|
|
رد: بصراحة ... ديه سفالة وقلة ادب
المشكلة انة اليومين دول بيشن حملة شرسة ضد الدكتور عصام شرف وبيجيب ناس معاتية زية
اول امبارح كان جايب دكتور فى الاقتصاد بنضارة ومربى سكسوكة وعينة جاحظة واكيد بيشرب بايب فكرنى بافلام اسماعيل ياسين اما كانو بيجيبو دكتور نفسي واعدة هما لتلاتة هاتك يا تريقة على الدكتور عصام شرف وتوفيق عكاشة اكتر من مرة يقول كلمة انة ما ينفعش يكون رئيس وزارة هو كبيرة يصالح اتنين على بعض وكلام ينئى عن الادب والاحترام وتطاول مقصود على شخص الدكتور عصام شرف وكلامة كولة هايف وباين جدا السذاجة السياسية فى كلامة وتحس انة بيجى فى الهيفة ويتصدر ومن حوالى اسبوع جه خبر على قناة الفراعين ان الرئيس المخلوع مات اكلينيكيا والخبر دة زى ما قالو علية فى القناة اكسيسلوف للفراعين وطبعا بان جدا انهم ولا يعرفو حاجة فى مهنة الصحافة واعتمادهم كولة على الهجوم لمجرد الهجوم وعاش الملك ومات الملك ومقضينها اخبار مضروبة .......لو سمعو من عم احمد بتاع الشاى خبر بيقولو فى القناة من غير ما يتحققو من مصدرة ......حسبى الله ونعم الوكيل فى توفيق عكاشة |
رد: بصراحة ... ديه سفالة وقلة ادب
السلام عليكم
اقول لكم انا عملت ايه انا شيلت القناة خالص من على الريسفر علشان صاحبها ومذيعينها بيجيبولى العصبى فأفضل حاجة ان كل واحد يقاطعها ولا يضيع وقته فى مشاهدة هذا الهلس الإعلامى ثانيا هذا المسمى توفيق عكاشة حكى ليه عنه أحد الزملاء وهو بلدياته فقال لى ان والده كان اقطاعى وان سرق الأرض من الفلاحين والدكتوارة اللى معاه دكتوراه مشكوك فيه لأنه أخذها من رومانيا يعنى بالفلوس وزى ما شوفتوه لا يصح ان يطلق عليه لقب اعلامى |
رد: بصراحة ... ديه سفالة وقلة ادب
اقتباس:
بصراحة انا بشوف القناه دى بالصدفة يعنى مش متابع وعلى حسب اللى شوفته اقل ما يقال عن اللى بيحصل ده انه (غشم اعلامى) لان من الواضح ان الناس دى مش فاهمة يعنى ايه اعلام وبيتهيألهم ان اللى بيعملوه ده يا يوجد لهم شعبية والناس بقى تحب الكلام الفارغ ده وكتير من البسطاء ممكن جدا يعتبروا ان ده رأس الديمقراطية (كل حاجه بتتقال وتتعمل :شتيمة -خناق- اباحيه) ومفيش حد بيمنع الكلام ده بس انا خايف من حاجه: فى ناس كتير(اعتقادى كده) مابيشوفوش القناه دى وانا واحد منهم - فا لو عملنا حمله للمقاطعة ممكن يكون ده سبب بلفت نظر اللى مابيتفرجش ع الكلام الفارغ ده ... لكن فى نفس الوقت مافيش غير ان اللى عارف يوعى اللى مش عارف لغايه ما تقفل ونرتاح من غبائهم او الاخوه المحاميين يرفعوا قضايا على القناه ويقفلوها على دماغ صاحبها انا متغاظ جدا ومش عارف اعمل فيهم ايه..!!؟؟؟؟:0155C7~128::f un_36_1_28[1]: تسلم يا ابو نورا على التنبيه والعنوان ده اقل حاجه ممكن تتقال بس برضه لسه متغاظ!!!!!!!!!!!!!!!!!!!! !!!!!!!!!! |
رد: بصراحة ... ديه سفالة وقلة ادب
دى قناة هبله زى صاحبها راجل منافق كان بيقبل يد صفوت الشريف مستنى منه ايه وقال ايه عاوز يترشح للرئاسه ابن الايه دة:00db9337ef155724e76
|
رد: بصراحة ... ديه سفالة وقلة ادب
ياجماعة انتم زعلانين منه ليه، ده حيبقى الرئيس القادم، ده حتى حصل على 132 صوت من أكثر من 110 ألف صوت حتى الآن فى استطلاع الرأى فى صفحة المجلس الأعلى للقوات المسلحة، ده أنا لو رشحت حد من عيالى حياخد أصوات أكثر منه هههههههههه
|
| الساعة الآن 06:02 PM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017