![]() |
رد: الحقوني يا جماعه
مين قال ان احنا جايبين عربياتنا جديدة أنا معايا البرايد الهاتش باك موديل 96 ومحمد معاه موديل 99 يعنى الاتنين مستعمل .
بالنسبة للحاجات اللى حاتتغير فده طبيعى انك تعمل كده ، ده مستعمل ولازم كل فترة حاتغير حاجة لأن كل قطعة فى العربية ليها عمر افتراضى ، المهم هل سعر قطع الغيار دى سعرها غالى ولا رخيص وهل بتستهلك بسرعة ولا لأ هو ده مقياسك ده غير عوامل تانية . ولو بتفكر فى الهاتش باك توكل على الله وجيبها العربية كويسة من نواحى كثيرة لو انت بتبصلها بمنظور عملى يعنى عايزها لمشاوير وشغل شاق أما لو انت عندك اسرة أو بتبص على رفاهية فعليك وعلى السيدان منها حتلاقى فيها باور وتكييف وشنطة . |
رد: الحقوني يا جماعه
مش غريبه العربيه لسه جديد ه و هتغيرو الحجات دى
|
رد: الحقوني يا جماعه
يا جدعان هو احنا بنتكلم هندى بنقول عربيات من موديل 96 و 99 ازاى تبقى جديدة بالعقل كده ؟!! وازاى بعد الفترة دى والاستخدام ده تبقى مش محتاجة تتغير فيها حاجات ؟!!!
|
رد: الحقوني يا جماعه
اقتباس:
هههههههههه ياباشا كلامك واضح وزى الفل وربنا يكرمك وتخلص كل أعمال الصيانه إللى عندك فى العربيه وكلامك منطقى جدا كل قطعة غيار وخصوصا فى العفشه ولازم يجىء عليها الوقتت وتتغير ________________________ بالمناسبه بأه أيه أخبار أسعار البرايد هاتش باك وسيدان وأيهما نفضل وشارى موديل 96 بكام |
رد: الحقوني يا جماعه
بص يا بشمهندس سمير
الهاتش باك متوسط سعره من 25 لغاية 29 وده حسب الحالة - وحق ربنا - اما الناس اللى بتقول اكتر من كده بصراحة باستغربهم قوى . السيدان بقى بتبتدى من أول 31 لغاية 35 يتساوى فى ذلك المانيوال أو الاوتوماتيك بس انصحك بالمانيوال اكتر علشان اوفر واضمن . أنا كنت جايب عربيتى غالية شوية ب 28 من سنة بس ده علشان كانت أول عربية وكنت لسه باقول يا هادى بس الحمد لله العربية عمرها ما قلت باصلها معايا ومتحملة منى شغل شاق ، هى بس قارفانى فى شوية حاجات بسيطة زى المساعدين وكلام من ده وناوى اظبطها وعندى شعور انها حاتفرق معايا قوى التظبيطات دى بإذن الله . العربية بوجه عام لو بتبصلها من منظور عملى بحت يعنى عربية تقضى بيها مشاوير ليك لوحدك ومش مهتم بالكماليات أو بعدد الركاب يبقى الهاتش باك مناسبة جدا ، اما لو بتبص لكماليات زى باور وتكييف وشنطة أو عندك اسرة فعليك بالسيدان . وربنا يوفقك |
الساعة الآن 04:41 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017