مصر موتورز مجتمع السيارات - تجربتى لاصلاح التكييف ........... و نصائح هامة ........... و شكر لورشة سيد ذكى ( الاسكندرية ) و لورشة احمد حنفى ( القاهرة المعادى )............. و شكر خاص للاستاذ sayed2077

اقتباس:

المشاركة الأصلية كتبت بواسطة amr elsisi 1 (المشاركة 872204)

بشمهندس احمد
هل احمد حنفي صنيعي كويس ولا جت معاة بالبركة
اصل انا مابحبش الكهربائي الي يشتغل في التكيف
فانت اية رايك فية من ناحية التكيف

لا و الله يا استاذ عمرو دا حتى اتكلمت معاه كتير لانه عشرى و حكالى عن مشاكل غريبة و ازاى حلها و فعلا اكتر واحد قابلته فاهم جدا و شغلة دقيق جدا جدا و شكله انه اساسا تكييف
و انا فعلا اتلسعت فى الاول من كهربائى شاطر و حب يتعلم تكييف و كنت انا من ضمن المنهج
بس احمد حنفى دا ما شاء الله معدى

اقتباس:

المشاركة الأصلية كتبت بواسطة meno elsaher (المشاركة 872314)

حضرتك فى الاول الف مبروك على اصلاح التكييف بس انا ليا ملحوظة كدة
وجود تلج فى خط الراجع بيدل ان الفريون غير مظبوط ولا زم تروح تظبطة عشان مايبقاش حمل على الكباس والطبيعى ان الماسورة الراجع تكون معررقة مية زى ماتكون مطلع ازازة مية ساقعة من الفريزر وبعد شوية تلاقيها بتنزل فى مية وحكاية المسمار اللى ركبة فى البلف مش مستحبة
لانها مش هاطول معاك وهايرجع التنفيس... اسف على الاطالة......

طيب بس هو لما يبقى ال rpm على الايدل مبيعملش تلج بيعمل تعريق بس
معملش طبقة تلج رقيقة ( صعبة التمييز ) الا لما رفع ال rpm على 2300 لمدة 5 د مثلا و اول ما ينزل للايدل تانى على طول طبقة التلج الرقيقة ديى تزول
ايه راى حضرتك بعد ما أعدت التوصيف ؟ تنصحنى انزل الضغط شوية ؟

و بالنسبة لتسريب ابرة البلف ايه انسب حل لان كدا دا تانى ابرة جديدة للبلف و شكل الابر كدا صناعة مصرى ............. المسمار اللى هو حطه عليه تيفلون ......... و فعلا اول مرة بعد محاولات الاصلاح المتعددة اداء التكييف ثابت حتى الان .......... ربنا يستر

اقتباس:

المشاركة الأصلية كتبت بواسطة eng/walaaeldeen (المشاركة 872381)

السلام عليكم
شكرا لنقل التجربه لتعم الفائده
ياترى ليه البلف مازال يسرب هل لأن نوعية الأبره و خصوصا الكاوتش الموجود في الأبره سيئ
ام مكان الأبره وسع
طيب لو مكان الأبره وسع ليه مانغيرش البلف بواحد تاني و يلحم جيدا مكان القديم

http://i904.photobucket.com/albums/a...a/P1040789.jpg

ياريت احد خبراء المنتدى يفيدونا في هذا الحل
والله المستعان

لا انا ميال ان السبب ردائة التصنيع للابر لان انا من ساعة ما جبت العربية فى 2002 مفكتش و لا شحنت فإيه اللى حيخلى مكان الابرة فى البلف يوسع