مصر موتورز مجتمع السيارات - اسئله المبتدئين ..عفوا ممنوع الفتى :)))

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

- - اسئله المبتدئين ..عفوا ممنوع الفتى :))) (https://www.masrmotors.com/vb/showthread.php?t=50341)

رد: اسئله المبتدئين ..عفوا ممنوع الفتى :)))

علاء باشا جاب المفيد واسمحيلى اضيف
- لو فى منزل ( نزول كوبرى ) والعربية على غيار طفت فيفضل استعمال الدبرياج مع الفرامل الخفيفة علشان العربية متكركش مع النظر فى المرأءة للخلف
- فى فى حالة الصعود وبطلت العربية لاى سبب فيفضل الفرامل تسبق الدبرياج علشان العربية مترجعش لورا مع التأكد انة مفيش حد قريب خلفك
والموضوع بسيط جدا ً ويحتاج الى جرأة وتعود

رد: اسئله المبتدئين ..عفوا ممنوع الفتى :)))

انا ممكن اقول معلومه لاصدقائى المبتدئين(ما نا برضه مش ميح قوى)
لو كنت على مطلع زحمه و فرملت(دلوقتى انت رجليك على الدبرياج و الفرامل) و بعدين عاوز تطلع تانى من غير ما تريح العربيه منك و تخبط الى وراك ثبت رجليك على الفرامل و ابتدى ارفع رجليك سنه سنه من الدبرياج لحد ما العربيه ترعش تقوم شايل رجليك من الفرامل و تدوس بنزين
..و الله الموفق

رد: اسئله المبتدئين ..عفوا ممنوع الفتى :)))

mesho 70@
شكرا للاضافه :)
بس بخصوص ( فى فى حالة الصعود وبطلت العربية لاى سبب فيفضل الفرامل تسبق الدبرياج علشان العربية مترجعش لورا مع التأكد انة مفيش حد قريب خلفك ) .. انا بروح دايسه فرامل لحد نصها و بعدين بسرعه دبرياج للاخر و مكمله باقى الفرامل .. بصراحه دى افتكاسه منى علشان لا العربيه تريح ولا ابقى دوست فرامل للاخر من غير دبرياج
ده يودينى لسؤال تانى ايه الضرر لما ادوس فرامل للاخر و انا ب اوقف من غير ما ادوس دبرياج للاخر؟

رد: اسئله المبتدئين ..عفوا ممنوع الفتى :)))

اقتباس:

المشاركة الأصلية كتبت بواسطة CARDIO (المشاركة 380495)

حضرتك فية حاجة كمان
- لو توقفتى تماما ً فى اى مطلع وليكن كوبرى
- هيبقى التوقف بالدبرياج والفرامل
- وعند التحرك من هذا الوضع يتم سحب فرامل اليد واستخدامها بدل فرامل الرجل علشان العربية مترجعش منك لورا سنة بنزين ومع نزول لفرامل اليد واحدة واحدة
- لانة هيكون فية رجل على البنزين والاخرى على الدبرياج
- وانا بشوف ناس كتير بتقع فالغلط دة حتى سواقين التاكسى احيانا
- لكن انا قلى عليها سواق قديم جدا ً

رد: اسئله المبتدئين ..عفوا ممنوع الفتى :)))

اقتباس:

المشاركة الأصلية كتبت بواسطة mesho70 (المشاركة 380498)

يعنى اللى بعمله ده غلط؟ والا شغال برضه ؟