مصر موتورز مجتمع السيارات - تغيير الكاتينة باكثر من 3000 جنيه

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - تغيير الكاتينة باكثر من 3000 جنيه (https://www.masrmotors.com/vb/showthread.php?t=100253)

رد: تغيير الكاتينة باكثر من 3000 جنيه

اقتباس:

المشاركة الأصلية كتبت بواسطة AbOnOrA (المشاركة 779246)

منصحكش توفر فى حاجة تخص الالات الجر ده لو عفشه حتى كنت يمكن اقولك ماشى بس سير الكاتينه اللى الناس بتستهيفه ممكن يدمر العربيه كلها لا قدر الله

واحد زميلنا هنا فى المنتدى ضرب معاه السير فى نص الطريق لبست فيه عربيه من ورا طيرت نص العربيه وطبعاً الموتور كان ادغدغ فمبقتش نافعة خالص وكل ده بسبب سير كاتينه فمتستهونش بيه

يا باشا انا عمري ماحاسيب سير كاتينة من غير تغيير لبعد ميعاده، انا عمري ماعملت كدة و لا حاعمل كدة، بس في نفس الوقت مش حاخلي التوكيل يستغلني و حاجيبه من برة و حاغيره قبل ميعاده كمان.انا عندي كل حاجة في العربية ليها logbook زي الطيارات و كله بالعداد

رد: تغيير الكاتينة باكثر من 3000 جنيه

طيب لو اشتريت كاتينة رينو لاجونا 2000 سي سي تمشي مع موتور الماهيندرا البنزين ؟

رد: تغيير الكاتينة باكثر من 3000 جنيه

اى سير تقسيمة (كاتينة ) بيتباع بالمقاس
والمقاس هو عدد السنون × عرض السير
ادى قصة السير وموجود فى التوفيقية كتير عند الهوارى متخصص سيور ولا تقول نوع العربية ولا بتاع اية
وهاتجيبة من 50 جنية وانت طالع
اما البكر والشدادات عمرها ما بتبوظ فى يوم وليلة ولكن بيكون فى مؤشرات قبل التلف مثل صوت نحرة او بلية هاتقدر تسمعة وتحددة كويس اوى

اما التروس (بتاعة الكامة ) اعتقد ان عمرها طويل جدااااااااااااااا وطالما السير على طول جديد يبقى تروس الكامة هاتفضل سليمة طول الوقت
بالنسبة للتركيب
ممكن تتعرف على اى حد من اللى فى التوكيل وكلهم عندهم ورش برة التوكيل وتتفق معاه تروحلة عشان تركب السير
ولما اجيب السير من برة التوكيل يبقى اغيرة قبل ميعادة نقول بنصف عدد الكيلو مترات

رد: تغيير الكاتينة باكثر من 3000 جنيه

اقتباس:

المشاركة الأصلية كتبت بواسطة نسر عربي (المشاركة 779242)

شكرا يا استاذ هشام، سؤال اللي بيبيعوا في التوفيقية دول بيبيعوا البكر و السيور و الشدادات بتاعة الماهيندرا؟ و الا هي كلها مقاساتها قياسية و بيبيعوا بالمقاس؟ والا بيبيعوا حاجات الرينو لاغونا 2000 سي سي؟ و اذا كانوا بيبعوا الحاجات دي بالمقاس اجيب المقاسات ازاي؟ لازم افك الموتور مرة قبل الشراء؟ والا هم عارفين؟

العفو يا كومندا:fun_36_3_11[1]:
انا أقصد حضرتك تفك الحاجات اللى عاوزة تتغير ومن التوفيقية هتجيب نفس السير وتسأل هناك كمان منين تجيب نفس التروس بتاعت الكامة
هتقف اوفر بكتير من حاجتها الأصليه والخامات أكيد هتبقى احسن لو من متخصص سيور زى ما أفادنا الباشمهندس محمد فى المشاركة السابقة

رد: تغيير الكاتينة باكثر من 3000 جنيه

انا اكتشفت ان سير الكاتينة هو هو سير كاتينة اللاجونا و موجود عند بتوع الرينو اللي شغالين في اللاجونا مفيش أي مشكلة و السير ب120 تقريبا و البكر تقريبا ب 300 يمكن، و كمان اكتشفت عندهم نفس فلتر الزيت بتاع الماهيندرا هو هو الرينو، و كمان اكتشفت حاجة تانية لذيذة ان عندهم نفس تيل الفرامل بتاعها من الماركة الفرنسية الشهيرة جدا Bendix وده بيبيعوه للعربية الرينو بس كل الحكاية بتحتاج تشيل منه حتتين صغيرين بالمكنة من الجنبين و بعد كدة بيركب عادي جدا في الماهيندرا.