المشاركة الأصلية كتبت بواسطة MGadAllah (المشاركة 944323)

انا كنت لسه عند سمير ريان:-
بالنسبة للكيا الريو رفاهية ممتازة طبعاً بس للأسف المكان ضيق بالنسبة لمقعد السائق أو الكنبة الخلفية بس الرفاهية ممتازة بصراحة لكن ما تنفعش معايا علشان المكان ضيق.
و قال لي بالنسبة للانسر البومة موديل 2014 يوجد منها فئتين:-
- كلاسيك عادية و دي اوتوماتيك و تكييف فقط. (138000 جم)
- كلاسيك عادية + ايه بي اس + فوج لايت + آير باج للسائق فقط. (143000 جم)
و الاتنين الفاتورة هاتكون بـ 110000 فقط و السعر بالمعرض بالنسبة للفرق يكون كاش و الضمان الرواس 3 سنوات او 100000 كم.
و بالنسبة للاوبترا فالسعر الرسمي زي الفاتورة 117000 جم و لكنها بدون ايه بي اس و بدون اير باج. و الضمان 3 سنوات او 100000 كم من منصور.

و بالنسبة لموديلات 2014 في الاوبترا لسه اتتنزل كمان كام شهر و هاتكون صيني و مش كوري زي الموجودة حالياً (الكلام ده من فرع منصور مدينة نصر و شيرين كار و سمير ريان) و بالنسبة للانسر الموديل الاخير للبومة 2014 و بعد كده هاتكون شارك فقط و بالنسبة للشارك فتم تعديل الموتور الي 1600 سي سي و بقت كويسة مش زي الاول.

انا بالنسبة لي هاشتري قسط و بالطريقة دي الوحيدة المناسبة هي الاوبترا ، علشان لعبة فرق السعر في اللانسر دي هاتحتاج أدفع مقدم للبنك و كمان فرق السعر للمعرض و مش معايا كاش كفاية.

فهل أنتظر موديل 2014 أوبترا عل و عسي أن ترخص سعر الموديل الحالي 2013 و اللا اتوكل علي الله و أشتري موديل 2013 أوبترا؟

بالنسبة للاوبترا اللون الوحيد الموجود أسود ، فهل ده لون عملي و اللا هايكون متعب؟

أنا قلقان من توكيل شيفورلية بصراحة و متردد ... ياريت اهل الخبرة يفيدوني بالرأي.

المشاركة الأصلية كتبت بواسطة lighter30 (المشاركة 945321)

مساء الخير كنت عايز اسائلك عملت ايه فى موضوع الاوبترا لانى عندى نفس المشكله كنت بختار بين البومه المانيول الكاملة و الاوبترا المانيوال او الصنى المانيوال ... اصل انا مبحبش الاتوماتك .. بس لما لاقتك بتقول ان البومه نازله فئاتين بس و اتوماتك و كمان فيها سمسارة بشكل فيه استهبال فامطر الجا الى الاوبترا او الصنى ياريت تقولى اى الاخبار و الدنيا معاك فيها ايه لانى هنزل مصر بعد بكرة و كنت ناوى اخلص موضوع دة او ماانزل..... ربنا يوفقك للخير

المشاركة الأصلية كتبت بواسطة MGadAllah (المشاركة 945338)

بصراحه كل مرة كنت أروح لمعرض علشان أخلص الموضوع الاقي حاجة توقف الموضوع وصليت استخارة كذا مرة و هاستني شوية و ربنا يسهل.
بالنسبة للاوبترا 2014 هاتنزل بعد شهر 6 2014 و هايكون اسمها سونيك و في الغالي نفس الشاسية و نفس الموتور و الفرق في الشكل بسيط

المشاركة الأصلية كتبت بواسطة lighter30 (المشاركة 945360)

شكرا على الاهتمام ... بس السونك دى موجودة من 2012 فى دول تانيه و تقريبا الهاتش باك بتعها موجود فى مصر انا شوفت السيدان بتعتها هى كشل حلو بس معتقدش انها هتنزل بنفس سعر الاوبترا هتبقى اغلى منها بمراحل ودى صورتها

http://sa-ar.chevroletarabia.com/car.../exterior.htmlhttp://sa-ar.chevroletarabia.com/car.../exterior.html