رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

معلش يا ابو حميد اتأخرنا عليك

وبالنسبة للعربية لو مظبوطه معاك مفيش فيها حدف يعني تمشي علي سرعة من 60 وانتا طالع وسيب ايدك من علي الدريكسيون في طريق نضيف ومستوي ومفيهوش اماله لو العربية محدفتش معاك يبقي الزوايا عندك تمام ومتجيش جنبها

ومعني ان العربية تحدف انها تحدف جامد يعني تشيل ايدك من علي العربية يا ترمي يمين يا ترمي شمال جامد

وممكن تكون بتحدف لان في فرده عندك في الكاوتش مش مظبوط فيها الهواء

وممكن يكون في تيار هواء شديد علي الطريق يخلي العربية تحدف

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

مساء الفل يا بوب
معلش أنا عضو جديد ولسا شايف موضوعك
ظبط الزوايا لازم يكون بصفة دوريه
أقولك يعنى أيه الأول ظبط زوايا
1) الأربع عجلات لازم يكونوا على ميه واحده (مستوى واحد)
2) ممكن تكون عجله خلفى أو أمامي معوجه 4 ملي - ده يخلى العربيه تحدف الحل تتعدل على زرجينه
3) الدركسيون يكون فى النص 100% مع النصف بتاع محور العجل
يعنى وأنت ماشى دوغري لازم الدركسيون يكون فى النص بالظبط
4) ممكن تكون العربيه مش بتحدف وولا أي حاجه بس لما تظبط زوايا تلاقى عجل الأمام مرحل مع بعض = العجل يتاكل والعربيه مفيهاش حاجه
الحل الوحيد ظبط زوايا
5) ممكن تكون العربيه مش بتحدف وأنت سايب الدركسيون (لازم تجربها مع كبسه بنزين) وديه أفضل طريقه للأختبار (سيب الدركسيون وكيك البنزين ) وركز مع الدركسيون وحركنه ومكان العربيه على الطريق
أي حركه يمين أو شمال تجري تظبط زوايا على طول علشان تحافظ علي الكاوتش

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

مساء الفل
فوانيس الشبوره 3 أنواع ولازم تشتريع بالقاعده أوعى تعمل قعده فوج بلدي
1) الأصلى وده الوش زجاج وطبعا 100% ومش بيحصله حاجه ان شاء الله
2) ماليزي وش بلستيك ده نضيف و يستحمل الزينون لمده 3 سنوات وبعد كده يغمأ وده ب حوالي 150 جنيه
3) الصينى وده منصحش بيه علشان وشه بلستك ردئ مش بيستحمل الفوج العادي ما بالك بالزينون وده بيسيح قاعده الدويل بتاعته بعد 5 شهور والوش بيغمق بعد سنه وده حوالي 70 ل 110 جنبه

الزينون للشبوره تجيبه HID صينى مش مشكله علشان ده فوج مش عالي و واطي ومش هترعش بيه وده تدفع فيه أخروه 300 جنيه والتركيب في سموحه ب 30 جنيه وسجاره وكبايه شاي
أنا مركب الصينى ده بقاله سنتين فى الفوجات وزي الفل بس أهم حاجه جهاز الزينون تحوطه فى حته بعيده عن الميه ويفضل تلف عليه كيس بلاستيك

وربنا يحميك

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

هو انا لازم اعملكو:w6w200504112245306 e كده عشان تردو عليا طب اهو كمان عداد السرعه وقف عندى انتو كده بتحوشو عليكو الاسئله وانا مش هسيبكم غير لما تردو......
السؤال الاول هو انى لسه جديد فخدشت العربيه خدش وقع البويه وظهر الصاج وعاوز اعالج الموضوع من غير مااروح للسمكرى والدوكو عشان انا لسه هخبطها تانى
السؤال التانى ان عداد السرعه عندى وقف فجاه ومش بيتحرك!!!:12422A~17:

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

لما تبقى تخلص خبط ابقى اعملها وبالنسبة للعداد روح لواحد بتاع عدادات فى الدقى بعد منزل الكوبرى جنب بنزينة مصر للبترول يبصلك عليه جايز السلك اتقطع وعايز يتغير:06A7D5~132:

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

فيشه عداد الكيلو متر داخله على الفيتيس من نحيه الصدر الداخلى للسياره تحت المنافولد كده

و بص على الفيوزات بالمره ممكن يكون فيوز ضرب

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

صباح الفل يا شباب
امبارح والحمد لله دخل فيا موتيسكل ديلفري حقير في الجنب اليمين من الررفف الخلفي في البوز بتاع الرررفف والحمد لله العربيه اتعملت شويه
انا مش عارف اعملها وكلمت احمد كار الله يكرمه
وقالي اعملها ليك وهاقابله ان شاء الله ربنا يكرمك ياحمد باشا على تعبك معايا
بس والله انا عاوز اسال سؤال بس مهم اوى
حكاية المياه السخنه الي ارميها علي الرررف ديه واردها من ورا خطرعليه ولا عادي
والف شكر ليكم