|
رد: اكتشف درجة الهدوء لديك
وانا ايضا 32 البتاع ده بيخرف لا اولا مشكور استاذ اسلام
إذا كانت النتيجة بين 25-39 أنت في وضع جيد وعلى الرغم من أنك تجد نفسك قلقا بين فترة و أخرى إلا أن هذا القلق ليس السمة العامة لحياتك كما أنه يدفعك إلى العمل بشكل جيد. أنت تدرك المؤشرات العامة و التي تصيبك بالقلق و بالتالي تتوقف فورا و تحاول التهدئة من اندفاعك نحو القلق |
رد: تكلم حتى يراك الجميع ويعرفونك
ملاحظات ممتازة بالفعل يا بايو باشا
دى المفروض تضاف الى قوانين المنتدى من عظمتها بجد شكرا للمجهود الرائع فعلا |
رأى شخصى بموضوع اسعار العربيات و ضد حمله خلوها تصدى
سمعنا كتير عن حمله خلوها تصدى ... و مطالبات بخفض اسعار السيارات ... طبعا انا مع خفض اسعار اى سلعه لأنه مصلحه للمستهلك بس لازم نفكر و نشوف ايه هو الصح و ايه الغلط ........
يعنى مثلا انا فى رأيى ان الحمله دى مش هاتجيب اى نتيجه لأن السيارات مش سلعه استهلاكيه بمعنى ان الواحد مش بيغير عربيته كل يوم وللا كل شهر وللا حتى كل سنه يبقى بالتالى علشان تعمل حمله لمده شهر او اتنين او حتى سنه كامله مالهاش فايده لأنك كده كده مش هاتشترى عربيه دلوقتى .... و بالتالى انت لو عايز عربيه دلوقتى يبقى برده هاتنزل تشتريها بوجود الحمله او من غيرها لأنك اكيد محتاج العربيه دلوقتى و طالما معاك فلوسها هاتشتريها و مش فارقه تخفيض خمسه او عشره تلاف جنيه فى المبلغ الكبير اللى هاتدفعه فى العربيه ..... يبقى الحمله دى مالهاش اى نتيجه و عباره عن زوبعه فى فنجان و كمان عايز اعرف كام واحد من مشجعى الحمله دى كان فعلا ناوى يجيب عربيه و اجلها بسبب الحمله دى ؟؟؟؟؟ خمسه ؟, عشره؟ ميه ؟ و الاف مشاركه فى الحمله دى لا هاتجيب ولا تغير و يمكن ماعندهمش عربيات اساسا !!! طب ليه ؟؟؟؟و لو موضوع الحمله دى ناجح و هايجيب نتيجه يبقى ماكناش قرينا فى كل مواقع العربيات عباره ( باركولى انا اشتريت عربيه او مبروك عليا انا جبت العربيه او انا عايز اجيب عربيه ) !!! هاتقولولى طب ما هو فيه مشكله اهو فى مصانع العربيات اللى بتقفل ..... برده من وجه نظرى ان المصانع دى عماله تنتج عربيات و تنتج عربيات و الناس اللى بيشترى الماركه دى اشترت خلاص و اللى مش هايشترى كده كده مش هايشترى و فيه ناس تانيه بتشترى ماركات و موديلات تانيه ... هايبقى فيه فائض من العربيات المنتجه دى و مافيش حد يشتريها بالتالى المصنع لازم يوقف انتاجه و يقفل لأنه مش هايبيع خلاص ..... مش كده برده ؟؟؟ اخر حاجه برده فى رأيي الشخصى ان اسعار السيارات لن تقل اطلاقا بغض النظر عن السوق العالمى او اى سوق فى الدنيا ليه ؟؟ لأن المسؤلين مش هايسيبوا الموضوع كده سداح مداح و لو العربيه رخصت هايطلعوا بدل نسبه نزول السعر ده ميت قانون و ميت اجراء و ميت ضريبه يعلو بيها من تمن العربيه و يخلوها غاليه برده ...... برده ليه ؟؟ علشان احنا ماعندناش طرق تستوعب كل الكم ده من العربيات و لا خدمات فعليه للطرق ..... يبقى ازاى يخلوا كل اللى ماعندوش عربيه يقدر يشترى عربيه و اللى عنده واحده ساعتها يقدر يجيب التانيه ......