مصر موتورز مجتمع السيارات
صفحة 33 من 50 « الأول 14151617181920212223242526272829303132 33 3435363738394041424344454647484950
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   128 FIAT (https://www.masrmotors.com/vb/forumdisplay.php?f=199)
-   -   موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت) (https://www.masrmotors.com/vb/showthread.php?t=66538)

JILANCO 26-11-2012 11:31 AM
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
 
اقتباس:
المشاركة الأصلية كتبت بواسطة sayed2077 (المشاركة 764183)

مبروك على المساعدين الجديده

وبالنسبه لمسألة الزيت بلاش ليكوى مولى لانه للاسف اثبت فشله
و انا من راى الخاص خليك فى زيت التعاون البرتقالى ب 60 جنية بيعمل 2000 كيلو او فى زيت شل الاحمر ب 75 جنية بيعمل 3000 كيلوا

ومتغيرش عن النوعين دول بس بشرط
والشرط ده مهم جدااااا اوعى تغير زيت فى محلات الزيوت العادية
لما تحب تغير زيت مثلا عاوز تحط زيت التعاون روح اى بنزينة تعاون وغير الزيت من عندهم
عاوز تحط زيت شل روح اى بنزينه شل وحط زيت من البنزينه نفسها

لان كل زيوت المحلات مضروبة مضروبة مضروبة

وعلى العموم جرب وشوف ايه اخبار الزيت لو نقص يبقى خلاص استعوض ربنا وفك الماتور وشوف فيه ايه وصلحه اذا كان نص عمرة و عمرة كاملة

وربنا ييسر لك الامور
:140109~347::140109~347:: 140109~347::286:

محمود كامبا 29-11-2012 02:46 PM
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
 
اولا شكرا للمنتدى و للناس اللي بتساعد بعض, طيب ثانيا دلوقتي انا معايا فيات 128 نوفا موديل 2002 و مش فاهم فيها اي حاجة كل اللي انا عملتو غيرت زيت ب 86 جنيه و غيرت فلتر زيت ب 25 جنية, انا نفسي اكشف على الشاسيه بتاعها عند واحد سمكري محترم بس المشكلة اني خايف انزل لوحدي عشان محدش يضحك عليا و زي ما انتو عارفين مافيش حد بيرحم دلوقتي, نفسي بس اطمن على شاسيه العربية و بعد كدا اكشف عليها عند واحد بتاع عفشة و كهربائي عشان بس قلبي يطمن, بس المشكلة اني معرفش اسعار الكشف بكام اصلا و معرفش واحد أمين اروحلو, فا ياريت بجد واحد من الاخوه اللي بيفهموا في ال128 يجي معايا و يساعدني مع العلم اني بسوق بطريقة تحافظ على العربية, انا ساكن في شارع النزهة في مدينة نصر SLAM

سيف الدين سعيد 29-11-2012 07:48 PM
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
 
اقتباس:
المشاركة الأصلية كتبت بواسطة محمود كامبا (المشاركة 807191)
اولا شكرا للمنتدى و للناس اللي بتساعد بعض, طيب ثانيا دلوقتي انا معايا فيات 128 نوفا موديل 2002 و مش فاهم فيها اي حاجة كل اللي انا عملتو غيرت زيت ب 86 جنيه و غيرت فلتر زيت ب 25 جنية, انا نفسي اكشف على الشاسيه بتاعها عند واحد سمكري محترم بس المشكلة اني خايف انزل لوحدي عشان محدش يضحك عليا و زي ما انتو عارفين مافيش حد بيرحم دلوقتي, نفسي بس اطمن على شاسيه العربية و بعد كدا اكشف عليها عند واحد بتاع عفشة و كهربائي عشان بس قلبي يطمن, بس المشكلة اني معرفش اسعار الكشف بكام اصلا و معرفش واحد أمين اروحلو, فا ياريت بجد واحد من الاخوه اللي بيفهموا في ال128 يجي معايا و يساعدني مع العلم اني بسوق بطريقة تحافظ على العربية, انا ساكن في شارع النزهة في مدينة نصر SLAM
أخى الكريم : تحياتى
ربنا يباركلك فى عربيتك . بس نصيحتى علشان ما حدش يصطادك انك تنزل بالعربيه عن مركز خدمة النصر للسيارات فى غمره وهناك عندهم كل التخصصات وأمناء للغايه اضافة الى ان كل صغيره وكبيره فى العربيه بتكون أمام عينيك وأى سؤال أو استفسار يخطر ببالك حايجوبوك عليه بأمانه . وبعدين هى اصلا العربيه بتاعتهم وفاهمين خريطتها بالكامل . وربنا يوفقك . وتحياتى لسيادتك . :CHUBBY~36:

