|
|
رد: هل التوك توك مضايقك؟
والله هو انا ضد التوك توك بسبب غباء وقله ذوق وعدم احترام الناس اللى بيسوقوه
وهو فعلا بيحل مشكله التاكسى واحيانا زحمه الميكروباصات بس المشكله انه مبقاش ارخص من التاكسى ولا حاجه يعنى انا فى مره الظروف اضطرتنى انى اركب توك توك وخدته مشوار صغير لو خدته بتاكسى بديله 3 جنيه اديتله 3 جنيه برضه مكانش عاجبه بقى انا اركب توك توك وادفع زى ما بدفع للتاكسى وفى الاخر مش عاجبه خلاص هما بقوا عايشين فى دور تاكسى العاصمه والمفروض اننا فعلا نشوف التكاتك المترخصه اللى المفروض انه نزل فى القانون الجديد مش كل شويه يقولنا شنطه اسعاف(اللى لو سبتها يومين فى العربيه هتلاقيها بايظه)ولا المثلث هما دول بس الحاجات اللى مهتمين بيها انما بفيه القانون ولا نعرف عنه اى حاجه ربنا معانا فى اللى بيحصل ده |
الحج أم الزواج
السلام عليكم
الموضوع بصراحة للتذكير و للعلم لمن لا يعلم بأن الحج ليس للعجائز فقط أو لمن يضع الحج في آخر أولوياته الحج: فرض بينما الزواج لا و لكن لو قدراتنا المادية محدودة هل نحج أم نتزوج؟ إن احتاج المسلم إلى الزواج وخاف العنت وخشى على نفسه الوقوع فى المحرم قدم التزوج لأنه بهذا الاعتبار واجب كالنفقة، وإن لم يخف قدم الحج لأن الزواج فى هذه الحالة تطوع . الموضوع ( 1155 ) مكانة الحج فى الإسلام (الشيخ/ جاد الحق). كما قدموه علي الادخار للتوفير لتزويج الأبناء أو ماشابه حكم تقديم الادخار لتزويج الابن على أداء فرض الحج أخرج الترمذي وأحمد عن علي ـ رضي الله عنه ـ عن النبي صلي الله عليه وسلم أنه قال: من ملك زادا وراحلة تبلغه الي بيت الله ولم يحج أي: ولم يحج حتي مات ولا عذر له ـ فلا عليه أن يموت يهوديا أو نصرانيا, وذلك لقوله ـ تعالي ـ في كتابه: ولله علي الناس حج البيت من استطاع إليه سبيلا, ومن كفر فإن الله غني عن العالمين. |
رد: الحج أم الزواج
المشكله في ايامنا دي الحج و الجواز تكاليفهم عاليه جدا .... تخيل واحد عنده ولد ولا بنت على وش جواز .... لم القرشين اللي حيلته و حج .... تفتكر نظره الولاد لابوهم ايه مهما كانو متربيين و فاهمين دينهم .... بالذات البنت لأن في مجتمعنا مش مطلوب منها تكون نفسها ولو حصل محتاج 20 سنه او تسافر بره مصر والحالتين صعب اوي.
|
رد: هل التوك توك مضايقك؟
يعنى من الاخر الناس مش طايقة التوك توك بس عاوزين بديل
طب مين عنده بديل نطرحه؟ |
رد: هل التوك توك مضايقك؟
بداية انا لا اؤيد استمرار وجود التوك توك فى مصر على هذه الصورة اللى موجود عليها وقصدى :
1-ان عدده كتير زيادة عن الازم: عامل زى النمل لما يبقى فى البيت لو نملة او اتنين او حتى عشرة ممكن مايسببوش ازمة قوى لكن تخيلوا فى بيتكوا جيوش نمل ( اهو التوك توك عامل زى النمل فى مصر) 2-بيبسوقه اى واحد ممكن يكون وخدها فسحة: واللى يغيظ انك تلاقى طفل عنده 10 سنين سايق ولا همه حد 3- كثرة الحوادث الناجمة عن تواجده 4-عربيتنا اتبهدلت منه: انا اعرف ناس عربيتهم اتخبطت حوالى 2 واكتر منه وهذا راجع لاسباب كتير مثلا اللى سايقه مش مهتم يخبط التوك توك اللى ركبه ولا لا لانه غالبا مش بتاعهوخبطة صغيرة فيه ممكن ماتبنش وكمان بيبقوا فاكرين ان علشان حجمه صغير ممكن يعدى من اى حته فجرح ياعم عربيات الخلق ولا يهمك 5-وصل بسائقى التوك توك الاستغلال انهم يخلوا اجرتهم زى اجرة التاكسى بالظبط ( وخاصة فى محافظة الجيزة) مش كفاية علينا استغلال سائقى التاكسى 6-الازعاج الفظيع الناجم عن تعلية الكاسيت فيه على اعلى صوت فنصف تكاتك مصر مسئولة عن جزء كبير من التلوث السمعى 7-عدم الراحة نهائيا للراكب داخله وكأن الواحد بيركب علشان راسه تتخبط ويتمرجح شويه خاصة مع طريقة القياده العجيبة اللى بيسوقها سائقيه كل تلك الاسباب وغيرها تجعلنى ارفض تواجده بالشكل الحالى ولكن.... له (القليل) من الايجابيات ان لم تكن واحده وهى حل مشكله التوصيل داخل الحوارى والشوارع الضيقه الا انه يسبب ازمة كبيرة جدا داخل تلك الشوارع من تعطيل المرور للمارة والسيارات يعنى من الاخر حتى الشئ الايجابى الوحيد لم يكتمل وعن التحدث عن بديل لهذا الاختراع العجيب فانى لااجد بديل بمعنى بديل اى اننا يمكن الابقاء عليه ولكن بعده شروط 1-يعامل معامله سيارة صغيرة (رخصة تسيير-رخصة قياده لسائقه-لوحةارقام-تطبيق كافة انواع المخالفات عليه (حفاظا على ارواح البشر) 2-يعامل معاملة الميكروباص فى تقنين دفع الاجرة لانه مابيستهلكش بنزين علشان ياخد فى شارع صغير 5 جنيه وحتى لو رايتم ان فى هذه الشروط بعض التعسف الا اننى ارى انها قد توصلنا فى النهاية الى تواجد ذلك التوك توك بالعدد المطلوب وحتى لانشعر بان مصرنا الحبيبة تم غزوها من قبل هذا الكائن المسمى التوك توك لانه يؤدى الى نوع من الفوضى العارمة اللى لازم ماتبقاش موجودة ومعلش طولت عليكوا بس التوك توك كان غيظنى :))))) |
| الساعة الآن 02:35 PM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017