رد: قطع غيار JAC B15
اقتباس:
بالنسبه للزملاء القدامى وانا منهم كلهم لسه فى الضمان ومحدش حصل له مشكله فى سيارته حتى الان وانا على اتصال بهم على فترات متباعده مثل الاستاذ ايمن والاستاذ سيف وغيرهم ومحدش اتعامل خارج التوكيل .. الحاجه الوحيده إللى اتعاملت بيها خارج التوكيل هى ركبت مكنه طلمبه بنزين .....جبت مكنه هيونداى النترا كورى ب220 جنيه وباظت بعد شهر واحد روحت جبت من الحرفيين فى جسر السويس مكنه صينى ب75جنيه وركبتها بقالى 3شهور(وجبت واحده احتياطى ) وشغاله ذى الفل .. بالنسبه لقطع الغيار خارج التوكيل فى محل فى الحرفيين شغال فى الصينى كان منزل اعلان إنه هيجيب كل قطع غيارالسيارات الجاك الشهر القادم وانا على اتصال بيه ولما يجيب قطع الغيار هروح له واشوف جاب إيه وهعمل موضوع هنا فى قسم الجاك .. |
رد: قطع غيار JAC B15
اهلا بك يادكتور كمال وشكرا على الرد ....انا كان معايا أفيو والحمدلله راحت فى حادث على الدائرى "الحادث المشهور ال راحت فيه 13 سياره" وأنا دلوقتى بدور على سياره ودخلت عندكم المنتدى بالصدفه وحبيت السياره من كلامكم عليها وبدأت ابحث عنها على النت وذهبت إتفرجت عليها فى هورس موتورز ...عربيه حكايه ...وقعت فى حبها من أول مره...بس موضوع التوكيل وقطع الغيار مقلقنى شويه علشان كده قلت اتواصل معاكم علشان اقدر اخذ قرار .....بس هى دى الحكايه وشكرا
|
رد: قطع غيار JAC B15
قدر الله ماشاء فعل وأهلا بيك ياأستاذ اسامه فى قسم الجاك سواء كنت مالك أو محب للسياره فزيارتك تشرفنا ...
فكرنى كلامك (عربيه حكايه ...وقعت فى حبها من اول نظره ) بيا أنا كمان وقعت فى حبها من اول نظره مع إنى كنت قبلها حاجز السياره الbyd ودافع تمنها كاش لصاحب المعرض لكنه جابلى الجاك b15 وغيرت رأيى على طول اول مشفتها وحسيت برهبه لما ركبتها ولم يتغير حبى لها حتى الان وبعتبرها من الصفقات الرابحه فى حياتى ..............تقبل تحياتى |
رد: قطع غيار JAC B15
من الواضح ان مافيش حد غير حاجه خارج التوكيل .....ولا ايه؟؟؟؟؟؟؟؟؟؟؟؟؟؟
|
رد: قطع غيار JAC B15
ربنا يباركلك فيها ياد.كمال ...على فكره ده موقع الشركه على الفيس بوك وهما ناس محترمين جدا وبيتفاعلوا مع اى شخص ....انا اقترح ان كل مالكى السياره على الصفحه الجميله دى يدخل ويكلمهم فى موضوع الدعايه للسياره وفى موضوع قطع الغيار ...لعل وعسى يضغطوا على التوكيل ال رايح فى النوم http://www.facebook.com/jacegypt
|
الساعة الآن 01:58 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017