هوه والسعر 113 ألف فول أوبشن
الرينو اللوجان MCV عربية 7 راكب وتقريبا شبة الإفانزا بإستثناء البنزين أغلي شوية في الرينو لأنها 1600 سي سي
وطبعا نفس الكلام إنسا الأمريكاني والثبات والسعر تقريبا 112 ألف جنية فول أوبشن
ممكن بعد إذنك أرشحلك كمان العرية دي دايهاتسو جراند تريوس عربية جامدة جدا 1600 سي سي 7 راكب ونفس الإمكانيات اللي فوق بس أعلي ثبات وأكبر في الحجم وأشيك في الشكل من اللي فاتوا وأغلي كمان في السعر فرق حوالي 37 ألف جنية مصري يعني 148ألف فول أوبشن
و أخيرا العربية اللي هقولك عليها بس مش هرشحهالك دي الكتكوتة الشيفورلية الN200 عرية 7 راكب مفيش إمكنيات كتير أكتر من الزجاج الكهربة والحبشتكنات العادية دي وصغيرة جدا و1200 سي سي فقط !!! وثبات زفت ومستحيل تخد بيها أكثر من الغرز وسعر قليل جدا 67ألف جنية فول لأوبشن
وهجبلك صور العربيات وربنا يوفقك
ده بنسبة لل7 راكب أما لو 5 فسيبك من اللي فات وخد الكيا الكارينز علطول وإنت مطمن أو قارنها بالفولكس السوران
طولت عليك معلش ptmnlo123per172ptmnlo123p er172ptmnlo123per172
يارب أكون أفدتك و
جاري تحضير الصور

رد: لوجان 7 راكب والا افانزا والا كارينز افيدونى

الجراند تريوس 1500 سى سى
والمساحة خلف الكرسى التالت فى اللوجان اكبر من الكارينز بس الكارينز شكلها احلى من اللوجان

رد: لوجان 7 راكب والا افانزا والا كارينز افيدونى

لو بتبص على الجودة يبقا لوجان لانة فرنساوى و تقفيل مغربى
افاينزا كان مشروع ميكروباص و فشل
كارينز افضل شكلا و اوسع اقوة ماتور فيهم 1600 124 حصان وجودة مش وحشة

رد: لوجان 7 راكب والا افانزا والا كارينز افيدونى

برائ الخبراء فى المنتدى واوضا السوق هتلاقى ان الكارينز الافضل والامتن والاثبت والاعلى عند البيع وكفاءة غير عادية وتوكيل محترم كمان

رد: لوجان 7 راكب والا افانزا والا كارينز افيدونى

اقتباس:

المشاركة الأصلية كتبت بواسطة m_o_sakr (المشاركة 100921)

يا استاذ احمد فراج
انا من وجهة نظرى سيبك من الأفانزا خالص, العربيه ديقه و مش سابته و تقفيلها و خاماتها وحشين بالإضافه ان شكلها سئ جداً ( الشكل وجهات نظر) و قطع غيارها مش رخيصه و سعر اعاده بيع منخفض علشات العربيه مش مطلوبه
بالنسبه للوجوان هى كأداء العربيه كويسه و ثابته بس قطع غيار غاليه و شكل خارجى سئ و شكل التابلوه سئ للغايه والمساحه المتبقيه بعد الصف الثالث من المقاعد صغيره جداً و سعر اعاده بيع سئ علشان رينو
بالنسبه للكارينز افضل حجم و ثبات و شكلها و خاماتها جيدين و اسعار قطع غيار معقوله (مش غاليه و مش رخيصه) و هيا يتنزل مصر 5 راكب لكن بتنزل باقى الدول 7 راكب (صف مقاعد ثالث) و ممكن تجيب الصف الثالث من المقاعد و يتم تركيبه (القواعد موجوده فى السياره - يتم التلركيب فقط بدون تعديل لأن السياره مجهزه لصف المقاعد الثالث) و المساحد المتبقيه خلف صف المقاعد الثالث (فى حال تركيبه) اكبر من اللوجان
انا افضل الكارينز و الفتره القادمه العربيه حتنتشر و حيكون عامل مشجع لشراء الكارينز

باشا معلش هو انا متأخر شويه بس انا حبيت اتأكد بعينى عشان اقدر اتكلم انا بصيت على الكارينز وملقيتش قواعد للكراسى(الصف التالت) ولما جيت اشوف الحجم لقيته اصغر بكتير من اللوجان الmcv والمساحه المتبقيه بعد الصف التالت اكبر بكتير من الكارينز