مصر موتورز مجتمع السيارات

طبعا موضوعات مميزه انتوا بتطرحوها فى المنتدى وياريتنى كنت قبل ما اشتريت عربيتى كنت دخلت المنتدى وعرفت نقط القوه والعيوب فى اى عربيه الواحد ممكن يكون ناوى يشتريها لكن النصيب الحمد لله انا كان معايا 128 موديل 86 طلعت عينى وطلعت كل الفلوس اللى فى جيوبى وجيوب جيوبى لدرجه انى باعتها وانا خسران فيها وفى منتهى الفرح انها مشت من قدامى بفكر اشترى عربيه واخوض المحاوله مره تانيه لكن حبيت اسأل اصحاب الخبره المره دى واتعلم منهم قدامى عربيه ابيزا سيستم بورش موديل 93 صحابها مظبطها وحالتها كويسه وطبعا لسه هكشف عليها عند الميكانيكى وارفعها فى محطه بنزين لمن فى ناس قلقتنى من الموديل ده بالذات لان قطع غياره غير متوفره وواحد صحبى معاه نفس العربيه قالى قطع غيارها موجوده ومتوفره انا محتار فى الامر ده وكمان لان فيه كمان اونو موديل 94 كمان قدامى بس الابيزا اقوى واعتماديه فقررت اسال واحد صاحب خبره زى محمد ابيزا ياريت تدلنى وجزاك الله خيرا واسف للاطاله:fun_7_5_128[1]: