رد: عايزة اشترى عربيه فى حدود 37 الف
 

انا شفت حادثه مرة لعربيه اكسيل حسيت فعلا انها ورقه
وده خوفنى
طب والاكسنت نفس النظام ولا اجمد شويه

رد: عايزة اشترى عربيه فى حدود 37 الف
 

نفس النظام

رد: عايزة اشترى عربيه فى حدود 37 الف
 

السلام عليكم
لو عايزة توسعى دائرة الا ختيار ممكن بروتون ويرا موديل 1999 او 2000 وعن تجربة عربية جميلة جدا ومحترمة

رد: عايزة اشترى عربيه فى حدود 37 الف
 

يا استاذه ايناس ده ده البنى ادم اللى خلقة ربنا مبيخلاش من العيوب عايزة عربية مفيهاش عيب مستحيل طبعا

بس الصح ان حضرتك تعرفى عيوب ومميزات كل عربية وتختارى العربية اللى مميزاتها حضرتك محتاجاها واللى عيوبها مش فارقة معاكى

يعنى مثلا لو مراتى معاها عيلين ولا تلاتة ومشاويرها كتير ومش بتجرى بالعربية اكتر من 100 كم/ ساعة الاكسيل تبقى كويسة جدا

وبعدين الثبات بعد 120 ده مش عيب خطير ده 85% من العربيات كده لانها مش مصصمة اساسا للجرى بالعكس للاستخدام العادى والتحرك فى المدينة
لاكن لو عايزها تبقى اكثر ثباتا فى الجرى ممكن تتعدل فيها حاجات وتبقى زى الجولف كمان :showme

رد: عايزة اشترى عربيه فى حدود 37 الف
 

كلام مظبوط ممكن تتقص السوست بتاعتها ( بدون تسخين) او يركبها سوست رياضية بس ده على حساب ارتفاع العربية ده بالاظافة طبعا للمساعدين الرياضية ويفضل يكونوا من نفس نوع السوست