مصر موتورز مجتمع السيارات - اى حد محتاج اى معلومه عن رينو

مصر موتورز مجتمع السيارات (https://www.masrmotors.com/vb/index.php)

- رينو RENAULT (https://www.masrmotors.com/vb/forumdisplay.php?f=16)

- - اى حد محتاج اى معلومه عن رينو (https://www.masrmotors.com/vb/showthread.php?t=1462)

رد: اى حد محتاج اى معلومه عن رينو

اقتباس:

المشاركة الأصلية كتبت بواسطة طاهر دعبس (المشاركة 116609)

اشكرك جدا على النصيحة يا بوب ولكن فى ناس خوفونى منها وقالوا ان قطع غيارها قليلة فى السوق ومش اى مكانيكى بيفهم فيها هل هذا صحيح وبعدين ثمنها 23.500 فما رايك

باشا الاوبتيما قطع غيارها متوفره تماما مفيش كلام ان قطع غيارها قليله العربيه دى من العربيات المنتشره وهتلاقى منها تاكسى هى والرينو 9 والرينو 12 والعربيه قطع غيارها موجوده فى كل حته واى ميكانيكى بيشتغل فيها موضوع انه يبقى ميكانيكى بيفهم فانا عن نفسى محبش ان ميكانيكى مبيفهمش يشتغل فى عربيتى انما الميكانيكيه اللى بيفهموا كتير فى مصر العربيه مش معقده خالص وموضوع التمن ده بيختلف من الحاله والاوبشن والدهان هل فابريكه ولا راشه محتاجه مصاريف ولا لا وهكذا حضرتك ممكن توضح ايه امكانياتها وظروفها وبأذن الله نشوف هل السعر مناسب ولا ايه تحياتى ليك يا باشا

رد: اى حد محتاج اى معلومه عن رينو

جزاكم الله خيرا.. والف الف شكر ليك يا بوب يا جامد انا قرات موضوعك كاملا ولذا سجلت بالمنتدى وسعدت جدا جدا بخبرتك ..
انا ايضا بفكر بشراء عربيه لاول مره على ان لا تزيد عن 25 الف وكنت ناوى على ريجاتا او الشاهين لكن بعد قرائتى لموضوعك محتار بين الشاهين والرينو اوبتيما والرينو 9 ؟؟؟ فايهم ترشح لى ياريت تكون العربيه عاليه ولا تتاثر بالمطبات كثيرا مع العلم بانى مازلت اتعلم القياده ومعلوماتى عن السيارات قليله. فى انتظار رايك والسعر كام تقريبا. ولك منى جزيل الشكر اخى الكريم.

رد: اى حد محتاج اى معلومه عن رينو

اقتباس:

المشاركة الأصلية كتبت بواسطة engsisi (المشاركة 118613)

والله يا باشا هى الاوبتيما تعتبر اعاده انتاج تركى للرينو 9 بس هى احدث فى الشكل الخارجى
عن نفسى ارشحلك الاوبتيما لانها هتكون موديل احدث
انما لو هتقارن بين الشاهين والاوبتيما يبقى اللى يحكم انت منين وهترتاح فى ايه الشاهين الطبيعى فى رينج ال25 هتكون فاضيه انما الاوبتيما هتكون مكيفه ودى طبعا حاجه تفرق جامد فى العربيه وتكييفها افضل من التكييف اللى بيركب للشاهين

رد: اى حد محتاج اى معلومه عن رينو

شكرا يا باشا على اهتمامك. قرات لك فى موضوع انك بتفضل الرينبو على الاوبتيما. لان شكل الاوبتيما مش حديث. نزلت صورة الاوبتيما من النت وجدت لها شكلين مختلفين ؟؟؟ ممكن ترسل صورتها بعد اذنك ؟ واستاذنك فى طلب اخر وهو ان ترشح لى افضل موديل او نوع فى السيارات الرينو من حيث كل شىء من شكل خارجى وقطع غيار واعتماديه وكل شىء بحيث لا يتعدى ال 25 الف وان يكون من موديلات التسعينات . وشكرا جزيلا لك واسف على الاطاله وارجو المعذره

رد: اى حد محتاج اى معلومه عن رينو

اقتباس:

المشاركة الأصلية كتبت بواسطة engsisi (المشاركة 119678)

والله يا باشا الرينبو شكل احدث من الاوبتيما وافضل من وجهه نظرى
وبالنسبه لشكل الاوبتيما اكتب فى جوجل كلمه رينو اوبتيما تركى وهتطلعلك صورها والاوبتيما مالهاش شكلين هو شكل واحد (اللى كانت بتتجمع فى تركيا)
ولو عايز عربيه فى رينج ال25 الف هيكون قدامك موديلات كتير انما اللى انا افضله لنفسى هيكون بالترتيب
رينبو
كليو هاتش باك موديلات ال92 93 94 95
اوبتيما
رينو 9