المشاركة الأصلية كتبت بواسطة shaltoo2003 (المشاركة 106639)

بصوا يا جماعه انا معايا اوبترا 2009 مانيوال بس فيها شويه حاجات مختلفه الطاره شكل الجديده فيها حلقتين فضي وفيها اتنين اير باج وزجاج كهرباء اامامي فقط ومرايات مانيوال انا جايبها من المصريه ومش عارف هي ليه كده المهم الاوبترا كويسه بس سفاح بنزين صدقوني انا بسافر كتير العربيه اخرها 150 كيلو في الصفيحه وهو مين فينا مش بيزود ويجيب 140 و 150 علي الطريق بليل فوق ال120 بتشفط البنزين زي الواحد العطشان سحب ممتاز جداااااا وبتشد قدام الانسر علي التاني وتعديها ثاااااااااااااااااااااااا ابته جدا علي الطريق انا جبت 200 بيها وهي تمام المهم تبقي ضامن الطريق مشكلتها السماعات كوالتي مش حلوه خالص مقارنه بالياباني مريحه وواسعه جدا وعائليه وشنطه رحبه جدااا ومنظر جميل اجمااااااالي العربيه كويسه ومشكلتها البنزين بس كل الاوبشن بعد كده ممكن تظبطها ب 2000 جنيه منصحش بالتوماتيك لان سحبها بطي جدا مع واحد صاحبي من 2006 واكس مفيهاش عيب عفشه مريحه وناعمه جدا بلانسه للطرق الوعره تانك 60 لتر في ايحاء علي انها سفااااااااااح بنزين تخش تفول بمييه علي طول بس غير الاوبترا ما تلاقيش وسلاااام
الاهم في العربيه بتاعتي والحاجه اللي مخلاياني صابر عليها الفرامل absوده مخليني مطمن جدا اول تكه في التدوير تشوف علامه الفرامل الابي اس بتنور في التابلوه علي اليمين وطبعا لما الاسفلت بيكون عليه تراب وانت شادد قوي علي الطريق الفارمل بتبقي مامناك جدا وبتقف مكانها بدون زحف مطلقا وتسمع الابي اس تحت رجليك زي الفيبرشن بجد دي حاجه مميزه جدا وخاصه لشاب زينا

المشاركة الأصلية كتبت بواسطة shaltoo2003 (المشاركة 108221)

خليجي ايه بس يا باشا انا جايبها من المصريه للسيارات يبقي خليجي ازاي هي موديل 2009 بس اوبشن 2010 نفس شكل الطاره الجديده و ايه بي اس من المصريه وانت عارفهم مستحيل يجيبوا خليجي ده بيشتموا فيه