مصر موتورز مجتمع السيارات - عايز عربية في حدود 25000

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - عايز عربية في حدود 25000 (https://www.masrmotors.com/vb/showthread.php?t=106284)

رد: عايز عربية في حدود 25000

اقتباس:

لكن فى اقتراح اخر مش عارف هيلقى قبول عند حضرتك ولا لا الا وهو سوزوكى ماروتى

الماروتي حاسس إنها صغيرة ومتنفعس لأسرة

اقتباس:

انت وبحكم انك فى اسكندرية يبقى الادا انسب ليك لان بلد الادا هى اسكندرية

صراحة أنا كنت بفكر وبقوة (تقريباً كنت قررت) أجيب لادا لكن فيه ناس خوفوني منها وصراحة حسيت إنها غير مناسبة ليا, حاسس إننا مش حنركب على بعض, لأن أنا كان نفسي أجيب عربية شبابية الصراحة وقطع غيارها متوفرة والحمد لله وبشوف ناس كتير راكبينها هنا في اسكندرية, اللادا تكون مناسبة لواحد حيبهدلها مشاوير ويطلع عنيها.

في حد نصحني إني أوصل المبلغ لـ 30000 جنيه وأجيب فليشيا بحاله كويسة جداً ومحترمة إيه رأيكم أنا مستريح للفليشيا جداً وعاجبني شكلها الصراحة وفي ناس كتير بتشكر فيها جداً, وما يؤخذ عليها مثل الخشونة والتسارع والكلام ده لا يهمني لأن أنا لن أمشي في طرق سريعة ولو جبت لادا حتكون خشنه أيضاً.

إيه رأيكم في الإقتراح ده ؟

رد: عايز عربية في حدود 25000

لو هاتجيب فليشيا 97 مكيفة هاتعمل 27 الف
اختيار مناسب بس وانت بتتفرج عليها خد بالك من صوت الهد بتاع الموتور لان دى مشكلتها

رد: عايز عربية في حدود 25000

ماروتى بتمشى مع كله ومحدش اشتكى منها
وصدقنى مع اسر كتير ومش هتكلفك حاجة فى ايام النهضة اللى احنا فيها دى MADDRIVEMADDRIVE

رد: عايز عربية في حدود 25000

اقتباس:

ماروتى بتمشى مع كله ومحدش اشتكى منها

صدقت, فعلاً أنا مشفتش حد اشتكى منها خالص صراحة, بس نفس مشكلة اللادا, أنا حاسس انها مشحتركب معايا كشخصية, معلش الموضوع ده مهم جداً معايا أنا أحب أركب عربية أكون حاببها ومستريحلها نفسياً وحاسس إنها بتعبر عن شخصيتي بردو.

اقتباس:

اختيار مناسب بس وانت بتتفرج عليها خد بالك من صوت الهد بتاع الموتور لان دى مشكلتها

جزاك الله خيراً يا أستاذنا

طيب بالنسبة للفليشيا 97 فيه ملاحظات أخرى آخد بالي منها ؟؟
وهل الأفضل آخد معايا ميكانيكي علشان يشوف العربية ولا أخدها مكان معين يكشفوا عليها ؟؟

رد: عايز عربية في حدود 25000

انا قلت على اشهر عيب فيها لكن لازم يتكشف على كل حاجة فيها
واللى يبصلك عليها بوهيجى ولا سمكرى ولا ميكانيكى لو بتشترى من السوق او من عند على النت
البوهيجى قال سليمة يبقى انت مش محتاج سمكرى خلاص لان البوهيجى يجب السمكرى
فاضل بس ان ميكانيكى ابن حلال يبص على المكنة حالتها اية
وانت بقى تختبر كل حاجة فى العربية عفشة وصالون وكماليات وكاوتش
وخد بالك العربييات عموما بتكون كومباتاتبول يعنى لو الصالون بتاع الفبريكة زيرو كدة ومحترم تلاقى التابلوة بنفس الحالة والموتور بنفس الحالة
والعكس صحيح
العربيات المكسرة بيكون كل حاجة فيها شكل بعض من موتور وعفشة وصاج
يا رب يرزقك بحاجة كويسة