مصر موتورز مجتمع السيارات - كل ما يخص الشهر العقارى

صفحة 34 من 58

« الأول

الأخير »

عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)

- الشهر العقارى (https://www.masrmotors.com/vb/forumdisplay.php?f=219)

- - كل ما يخص الشهر العقارى (https://www.masrmotors.com/vb/showthread.php?t=25323)

elsaidy

24-01-2011 04:25 AM

رد: كل ما يخص الشهر العقارى

اقتباس:

المشاركة الأصلية كتبت بواسطة منجاية (المشاركة 268988)

: معلش كمان سؤال هل ممكن اعمل لبنتي عقد بيع اني بعتلها العربيه عشان تبقي بتاعتها لو انا توفيت
وهل لو كتبت عقد بيع لبنتي ولو توفيت اهلي ممكن يورثو في العربيه او زوجي؟؟؟
هل لزوجي نصيب فيها اذا كتبتها باسم بنتي وهل ممكن اكتب ابيها واصي عليها يعني هوه يديرها بعد وفاتي؟؟ لحين ابنتي تبلغ سن الرشد؟

اختى اذا كتبتى السيارة باسم بنتك قبل سن 21 سنة فان والدها من حقة بيعها لانه ولى طبيعي عليها
اما بالنسبة للوفاة فاى شى يخصها يجب ان يكون بوصية فقط
اما اى عقد بيع فلا يصح ان يكتب فيه شرط الوفاة

elsaidy

24-01-2011 04:27 AM

رد: كل ما يخص الشهر العقارى

اقتباس:

المشاركة الأصلية كتبت بواسطة ذاكر (المشاركة 269327)

إضافة أخرى

ما أدراك يا أختى الكريمة إذا ما كتبت السيارة بإسم زوجك أن يتوفاه الله قبلك

وفى هذه الحالة يشارك أهله فى ميراثه لأنه ليس له ولد , فالإبن يحجب ميراث الأهل فيما عدا الأب والأم فلكل منهما السدس من ميراث الإبن

أما عن وصاية الأب على إبنته القاصر فهى ليست وصاية وإنما ولاية

والولاية تبيح للولي أن يبيع ويشترى ما يملكه من هو تحت ولايته

بمعنى أنه يكون من حق الأب بيع السيارة لنفسه أو للغير إذا كتبتها بإسم إبنتك

وبهذا نعود لمشاركة أهل زوجك فى ميراثه

فإبقى يا أختى الكريمة الوضع على ماهو عليه أبرأ لدينك ودنياك

والله ورسوله أعلى وأعلم

كلام جميل جدا يا اخى
بس فى حل وهو ان تكتب الاخت وصية وطبعا فى حدود ثلث مالها يعنى لازم تكون السيارة تعادل الثلث

elsaidy

24-01-2011 04:29 AM

رد: كل ما يخص الشهر العقارى

اقتباس:

المشاركة الأصلية كتبت بواسطة محمد ماضى (المشاركة 272627)

انا قررت اشترى عربية من ورثة واثق فيهم بس الرخصة باسم والدهم المتوفى والرخصة منتهية فماذا افعل بالله عليك ؟

هما يجيبوا من المرور شهادة بيانات
ويروحوا الشهر العقارى بالاوراق التالية
شهادة البيانات وفيها هتكون السيارة باسم المتوفى
اعلام الوراثة
وطبعا يكونوا كل الورثة اللى فى اعلام الوراثة موجدين
واتمنى من الله ان لايكون هناك قاصر علشان دى حسبة تانية

elsaidy

24-01-2011 04:35 AM

رد: استفسار عاجل

اقتباس:

المشاركة الأصلية كتبت بواسطة voodoomesho (المشاركة 277732)

ذهبت الى الشهر العقاري مع أحد المعارف حتى أحصل منه عل توكيل لسيارة مسجلة بإسم ابنه بعقد مسجل مكتوب فيه "بولاية والده".

قال لنا الموظف انه لا يمكن عمل توكيل وأن الحل الوحيد هو عمل عقد مسجل للمشترى اللى هو انا من البائع اللى هو والد صاحب السيارة بصفته الوصي عليه.

فأرجو أخى الكريم أن توضح لى مدى صحة هذا الكلام وما هي الطرق المتاحة حتى أتمكن من الحصول على السيارة دون عمل عقد.

