رد: رابطة ملاك القوية فيات 125 لتبادل المعلومات ؟
 

الاستاذ BASSIM KHALF اولا مساء الخير عليك
كنت حابب اسال حضرتك على موتور ال125 سبيشيال اللى كشافها مربع هل لو محتاج عمرة
اجيب موتور تانى افضل ولا اعمل له عمرة واى موتور يمشى مع ال 125 واسعاره ايه وايه افضل حاجة تمشى معاه

رد: رابطة ملاك القوية فيات 125 لتبادل المعلومات ؟
 

أولا: شكرا على التواصل والسؤال ثانيا : موتور 2 كامه ثمنه استيراد بالفتيس 8 ألاف جنيه وهو سعر غاااااااااااااالى جدا لذالك أما ان تشترى 1 كامه 1500 سىسى بتاع 131 او 1300 سىسى --او انك تعمل عمره لموتورك بس هتواجه مشاكل ف سوء الصنايعيه وعدم فهمهم للمواتير 2 كامه حيث يقومون بألغاء بعض الحاجات ف الموتور ولا يدركون انها اشياء جوهريه ف المحرك ولكن بسبب الجهل تضيع عمره موتور ثمنها 2500 جنيه ويبدأ المحرك بعد شهر او اتنين بتنفيث الزيت من اضعف نقطه ثم تليها اماكن اخرى ف المحرك لدرجه انك تشعر مع موتور اتنين كامه ان المكنه زيتها بيتحط بره مش جوه؟؟؟؟ رغم ان المواتير دى جامده جدا وتجميعها رهيب وسريعه للغايه وتضاهى فى ذلك معظم السيارات الحديثه بل تفوقها تجميع وتسارع وهيا لسه متعمره طبعا

رد: رابطة ملاك القوية فيات 125 لتبادل المعلومات ؟
 

وعشان كده لو هتعمل عمره يكون حد ركب واستخدم المواتير دى وعارف عيوبها مع الوقت عشان يقدر يتلافاها فى موتورك اثناء العمره وبعد التشغيل ؟؟ وطبعا لو انت شاب تحت 40 سنه يبقى أكيد بتحب الجرى والشد ؟ والموتور ده أتعمل عشان كده بس لازم يتعمر صح مع بعض الاحتياطات والتعديلات البسيطه والشروط الصارمه عشان ميفوتش بعد سنه ويعيش ممكن 10 سنين لو عاوز وكمان يوفر بنزين بالمقارنه بنفس الاستخدام والجرى مع مواتير مناظره له

رد: رابطة ملاك القوية فيات 125 لتبادل المعلومات ؟
 

وكمان أقدر اقولك ان الموتور ده بيولد عزم دوران 7200 لفه ف الدقيقه ودى حاجه مش موجوده ف اى موتور حتى ف المواتير الحديثه الا اذا كان 2 كامه زى النوبيرا مثلا وكمان مواتيرال 2 كامه لاتقل بأى حال عن 100 حصان ل 134 حصان :funny25:لا نها مواتير سابقه زمانها ونزلت أصلا للعربيات السبور والسباقات وصنعتها فيات ولانشيا-- الفيات غطاء الكامه بومبيه مقوس -اللانشيا غطاء الكامه مضلع مثل درج السلالم -وممكن تلاقيه راكب ففيات وممكن تلاقى الفيات راكب ف لانشيا لان الشركتين اشتركوا ف صنعه سنه 1967 وظل يستخدم حتى عام 2004 ف موديلات اللانشيا الحديثه والفيات الحديثه --يوصلك لل 100 كيلو ف 9 ثوانى وأقل --وعموما انا معايا نفس المكنه وعانيت الأمرين مع الصنايعيه لحد ما زهقت منهم ومن سرقتهم وجهلهم فقررت ان اعمل كل حاجه فيها بنفسى منذ عام تقريبا --ماعدا الموتور لسه فكه وبعملوا عمره حاليا فلو حابب أعمرلك موتورك معايا وأعدلك نظم التعليق والتبريد بأقل التكاليف لأنى حفظت العربيات دى صم وساعدنى فى ذلك خبرتى ف الالكترونيات منذعام1991

رد: رابطة ملاك القوية فيات 125 لتبادل المعلومات ؟
 

هل تتصور يا أخ owen انى ألاقى الصنايعى مركب جوان وش السلندر بتاع موتور ا كامه لموتور 2 كامه ؟؟؟؟؟؟ :shwt: انا عارف انك مش هتصدقنى ؟ انا كمان ذهلت وانا بفكه أول أمبارح ومبقتش مصدق ولغايت دلوقتى مش مصدق بس لما تجييلى ان شاء الله هوريهولك تشوفه بعينك ؟؟؟؟؟ عموما انا هسبلك رقم الموبايل لو حبيت أعملك العمره بتاعتك وانا بعمل عربيتى بالمره وانا فاضى وكمان عندى لحام أكسجيين لو عاوز تعدل الفوانيس بتاعتك ولو فيه اى لحامات ف الحوض او الشاسيه هعملهالك بس انتا اتشطر واتجدعن و حووش فلوس -- وبأذن الله هخليك يتحطلك بواكى ف العربيه دى وانتا تتبغدد وترفض تبيعها -- لانك مش هتلاقى عربيه قديمه او حتى جديده بتجمع وتجرى وتشييل أوزان زى عربيتك بعد التعديلات والعمره --- ومستنى ردك وأى أستفسار تحت أمرك و أمر الأخوه والزملاء ف الرابطه

رد: رابطة ملاك القوية فيات 125 لتبادل المعلومات ؟
 

حبيبى BASSIM KHALF انا لسا معمرها من حوالى شهرين والحمد لله هى ماشية معايا تمام بس فى غيار الزيت جيت اغسل العربية قام الراجب قالى هى عربيتك صوتها مش مظبوط ليه قولت له مش عارف ..... انا برضه خبرتي فى العربيات لسا قليلة قوى .... المهم قالى استنى ابص لك عا الزيت كده قولت له نزل الزيت اللى فى العربية وانا كنت مغير زيت قبلها بحوالى شهر ونص بينزل الزيت ملقاش فى المكنة الا حوالى نصف كيلو زيت من 4 كيلو زيت قولت له امال الزيت اللى كان فى المكنة راح فين قالى المكنة كلت الزيت قالى انت حاطط زيت ايه قولت له mx3000 قالى ياعم طالما انت عمرت يبقى تحط زيت عادى وتقيل وخلاص انما mx3000 ده للعربيات الحديثة اللى مواتيرها لسا جديدة انما المعمر حط له اى زيت عادى تقيل فا المهم رحت للميكانيكى قولت له عا اللى حصل قالى تعالى بعد شهر وانا اغيرلك الزيت بنفسى ونشوف كده هتاكل ولا لا فعشان كده كنت بسالك على المواتير ونظامها وهل ممكن ابدل موتورى بموتور كويس وادفع فرق بسيط وكده ولا ايه النظام وشكرا على مرورك اخى الفاضل .

رد: رابطة ملاك القوية فيات 125 لتبادل المعلومات ؟