مصر موتورز مجتمع السيارات - ارشيف الاستراحة 2010

الموقف دة حصل معى امس
الساعة 4.3 فجرا ً دق جرس الباب ( كنت صاحى ) التوقيت كان غريب !! فأول شىء فكرت فية انى انظر للعربية خصوصا ً وان كنت لسة سامع عربية المطافى ولكن الحمد لله العربية سليمة جة فى دماغى حاجة تانى اخر مرة اتصل بيى اخى فالتوقيت دة قلى " تعالى بسرعة ابوك تعبان " ولما رحت مات ابى بعدها بربع ساعة
بدون تفكير او حتى ان انظر فالعين السحرية فتحت الباب
لقيت جوز خيل اقصد اثنين لابسين ملكى عادى يعنى وسيارة شرطة امام الباب وسألنى
" بيت مين دة ؟
رديت " انت عايز مين ؟
وكرر السؤال ثلاث مرات وكانت نفس الاجابة منى ولكن فى كل مرة يرتفع صوتى اكثر
وفى النهاية سألنى بعد ان نظر فى ورقة بيدة " دة بيت ............. " ؟
قلتلة " لا "
قلى " تعرفة "
قلتلة " ولا عايز اعرفة "
رد الثانى " احنا اسفين يا بية "
وانصرفا وكرر نفس الموضوع مع جارى
سؤالى :-
1 - هل من حق اى شخص ايا كانت رتبتة او سلطتة ان يفعل هذا ؟

وموضوع أخر :-

2 - وهل من حق امين شرطة ان يطلب منى فتح شنطة العربية فى اى كمين ؟
3 - وهل من حق امين الشرطة ان يطلب منى فتح شنطة سفر موجودة داخل شنطة العربية ؟
4 - وهل من حق امين الشرطة ان يطلب منى روشتة لعلاج موجود فالسيارة مع العلم انة شريطين ضغط داخل علبة ( كونكور ) وشريط مسكن داخل علبة ( كتافلام ) ؟
وعلشان اخلص منة وريتة تقرير طبى مكتوب بالانجليزى على روشتة طبيب واقتنع !
5 - واذا كانت المسافة بين محافظتين 210 كم وبها اربع نقاط تفتيش ولا يوجود اى قرى او مراكز فى المنتصف او حتى طرق فرعية بها يعنى منذ مرورك على اول كمين وحتى الرابع الطريق واحد وصحراء جرداء قاحلة وفى كل كمين يسأل عن رخصتك ورخصة العربية ويفتش الشنطة احيانا ً وكأنك نازل من السماء !!
6 - وهل من حقة ان يسألك انت جاى من فين ؟
7 - وهل من حقة ان يسألك رايح فين ؟
8 - وهل من حقة ان يقولك " معلش زميلنا نازل اجازة خدة فى سكتك " ممكن يكون اكثر من 4 ساعات قى مسافة 400 كم وتكون انت بقالك 4 ساعات قبلهم سايق وعايز تريح شوية ويكون هو مستعجل عايز يروح ؟
كل ما ذكرتة حدث ويحدث بعضة معى كثيرا ً وانا فى حيرة وارجوا ان اجد لديكم اجابة على اسألتى ممن لديهم خبرة او من القانونين بالمنتدى
مع الشكر