مصر موتورز مجتمع السيارات - الرينو لوجان اتوماتيك 2013 ولا افيو 2013 اتوماتيك؟؟؟؟

اقتباس:

المشاركة الأصلية كتبت بواسطة sherifabden (المشاركة 782904)

الفرق بين سعر العربيتين 10 الاف جنيه
لكن اللوجان فيها
ايموبلزر / ايرباج / مالتي فانكشن / بلوتوث / يو اس بي / كمبيوتر / مرايات كهربا / جنط 15 / سخان في المرايات / مساند راس خلفية
ودا كله مش موجود في الافيو على الرغم انها اغلى من اللوجان
وكمان فتيس الافيو اوتوماتيك واللوجان ستيبترونيك
يعني هتبقا احسن من الافيو في الشد والجري
بالاضافة الى ان توكيل الرينو افضل من الشيفروليه بمراحل
يبقا اللوجان افضل
ولو تعرف تزود المبلغ وتجيب صني او اوبترا اوتو يبقا افضل
ومبروك مقدما SLAM

اللوجان افضل حتى لو كان شكلها مش حلو من وجهة نظر حضرتك
من الداخل مش شايفة ان تصميم الافيو احسن ولا حاجة
التصميم اصلا مش مختلف كتير
ومن برة رغم انى مش عاجبنى لا شكل اللوجان ولا الافيو الا ان اللوجان شكلها ارقى من الافيو يعنى تحس فيها بالفخامة نوعا ما عن الافيو , طبعا دى نظرتى , ولكل وجهة نظره التى تحترم .
بصراحة انا قرأت هنا مواضيع كتير عن اللوجان ومقارنات بينها وبين الافيو وبين الفيرنا
والنتيجة انى رجحت اللوجان
بجانب مميزاتها المتعددة يكفيك انها عالية عن الارض وعفشتها ناعمة (وحضرتك اكيد عارف شوارع مصر الغنية عن الذكر)
وماتنساش توكيل شيفروليه اللى ممكن مش بس يكرهك فى الافيو , لا ده ممكن يكرهك فى الدنيا كلها ( على حسب الكلام اللى قريته من الاعضاء عن التوكيل )
على رأى الاخ اللى قالك يغور الشكل فى مقابل راحة البال ( رغم انى ماركبتش ولا واحدة منهم ) بس قرأت كلام اللى ركبوهم , مع احترامى لكل ملاك اللوجان والافيو
من رأيى , اللوجان تكسب
عن نفسى يوم ما ربنا يكرمنى ان شاء الله اول اختياراتى هايكون اللوجان , كأفضل عربية فى فئتها
ولو سعر اعلى هاتبقى المفاضلة بين النيسان صنى والتويوتا كورولا
ومبروك مقدما لأى عربية تجيبها , وربنا ييسرلك شرائها ويباركلك فيها
اللهم آمين
ولك تحياتى
SLAM