رد: كل اللي نفسه في حاجة عن اللوجان يدخل هنا
 

من مميزات اللوجان انها مصممة للطرق الغير ممهدة ... والكلام دة على الواقع حقيقى جدا من مواقف عديدة سواء شوارع مكسرة او سواء مطبات وخلافه واللوجان ممتازة جدا فى هذا الامر
......................... ........
زى ما قولت لحضرتك قبل كدة .. انا من خلال تجربتى مع اللوجان وتوكيلها ... فانا بنصح بيها اى حد بقلب جامد ..
فهى عربية جميلة فى فئتها بل وتتفوق عليهم فى معظم المميزات وملاحظات العربية مقبولة جدا لان جميع العربيات
بها ملاحظات ولكن بتفرق فى ان الملاحظات تكون غير جوهرية وغير مؤثرة على اداء العربية
......................... .................
بالنسبة لقطع الغيار ... لو رجعت لمشاركتى الاولى حتلاقينى كاتب فى النصائح انك تعرف اسعار قطع الغيار وتشوف هل هى اسعارها غالية ولا لأ بالنسبة لامكانياتك المادية مع العلم انك معاك ضمان 3 سنوات او 100 الف كيلو ضد عيوب الصناعة
وليس للاجزاء الاستهلاكية مثل تيل الفرامل
......................... ................
اسعار قطع الغيار مقبولة جدا جدا بالنسبة لانها عربية جديدة وقطع غيار العربية حاليا موجود خارج التوكيل سواء فى القاهرة او فى اسكندرية
......................... .................
القطعة الوحيدة اللغز اللى فى اللوجان هى المراية الجانبية للوجان المغربى فهى غير متوفرة خارج التوكيل
ومتوفرة داخل التوكيل بسعر 1200 جنيه ... طبعا سعرها غالى بس دة حال جميع المرايات الكهرباء
لانها بتحتوى على شاسية وماتور مع العلم ان المراية للوجان الغير كهرباء (لوجان هاف اوبشن) بتكون فى حدود 500 جنيه ودى طبعا ضريبة الرفاهية
عموما ان شاء الله ماتغيرش المراية غير بعد 30 سنة (وعموما فى تجار رينو اكدوا انها حتكون موجودة خارج التوكيل فى خلال شهرين تلاتة )

طبعا يفضل لما تروح تستلم العربية يكون حد قريبك او صديقك معاك حتى يونسك فى اول ساعات تسوق فيها العربية ويا حبذا لو اشترى عربية قبل كدة
لكن عامتا مفيش مشكلة لو استلمت لوحدك لانهم بيعملوا للعربية كشف pdi بالاضافة ان احنا ممكن نقولك تستلم ازاى من خلال تواصلنا على المنتدى اهم حاجة انك وانت بتستلم ما تبصش لوش العربية علشان عينك متزغللش وتبقى عايز تنطلق وخلاص لأ يوم الاستلام تخليك جامد وماسك نفسك علشان لو لاقيت اى ملحوظة يكتبهالك فى ايصال الاستلام
بالاضافة انك لو فى اى ملحوظة ظهرت فى العربية فى ال 5000 كيلو الاولى بتتعمل على طول فى الصيانة
و لا تتردد فى انك تسأل اى سؤال .... اسأل واستفسر وماتستعجلش ... لان شراء السيارة دة قرار مصيرى حيدفع فيه فلوس احنا تعبانين فيها
وان شاء الله ربنا يوفقك لما فيه الخير

رد: كل اللي نفسه في حاجة عن اللوجان يدخل هنا
 

شكرااااا جدا اخ رنجو وانا النهارده رحت شوفت العربية فى التوكيل سور نادى الزمالك
العربية تحفة بجد فخمة جدا انت عارف عجبنى فيها انها فخمة اوى بس برضه هاسالك سؤال ممكن
انا هاجبها قسط وسالت الراجل المتخصص للقسط قالى على نظام القسط بس الشئ الى مفهمتوش انه طلعلى الكارت بتاعه وكان كارت خاص ب كونتكت كار وقالى ان احنا بقينا شركة واحده ده انا مش فهمه مع ملاحظة انه عرف انى عايز اجيب العربية قسط اسلامى يعنى لازم الى هاقسط معاه يكون مالك السيارة عشان كده انا مفهمتوش هو قالى ان احنا اسمنا شركة كونتكت العالمية للسيارات ده تتبع الشركة المصرية العالمية للسيارت
انا بفكرك انى رحت التوكيل نفسة والراجل ده كان قاعد على مكتب هناك ممكن تفهمنى لو سحمت هل فعلا كونتكت تبع المصرية العالمية ولا لا
على فكرة انا اتصلت به على الموبيل بعد ما مشيت وهو برضه اكد عليه انهم مالكين العربية ده طبعا مهم جدا بالنسبة للتقسيط الاسلامى وجزاكم الله خيرا على حسن المتابعة وربنا يحفظك انت وعربيتك *

رد: كل اللي نفسه في حاجة عن اللوجان يدخل هنا
 

هو كلام الراجل صحيح الى حد بعيد ..... لكن للاسف موضوع التقسيط انا مش بفهم فيه كويس علشان كدة مش حقدر افيدك
لكن انا ححطلك اللينك بتاع تقسيط كونتاكت بعد اذن ادارة المنتدى .... وهى شركة مشهورة ومعروفة للجميع
ويا رب اللينك يكون مفيد ليك اضغط هنا
ويا ريت اى حد عنده معلومات عن التقسيط يقولها
وبالتوفيق ان شاء الله

رد: كل اللي نفسه في حاجة عن اللوجان يدخل هنا
 

اخ رنجو معلش انا لسه شايف موضوع على منتدى تانى بيقولو فيه ان فى واحد فانوسة اتكسر ولما راح التوكيل ملاقاش عندهم ولا لا فى اى مكان على فكرة الراجل اتعتقد من الموقف ده مع انه معجب جدا من العر بية بس الكلام ده كان شهر 5 2009
وشكرا جدا على الموقع انا عارف الموقع ده ربنا يبارك فيك
ياريت تكون المشكله ده اتحلت عند التوكيل وانت عارف انا لو سالت هايقولو ان كل حاجة متوفرة

رد: كل اللي نفسه في حاجة عن اللوجان يدخل هنا
 

وهل في شكوى منها ان العربية بتعوم بعد سرعة ال 100 اقصد بتكون خفيفة معلش يا رنجو انا عمال ادور عن اى معلومة عنها معلش انت عارف انا هاجبها قسط ولازم اسال عنى كل حاجه وربنا يبارك فيك على حسن متبابعتاك وانك بفتيد نس كتير بتسال عنها
جزاكم الله خيرا