مصر موتورز مجتمع السيارات - Bolbolan يطلب المساعده فى التفكير لشراء....

اسمحلى يا دكتور اقولك على راى المتواضع لو افتكرتنى

احنا كلنا بنحب الحاجة الشكل والأستيل والأوبشن وانا طبعا زى الناس مش ملاك ولا من عالم تانى ... انا بصراحة هموت واجيب النيو سيراتوا بقالى بتاع شهرين متابعها ... بس بصراحة شديدة بما انى هضطر اجيبها قسط وادفعلها مقدمة مش اقل من 50% قعدت افكر كتيررررررررر .... ولقيت الحل .... للأسف النيو سيراتوا حاجتها لسة مش متوفرة وقصع غيارها ناررررررررر والكلام ده انا قريتة على لسان واحد مشتريها وعمل بيها حدثة ربنا يكفيك ويكفينا شر الحوادث ... وهديلك مثال من كلام صاحب العربية.

<HR style="BACKGROUND-COLOR: #dde18c; COLOR: #dde18c" SIZE=1>

انا عملت حادثة بالنيوسيراتو و الحمد لله
كبوت و رفرف ( يتسمكروا على البارد ) ، فانوس ، شبكة ، اكصدام
ورحت وديتها eit ابو رواش عشان اعملها مقايسة اصلاح ( على فكرة انا مش مأمن على العربية ) و قلت التوكيل اضمن ، ده العربيه مكملتش شهرين ثلاثه حلاقي قطع غيار بره فين ؟؟
و كمان احب ااكد اني رحت بالعربية من المعادي لابو رواش سايق على 120 و مشغل التكييف و الحمد لله العربيه مفيهاش اي حاجه من تاثير الخبطه................... .
وقلت اعرض على رواد منتدانا الكرام تفاصيل المقايسة

مقايسة اصلاح النيو سيراتو ( الصدمة )

قطع غيار و اكسسوار

كبوت..................... .......2000 جنيه حرام و الله ، هو اصلا عايز يتسمكر و على البارد كمان
مفصلات كبوت..................300 جنيه هو الكبوت بيتباع حتت و لا ايه وعلى العموم هي سليمه
كالون كبوت..................... .150 جنيه هو كمان مفهوش حاجه بيفتح و يقفل زي الفل
رفرف امامي................... 750 جنيه الخبطه اللي فيه 10 سم في 10 سم تتسمكر في 10 دقايق
فانوس امامي...................1 250 جنيه OK مع اني قريت في المنتدى انه ب 1100 بس
صدر امامي.................... .1250 جنيه OK لكن السعر مبالغ فيه جدا
حوامل صدر صاج...............200 جنيه هو الصدر كمان فيه حتت
اكصدام امامي.................125 0 جنيه OK
حوامل اكصدام امامي.........50 جنيه حتت حتت حتت حتت حتت حتت
شاسيه اكصدام امامي........400 جنيه حتت حتت حتت حتت حتت
فوم اكصدام امامي........... 180 جنيه حتت حتت حتت حتت حتت
شبكة نيكل....................5 50 جنيه OK
وصلة عمة هواء................225 جنيه مفيهاش حاجه اصلا

سربنتينة تكييف................1950 جنيه بيقولوا احتمال اتاثرت
رادياتير................. .........1500جنيه بيقولوا احتمال اتاثر
مروحة.................... ......850جنيه بيقولوا احتمال اتاثرت
وصلة عمة هواء................225 جنيه بيقولوا احتمال اتاثرت

اعمال سمكرة و تركيب........1500 جنيه هي تركيب بس مفيش سمكرة خالص
اعمال دهان..................... 2700 جنيه اكصدام + كبوت + رفرف..!!!!!!!!!!
اعمال فك و تركيب..............450 جنيه تركيب ايه تاني امال اللي فوق ده ايه
اعمال سروجي.................300 جنيه ؟؟؟؟؟؟؟؟؟؟؟؟؟؟؟؟؟؟؟؟؟!!!! !!!!!!!!!!!!!!!!!!!!!!!!! !!
اعمال كهربائي.................. 400 جنيه تمن توصيله لكبس الفانوس
اعمال تكييف.................... 600 جنيه ؟؟؟؟؟؟؟؟؟؟؟؟؟؟؟؟؟؟؟؟؟!!!! !!!!!!!!!!!!!!!!!!!!!!!!! !!
اعمال ميكانيكا................. .400 جنيه مين اللي جاب سيرة ميكانيكا

الاجمالي (قابل للزياده و النقص) 19500 جنيه + 10 % ضريبة مبيعات يعني
21500 جنيه
الكبوت و الصدر مش موجودين اصلا و قالوا اكلمهم بعد اسبوعين

وطبعا يا دكتور الأسعار دى متهيألى استهبال ع الآخر ... ممكن تفكر فعلا فى الألنترا تقريبا هى نفس العربية مع اختلافات بسيطة ... بصراحة انا عن نفسى خلاص اخت قرار ان شاء الله كورولا 2003 أو 2005 عداد قليل واريح دماغى وتقريبا هتكون بالنسبالى نفس تمن المقدمة بتاعة تقسيط السيراتوا واريح دماغى و مكونش مربوط بقسط كبير فى ظل الظروف السودا اللى الواحد فيها دى ... ولو لسة نفسى فيها ممكن بعد سنتين ولا تلاتة اجيبها برضوا مستعملة وعداد قليل وتكون حالتها حلوة

آسف على الإطالة بس حبيت اقول على كل حاجة بأمانة يعنى اطلع كل اللى جوايا