اخى من حقك عمل توكيل
ولكن اذا تم القاصر سن 21 سنة قبل ان تقوم بعمل عقد مسجل لنفسك او لغيرك سيكون التوكيل لاغى

elsaidy

24-01-2011 04:37 AM

رد: كل ما يخص الشهر العقارى

اقتباس:

المشاركة الأصلية كتبت بواسطة ultrasoft (المشاركة 281411)

اخ محمد
شكرا ع المجهود الرائع لموضوعك .. اللى فادنى وفاد ناس تانية كتير .. بارك الله فيك

عندى استفسار .. اشتريت عربية .. سويفت 96 ... رخصتها لحد يونيو 2011 .. المشكلة بقى .. الرخصة مكتوبه بأسم واحده ولتكن فاطمة محمد احمد ومكتوب بجوارها والمسئول عنها احمد ابراهيم .. انا اشتريت من احمد ابراهيم بتوكيل من سفارة - لأنه مقيم بالخارج - ولما رحت للشهر العقارى .... قالى مينفعش تبيع الا لما تجيب كمان توكيل من فاطمة .. فهل ده صح .. ولا ايه بالظبط .. ايه الاجراءات اللى المفروض اعملها .. وشكراً

الكلام صحيح لان العربية باسم الاثنين بس اللى بعالك واحد فقط
يجب ان تجيب توكيل من الطرف الثانى

elsaidy

24-01-2011 04:39 AM

رد: كل ما يخص الشهر العقارى

اقتباس:

المشاركة الأصلية كتبت بواسطة falak (المشاركة 300314)

يا جماعة أنا عندي مشكلة مش مخلياني عارف أنام
أنا بعت عربيتي ( لانوس 99 ) لواحد زميلي في الشغل
عربيتي هذه كانت مرور الجيزة
ومن حوالي سنة نقلت ملكية ورخصتها تبع مرور حلوان ( لإني ساكن في حلوان )
لكنهم استخرجوا لي تصريح ( ثلاث شهور ) وليس ترخيص لإن الملف لم يأتي بعد من مرور الجيزة .
بعد ثلاثة شهور ذهبت للتجديد لكني وجدت الملف لم يأتي بعد فأخذت تصريح آخر لمدة 9 شهور والموظف قاللي هانعمل لك استعجال للملف.
بعد 9 شهور ذهبت للتجديد فلم أجد الملف أيضاً .. فعملوا لي تصريح لمدة سنة كاملة.
والآن وبعد مرور شهر واحد من هذه السنة ( مازال التصريح ساري لمدة 11 شهر ) بعت السيارة ..
وعاوز أعمل توكيل للشاري ،، لكن طبعاً الشهر العقاري هايطلب مني شهادة بيانات لإن معايا تصريح وليس ترخيص .
ذهبت للمرور عشان أجيب شهادة بيانات ،، قالولي مش هاينفع لإن الملف لسه ماجاش ..
طب وبعدين .. أعمل إيه دلوقتي ؟؟؟
الراجل عايز التوكيل ، وأنا مش عارف أعمل له إيه ؟؟
أنا خايف يكون الملف ضاع ولا حاجة ؟؟ ومش عارف عمل إيه عشان سي ملف ييجي ؟؟

اذهب الى مرور السيارة الاصلى وهات شهادة بيانات من هناك

elsaidy

24-01-2011 04:40 AM

رد: كل ما يخص الشهر العقارى

اقتباس:

المشاركة الأصلية كتبت بواسطة victornabil2002 (المشاركة 300525)

انا اشتريت النترا 2008 اوتوماتيك 1600 cc بتوكيل من صاحب العربيه الاصلى و مكتوب فى التوكيل له حق البيع لنفسه و للغير و التعامل مع المرور و الرخصه هتخلص 02/2011 عايز اعرف اعمل ايه لما الرخصه تنتهى و مصاريف تسجييلها فى الشهر العقرى كام و شكرا مقدما

قبل ما تنتهى االرخصة اذهب للشهر العقارى واعمل عقد مسجل لنفسك
اما المصاريف فسيتم رفع الرسوم لعام 2011 قريبا

الساعة الآن 04:02 AM.

صفحة 34 من 58

« الأول

الأخير »

عرض 7 مشاركات من هذا الموضوع لكل صفحة