رد: كل ما يخص الشهر العقارى
 

السلام عليكم و رحمته وبركاته
انا خبرتى زيرو فى العربيات و عندى شويه اسئله لو سمحت علشان انا خايفه يتنصب عليه و الناس ما بقاش عندها ضميرللاسف
1دلوقتى انا لو حشترى عربيه من حد ايه الاوراق اللى لازم اخدها منهو اخد بالى لا ينصب عليه فى ايه؟
2 رجاء توضيح الفرق بين نقل الملكيه و التوكيل و الترخيص ؟و بناء عليه انهى احسن اعمل عقد و اللا اخد توكيل؟

جزاكم الله عنى خيرا

رد: كل ما يخص الشهر العقارى
 

"التجديد والترخيص من اخطر ما يمكن للبائع حيث انه من الممكن ان تنتقل الرخصة الى المشترى ثم الى مشترى اخر بنفس اسم صاحب السيارة القديم فبعد مرور الزمن يفاجى صاحب الرخصة بان السيارة باسمة"
برجاء توضيح هذه الجزئيه اكتر

رد: كل ما يخص الشهر العقارى
 

دلوقتى انا شاري عربيه من واحد يوم 14-10-2010
و الراجل ده كان مجدد العربيه و فاحص و كله تمام و الرخصه اصلا طالعه بتاريخ 31-8-2010
وميعادالفحص والتجديد 31-8-2011
دلوقتى انا عايز انقل العربيه باسمي والرخصة تكون باسمي
وعملت عقد البيع فى الشهر العقارى بموجب توكيل عام بيع للنفس.. بس الراجل في الشهر العقاري قالي طالما بيع للنفس حتمضي بايع ومشتري.. كده العقد يسقط بعد شهر ولا ايه علشان مضيت مشترى ولا عادي طالما معايا التوكيل والعقد الموثق شهر عقاري مسموح لي باي وقت انقل ملكية لو عدى الشهر ومنقلتش ملكية في المرور؟؟

فلنقل الملكية هل بقى كده لازم افحص برده العربيه رغم انها لسه 5 شهور.. ؟ ونفس المرور ؟
و لا ايه الاجراءات اللى هتتم

فبكده يبقى معايا دلوقتى عقد البيع مسجل فى الشهر العقارى وتوكيل عام و طبعا رخصه العربيه

ياريت النصيحة وآسف للتطول ولك جزيل الشكر

رد: كل ما يخص الشهر العقارى
 

"بس الراجل في الشهر العقاري قالي طالما بيع للنفس حتمضي بايع ومشتري.. كده العقد يسقط بعد شهر ولا ايه علشان مضيت مشترى ولا عادي طالما معايا التوكيل والعقد الموثق شهر عقاري مسموح لي باي وقت انقل ملكية" يا ريت يا جماعه حد يوضح النقطه علشان مقلقه فعلا...و شكرا

رد: كل ما يخص الشهر العقارى
 

السلام عليكم يااخى انا قدامى عربية ماروتى بس رخصتها منتهية من شهر 10 2008 والفحص ميعاده 10 2010 المهم هو كان معاه شهادات بيانات وعمل محضر بفقدانها وورانى المحضر انها ضاعت منه فانا خايف الايكون باعها قبل كدة لحد والا انت اية رايك يااخى وهل فالشهر العقارى يقدروا يعرفوا انه بيعها قبل كدة والالا ولك جزيل الشكر وسؤال تانى يااخى ممكن ما يكنش لك معرفة بية هى شهادات البيانات دى بتطلع من المرور من غير مايدفع ضرايب وتامين العربية فالفترة السابقة والا عادى ممكن يطلعوها كدة وشكرا

رد: كل ما يخص الشهر العقارى
 

اخ محمد ارجو الافادة عن رسم تسجيل لادا روسى 2003 علما بأن ذلك سيكون بإذن الله ان احيانا ربنا فى 9/2011 مع تحياتى

رد: كل ما يخص الشهر العقارى
 

لم يكن من حق الموظف ان يجعلك توقع كمشترى كان التوقيع بصفتك كبائع فقط ولا توقع مشترى ، وبالفعل كدة العقد سقط هتدفع تلت ضريبة زيادة فى المرور واحب اطمنك ان كلمة العقد سقط لا تعنى انة غير فعال كل المقصود سقط حقك فى الترخيص بالضريبة العادية بدون غرامة اضافية لكن العقد صحيح وناقل للملكية رغم انف وزارة الداخلية، اما بالنسبة للفحص فحضرتك لازم تفحص لأن نقل الملكية بيترتب علية فحص فى كل الاحوال ودة كويس ليك لأنك هتفحص باسمك وهتاخد 3 سنيين للفحص القادم