محمود كامبا 30-11-2012 04:56 AM
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
 
اقتباس:
المشاركة الأصلية كتبت بواسطة سيف الدين سعيد (المشاركة 807476)
أخى الكريم : تحياتى
ربنا يباركلك فى عربيتك . بس نصيحتى علشان ما حدش يصطادك انك تنزل بالعربيه عن مركز خدمة النصر للسيارات فى غمره وهناك عندهم كل التخصصات وأمناء للغايه اضافة الى ان كل صغيره وكبيره فى العربيه بتكون أمام عينيك وأى سؤال أو استفسار يخطر ببالك حايجوبوك عليه بأمانه . وبعدين هى اصلا العربيه بتاعتهم وفاهمين خريطتها بالكامل . وربنا يوفقك . وتحياتى لسيادتك . :CHUBBY~36:
شكرا ليك جدا يا باشا بس معلش هغلس عليك شوية, معلش انا عايزك تقولي اسعار كل حاجة عشان لما اروح ابقى عارف انا هدفع ايه و الموضوع يبقى معايا على الخط يعني الكشف مثلا بكام و الصيانة بكام و الخدمات و الحاجات دي كلها يا ريت بعد اذنك تقولي الاسعار, ثانيا انا عايز اسأل سؤال عام: هل قطع غيار الفيات 128 معمرة ؟ يعني لو مثلا هغير الكبالين مع الاستخدام الجيد المفروض هتعيش معايا اد ايه ؟ و نفس الكلام لجميع قطع الغيار من بوجيهات و كدا, هل هي معمرة ؟

محمود كامبا 30-11-2012 04:57 AM
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
 
شكرا ليك جدا يا باشا بس معلش هغلس عليك شوية, معلش انا عايزك تقولي اسعار كل حاجة عشان لما اروح ابقى عارف انا هدفع ايه و الموضوع يبقى معايا على الخط يعني الكشف مثلا بكام و الصيانة بكام و الخدمات و الحاجات دي كلها يا ريت بعد اذنك تقولي الاسعار, ثانيا انا عايز اسأل سؤال عام: هل قطع غيار الفيات 128 معمرة ؟ يعني لو مثلا هغير الكبالين مع الاستخدام الجيد المفروض هتعيش معايا اد ايه ؟ و نفس الكلام لجميع قطع الغيار من بوجيهات و كدا, هل هي معمرة ؟

سيف الدين سعيد 30-11-2012 07:36 PM
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
 
اقتباس:
المشاركة الأصلية كتبت بواسطة محمود كامبا (المشاركة 807766)
شكرا ليك جدا يا باشا بس معلش هغلس عليك شوية, معلش انا عايزك تقولي اسعار كل حاجة عشان لما اروح ابقى عارف انا هدفع ايه و الموضوع يبقى معايا على الخط يعني الكشف مثلا بكام و الصيانة بكام و الخدمات و الحاجات دي كلها يا ريت بعد اذنك تقولي الاسعار, ثانيا انا عايز اسأل سؤال عام: هل قطع غيار الفيات 128 معمرة ؟ يعني لو مثلا هغير الكبالين مع الاستخدام الجيد المفروض هتعيش معايا اد ايه ؟ و نفس الكلام لجميع قطع الغيار من بوجيهات و كدا, هل هي معمرة ؟
بص يا جميل : انا بصراحه ماعرفش الأسعار بالتفصيل بس انا لما باقارنها بالخارج بالاقيها مش فارقه كتير انما الفرق انهم بيكونوا مسؤولين عن شغلهم ولو ركبوا قطع غيار بتكون على ضمانتهم . اما موضوع ان قطع الغيار معمره اقدر اقوللك بصراحه انها مش مرسيدس بس والله حسب استعمال قائد السياره يعنى اللى بيسوق بطريقه شبابى غير اللى بيحافظ على سيارته واللى بيمشى بعربيته بهدوء غير اللى بيفترى عليها . انا عربيتى مو 2007 ولغاية دلوقتى يادوب غيرت تيل أمامى وكبالن مره واحده من سنتين يعنى بعد 3 سنين من استعمالها . وعلشان تجيب قطع غيار من بره حاتنزل معروف عند الكيلانى وده بيجيب حاجات غالبا أصليه . وممكن تجيبلها الألمانى أو الإيطالى بيتكون أجود شويه فى الخام .

she_rif 30-11-2012 10:59 PM
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
 
عند طريقة لفك صمولة الكرنك وكيف افكها والموتور بيلف منى


الساعة الآن 08:14 PM.
صفحة 33 من 50 « الأول 14151617181920212223242526272829303132 33 3435363738394041424344454647484950
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017