رد: اصحاب الموتوسيكلات الصيني .......انتبهوا!!!!
 

وعليكم السلام ورحمة الله
على فكرة الناس هنا مش بتتكلم على الصيني كموتوسيكل
بنتكلم على السلوكيات المرفوضة لبعض الناس اللي راكباه
وبالأخص حاجتين:
1.عدم ارتداء ملابس الوقاية
2. تحميل الموتوسيكل بأكثر من شخصين

وكلامك عن إن كل شيئ فيه الصالح والطالح مضبوط
وأيضا فكرة إن سائقي الموتوسيكلات الصيني بيتعاملوا وحش على الطريق من سائقي السيارات صحيح وأنا مجربه بنفسي وقت كنت بتعلم على موتوسيكل صيني

فبرجاء عدم الإحساس بأن هناك من يستعلي على الآخرين هنا
لأن كل تعاملاتي مع الناس في القسم ده والمنتدى عامة بتقول إن الناس هنا لا تؤذي أحدا بالكلام وناس محترمة وكمان وقت ما تحتاجهم تلاقيهم يساعدوك من غير انتظار مقابل أو غيره.

وعامة أنا بعتذر ليك عن أي فكرة مش تمام اتنقلتلك عن الناس هنا ونظرتهم لغيرهم.

رد: اصحاب الموتوسيكلات الصيني .......انتبهوا!!!!
 

اعذره يا عمنا
هو داخل شايط وشاط في الكل
معلش

رد: اصحاب الموتوسيكلات الصيني .......انتبهوا!!!!
 

غريبه بصراحه رد الاستاز. انا اللي قلت غلط انه بيركب هو والاسره. وانا هو معايا صيني .
رجاء تقرا كويس الردود وبعد كده ترد

رد: اصحاب الموتوسيكلات الصيني .......انتبهوا!!!!
 

يا جماعة انا لا شايط و لا حاجة و اظن اهانات الناس واضحة اوى للى بيركب الصينى و وصلت الى الحد ان واحد داخل يقول دول ناس بايظة و بلطجية و عادى جدا
و مافيش حد منكم دخل و قاله عيب اتقى ربنا فى كلامك و بطل نبرة الاستعلاء دى دة كلنا فى الاخر سواء امام الله

واضح ان اللى يقول كلمة حق فى البلد دى دلوقتى يبقى وحش و بيشتم غيره و الغلطان مش عايز يقول انا غلطان كله فاكر نفسه فوق الخطأ و للا يجوز نقد كلامه الخاطىء

على العموم ربنا يهدى الجميع

رد: اصحاب الموتوسيكلات الصيني .......انتبهوا!!!!
 

يا استازي انا راكب موتسكل صيني ومفيش حد اهاني او شتمني . كل التعليقات وانا منهم علي وسائل الامان وثانيا اللي بيركب ويركب مراته وعياله ؟؟ الصيني معمول يشيل واحد مش اربعه