رد: ماذا استفدت من اشتراكك فى مصر موتورز؟
 

بالاضافة لما سبق
انا كل يوم بتعلم حاجة جديدة (على المستوى الفنى و الانسانى)

رد: ماذا استفدت من اشتراكك فى مصر موتورز؟
 

اول ما اشتركت فى المنتدى مكنش عندى خبرة كفاية فى السيارات
وكنت بحزن كتير لما اصحابى يتكلموا عن العربيات وانا مش فاهم كلامهم
بفضل الله ثم الاخوة الاعضاء المحترمين اصبحت اعرف معلومات كثيرة جدا
واصبحت انا اللى بأنصحهم فى مشاكلهم مع العربيات
ثانيا انا كانت السيارة بالنسبة لى شئ ترفيهى اما الان اصبحت شئ ضرورى
وعاوز امتلك عربية انهاردة قبل بكرة

رد: ماذا استفدت من اشتراكك فى مصر موتورز؟
 

كان نفسي من زمان حد يكتب موضوع زي دا
علشان احس فعلا ان المنتدي مأثر في الناس
و ما شاء الله باين من ردود الجميع حبهم للمنتدي
بالنسبالي المنتدي دا بيتي التاني فعلا و فيه شفت و عرفت ناس كتير عن قرب و اتقابلنا و اكلنا عيش و ملح مع بعض
يعني بقي فيه عشره و اتنقلت العلاقه من الشبكه العنكبوتيه الي الحياه اليوميه
و هكذا فالمنتدي يعتبر مجتمع متميز باعضائه
و الي الامام دائما

رد: ماذا استفدت من اشتراكك فى مصر موتورز؟
 

اكتر حاجه استفدت منها في المنتدي هو التعرف علي شخصيات نادره
فعلا نادره لانها لا تكسب المال من اجل المعلومه ولا تأخذ مقابل لعملها الممتد علي صفحات المنتدي
شخصيات بتعمل الخير وترميه في البحر
شخصيات تفيد في الحياه العامه
شخصيات بتخاف عليك زي اخواتك
شخصيات منهم الاديب والشاعر والحكيم والطبيب والمهندس والعامل وكل المهن موجوده من اجل هذا المنتدي
فعلا الناس دي انا بحبها من غير ما اشوف واحد فيهم

رد: ماذا استفدت من اشتراكك فى مصر موتورز؟
 

منتدى جامد بجد
ساعدنى فى اختيار العربية فعلا
ساعدنى انى اعرف معلومات جديدة
كل واحد عنده معلومة او خبرة بيقولها و هو مش مستنى مقابل من حد
بجد فعلا زى ما قلتوا
كانوا بيتنا التانى
و طبعا ده غير الناس اللى معرفتهم دهب و احسن من اى حاجة تانية
شكرا للموضوع و لصاحبه احمد باشا بدر
و شكرا لصاحب الموقع
ابو نورا