المشاركة الأصلية كتبت بواسطة stonecoldmido5 (المشاركة 595497)

معلهش حضرتك الواحد بيغير رأيه من مرحلة لمرحلة تانية من حياته لان اكيد ان الاوكتافيا كانت حلم من احلام سيادتك , و لو مكنتش ظهرت الداستر عمر سعادتك ما كنت هتغير رأيك في قرار شراء الاوكتافيا و الظروف اللي سيادتك فيها ممكن تحدد اختيارك ليصب في مصلحة الداستر وده علشان الاسباب اللي حضرتك قولتها , وبالنسبة ليا انا كنت بحلم بعربية دفع رباعي حتي لو كانت نيفا و اما نزلت الداستر حققت لي اغلب حلمي في امتلاك عربية دفع رباعي قوية و موفرة في البنزين زي اغلب عربيات السيدان في نفس الوقت و حلال فيها الفلوس اللي ادفعت فيها .
بس لو حضرتك مبيفرقش معاك الكماليات اللي بتتمتع بيها الاوكتافيا فتوكل علي اللة و اشتري الداستر و خصوصا ان صالونها اوسع من الاوكتافيا بس سحبها اقل من الاوكتافيا و بعد كده اكيد هتقدر تستغني عن الداتشيا موديل 97 و مشاكلها الكتير و خصوصا ان الداستر ثابتة و متزنة في مشاوير السفر و انها مصفحة بالكامل من الاسفل فهتبقي امان اكتر لسيادتك و تقدر تعدي علي المطبات الجميلة في مصر من غير ما الشكمان يتخرم او تقلق من حمولة العربية لان حضرتك لو ركبت 10 افراد في العربية حضرتك مش هتحس بأي تغيير في السحب بعكس اغلب العربيات من نفس الفئة سواء ( التيجو1600- التريويس - الكارينز - الماهيندرا 1600) .
ربنا يوفق حضرتك لما فيه الخير و معلهش انا صدعت حضرتك و اي استفسار انا في منتهي السعادة اني ارد علي حضرتك .

المشاركة الأصلية كتبت بواسطة omskmaher (المشاركة 595626)

انا متابع الداستر من زمن واقسم انها لا تقل عن الاكس تريل فى الجمال با اجمل واوفر فى البنزين وتوكيل رينو محترم انا اؤيد الداستر اكثر من اى عريبه تانيه ربنا يوفقك لما فيه الخير

المشاركة الأصلية كتبت بواسطة الصيداح (المشاركة 595797)

والله أنا مش عارف أشكر حضرتك إزاي
أسأل الله لك توفيقا في كل أمرك
والله إنت فعلا أقنعتني بالعقل وخلاص أنا هتوكل على الله إلى أن يأتي وقت الشراء
وإن شاء الله تكون الداستر هي الإختيار لأنها هي الواقع الذي أعيش فيه
أنا عاجز عن الشكر ولا أملك لك إلا الدعاء بظهر الغيب
شكر الله لك أخي الغالي

ويا ريت طالما عندك داستر تعمل لنا تقرير مصور عنها كدة على كام فيديو وكام صورة وأهو منه تجديد في القسم