رد: مشكلتى وانا بسوق وتقريبا ملهاش حل :(
 

بسم الله اولا ممكن تركبى سينسور بارك فى الاكصدام الخلفى وممكن يركب عدد 2 عدسه فى الاكصدام الامامى ( سعره من 150 : 300 جنيه )
وده بيحل نهائى مشكله الركنه والاماكن الضيقه مهما كانت ابعاد العربيه ممكن اركن وانا مغمض على الصوت ثانيا زى ما الاخ الفاضل قال ممكن تركبى مصدات على الاكصدامين الامامى والخلفى وبتكون كاوتش يعنى حنينه وتحمى العربيه وعموما مع الوقت اى انسان بيحفظ ابعاد عربيته والله الموفق

رد: مشكلتى وانا بسوق وتقريبا ملهاش حل :(
 

بص فى كذا حل لمشكلتك دية

اولا نطمئن ان العربية بخير ارفع عمة الماتور و شوف وتر البنزين تحتيها مظبوط على القياس الاستاندرد ولا حد لعب فيه و هو بيصلحها مثلا و هتلاقى كاوتشه صغيرة على الوتر ده اتأكد انها مش متشققة او مقطوعه لأنه هتهرب ضغطتك على البنزين و تعاكسك و انت سايق

كمان شوف دواسة البنزين لو مساميره مش مربوطه صح اظبها و هتلاقى تحت فى استوبه اتأكد انها راكبه لأن دية بتمنع رجلك انها تجيب اخر ضغطة فى الدواسة و ده عشان تحمى الموتور كمان اتأكد انك مش مركب دواسات عريضة ملهاش لزمة خليك على الاستاندرد بتاع العربية

فى سينسور بيعلى الموتور لما تدور شوف الار بى ام على كام لو على 1 يبقى تمام لو اعلى يبقى فى حد معلى الموتور بتاعك و هتحس ان صوته عالى هياخد منك 5 دقايق عند الميكانيكى عشان يرجعه لطبيعته لأنه مسمار صغير بيتظبط

ثانيا بعد ما تتأكد من كل ده فى تمرين بسيط جدا للسواقه

هات العربية على المور و دور و اقعد درب رجلك على ضغطه البنزين الاول استهدف 1.5 على الار بى ام و درب نفسك تثبت رجلك عليه و بعد كده درب نفسك تجيب ال 2.2 و اعلى ثم اعلى لحد ما تحس انك متمكن من الدواسه اتحرك على الطريق و جرب تثبت رجلك على ار بى ام محدد و يا ريت يكون الطريق فاضى و كل 5 دقايق فرمل و ابداء من الاول لحد اما تتعود كرر التمرين ده مرتين تلاته فى الاسبوع و ان شاء الله تتظبط معاك

فى معلومة كمان عن تجربة عشتها كنت جبت كوتشى امريكى فيه هيلينج و استريبر للرجلين و حركات كده و جيت اسوق بيه مش عاوز اقولك كم الشتايم و المواقف اللى حصلت فى الاخر رحت فاكه و كملت طريقى عادى لما روحت جبت كوتشى مصرى بربع تمنه و الحمد لله ظبط الموضوع


الطرق عندنا بيكون فيها مطالع و منازل كتير مش بنحس اننا على مطلع و بندوس بنزين تحس ان العرابية مش جايبه اوى احسن حل للمواضيع دية اشترى جيروسكوب مائع بيكون عباره عن كوره و جواها كوره مان شبه البوصلة بس كوره و بينهم مائع و بيركب على التابلوه الجيروسكوب ده لما بيركب بوضعيه مستوية بتلاقى الكورة المؤشر بتاعها واقف على صفر انحراف لما بيحصل اى ميل بتلاقى مؤشر الكوره بينحرف و بيديلك زاوية الانحراف و للأمام ولا للخلف ولا للجنب بالنسبة للملفات المايله و طبعا انت هتظبط نفسك مع الارقام دية و هتبقى جزء من غير ما تحس من استايل السواقة بتاعك و مش غاليه فى حدود 40 ج

رد: مشكلتى وانا بسوق وتقريبا ملهاش حل :(
 

ربنا يبارك فيك بالنسبة للعربية هيا تمام يدوب قفلت 10000فى سنتين وعملت الللازم
المشكله عندى انا واللى علمنى السواقة فتعودت على كدا
بس اما هجرب اللى حضرتك قلت عليه واجربه واحاول اغير الاحذيه الضخمة اما كعب كبير اللى بجبها دى اللى معاها مبحسش باى حاجة
مشكور استاذ رامى وربنا يباركلك وانشالله هجرب واشوف

رد: مشكلتى وانا بسوق وتقريبا ملهاش حل :(
 

خطوط الداخلية للكبوت و الخطوط الخارجية حطى دوت روبر بنتكون اقراس بقطر 1 سم من المطاط و بتتلزق فيبر كاستل و بتتفك و تتركب بالايد عادى و دية عشان تميزى بيها الخطوط الخارجية عن الداخلية


بالنسبة للخلفى بقى احسن حاجه تضيفى سبويلر منك هتشوفى اخر عربيتك و منك هتظبى الايرو دينامك بتاع العربية و نصيحه متجبيش سبويلر من الحرفيين او من اى سمكرى الاسبويلر لكل عربية بيختلف تصميمه و هندسته بتعملي التصميم و تروحى تجيبى الفايبر و تخلى ورشه تعمله و بعدين تظبطى زوايا الميل بتاعته حسب التصميم و تخلى بقى اى سمكرى يركبه

رد: مشكلتى وانا بسوق وتقريبا ملهاش حل :(
 

ارجوك توضح اكثر وياريت برسم كروكى او صور توضيحية للبندين السابقين