المشاركة الأصلية كتبت بواسطة ahmed_eng2001 (المشاركة 951986)

شكرا باشمهندس عمرو على الردود ....
بس انا كان قصدى ... الفروق الخارجية ... بمعنى اخر .... الجهاز الى حضرتك عملته .... لرشاشات الفكترا بس .... علشان مقاس رشاشات الفكترا و المضخة الخاصة بموتور الفكترا
بص يا بشمهندس احمد
الموضوع حيرني جدااا
وخلاني قبل ما اصنع مسطرة الف علي بتوع قطع الغيار لموديلات مختلفة
واشوف المقاسات وكان كل الي شوفتو نفس مقاس الاورينج 14ملي خارجي
بس الله اعلم ممكن يكون في واحد مختلف
وعلشان كدة انا صنعت جلب عند الخراط الداخلي 14 ملي وعلي بعد 6ملي عملت كرسي للاورينج علشان يقطع 12ملي
وبكدة الي انا عملتو نفعني في امكانية قلب الرشاش يعمل العكس
اما مسطرة الرشاشات لنفس نوع رشاش معين ماينفعش تقلب الرشاش مش حيقطع

فلو حضرتك عاوز تنضف رشاشات اللانسر ... كدة انا محتاج مسطرة خاصة بالانسر و طرمبات خاصة بالانسر .... الكلام ده صحيح ؟؟
بالنسبة للطرمبة الموضوع مش حيختلف كتير
انت محتاج ضغط فقط بل بالعكس كل لما الضغط زاد كلما كان في مصلحة التنظيف

المخابير الى بتجمع فيها البنزين الى حضرتك بتستخدمها .... زجاج و لا بلاستيك ؟؟ بتتأثر بالبنزين و لا لأ ؟؟؟
زجاج ولايوجد عليها اي تاثير من البنزين او مواد التنظيف

طرمبة البنزين بترفع لضغط معين و بعدين بتفصل اوتوماتيك ؟ ولا بتفضل شغالة ؟
اي طرمبة بنزين ليها حد معين من الضغط ولو حتي قفلت المخرج عنها لفترة مش حيضر
لان الطرمبة ريشية وليست بستمية
اما الطرمبة البستمية وفلايجوز غلق المخرج عنها
ومافيش طرمبة بنزين بستمية
وبعدين ارجع الي الفيديو بعد لما الطرمبة تحقق اعلي قدر من الضغط لها بفصل عنها الكهرباء
ممكن نستخدم سوائل التنظيف الى ذكرها الاستاذ كارز ادماير ؟

المشاركة الأصلية كتبت بواسطة ahmed_eng2001 (المشاركة 952058)

ربنا يكرمك يا باشمهندس عمرو .... مجهود كبير و كما هو باين به الكثير من التفاصيل الفنية

فيه حلقة مفقودة عندى .... و هى شكل الرشاش نفسه و كمان تركيبه فى المسطرة ... و ده انا مش هفهمه الا لما افك و اركب رشاش بنفسى

ربنا يباركلك و يوفقك