طب كل ده هايمشى فين ؟؟؟؟ مع العلم على ان الزحمه دى كلها من 4 مليون عربيه فقط .... و احنا شعب تعدى ال 80 مليون يعنى لو العربيات بقت فى متناول الجميع هانمشى ازاى و فين ؟؟؟؟؟؟؟؟ و بالتالى ان لو العربيات سعرها نزل يبقى هايعلوا الضريبه اضعاف و اضعاف و يفرضوا ضرايب تانيه و تأمينات بلا عدد و يمكن زياده اسعار البنزين بأضعاف مما هو دلوقتى علشان يعلى سعر العربيه و زى ما قريت لواحد بيقول انهم هايبيعوا العربيه و مش هايدولك نمر تمشى بيها و فى الوقت ده يا هتكهن عربيتك القديمه و ترميها و تحل من عليها النمر يا هاتروح تشترى عربيه مستعمله بالشئ الفلانى علشان تاخد نمرتها .....زى بالظبط اللى عاملينه فى المراكب السياحيه النيليه علشان تعمل مركب نيلى سياحى لازم تشترى مركب نيلى قديم و متكهن بملايين علشان تاخد رخصها و ترخص بيها المركب الجديد !!!!!! عموما كل الكلام ده من نظره شخصيه بحته و فى نفس الوقت متغاظ من حمله ماحدش مستفيد منها اطلاقا .... و فيه حاجات اولى كتير انه يتعملها حملات و بالذات الحاجات الأستهلاكيه اللى كله بيستخدمها يوم ورا يوم ........... زى (اسعار الغاز , الكهرباء, التليفونات , المياه , الأكل ) و جميع ما هو سلع لا يتم الأستغناء عنها زى الشقق اللى اسعارها بقت فوق الوصف و الخيال , ليه ماسمعناش عن حمله ( خلوها تقع فوق دماغتهم وللا حمله هدوها و صوتوا ) مع ان الشقق اهم من العربيات سؤال :- يعنى كل حاجه رخصت و كله مرتاح فى عيشته و فاضل اسعار العربيات هى اللى عاليه ؟؟؟؟؟؟ |
رد: رأى شخصى بموضوع اسعار العربيات و ضد حمله خلوها تصدى
احيك على رايك <?xml:namespace prefix = o ns = "urn:schemas-microsoft-com:office:office" /><o:p></o:p>
واحب اوضح نقطة لما المصانع تقفل وتزيد معدل البطالة متخيلين هيحصل اية اذا كان احنا اصلا فى بطالة ومشاكل بجملة <o:p></o:p> طيب متيجوا نعمل حملة وتحصل بجد ونقول اوقفوا التدخين سجاير وغيرة واظن كلة فاهم الحشيش ال بقة اكثر من السجاير ولا نطلب زيادة الاسعار على السجاير ونزود الضرايب عليها وناجد العائد الزيادة وندعمل الاغذية او حتى نبنى مصانع ونقلل البطالة <o:p></o:p> وبدل منخلى فلوسنا برة مصر ونحلم بارباح كبيرة نساعد بعض ونشتغل كلنا ونقلل البطالة ونفكر شوية بجد<o:p></o:p> <o:p></o:p> |
رد: رأى شخصى بموضوع اسعار العربيات و ضد حمله خلوها تصدى
انا متفق مع نقطة واحدة بس ،، ان العربيات مش هيا مشكلة عامة الشعب المصري عشان يعمل ليها حملات غير كده انا مع الحملة ،، و مع اي حملة انا الشعب |
رد: رأى شخصى بموضوع اسعار العربيات و ضد حمله خلوها تصدى
اقتباس:
طبعا كلكوا عارفينو ملك التعذيب و الأسلاك الكهربائية و الحركات! حجة خايبة للأسف, ما المانع ان يمتلك كل مواطن سيارة, الزحمة فى السياة أكثر أدمية من زحمة الأتوبيس, و بعدين لما الطرق تزدحم بشكل غير طبيعى, هتلاقى المواطن بيتخلى من نفسه عن السيارة و يركب الاتوبيس اللى هيصبح فاضى, لغاية ما يحصل توازن, و ده بالضبط اللى بيحصل فى اماكن مثل لندن و نيويورك, حاجة كده زى التوازن البيئى, بصراحة حجة خايبة و سخيفة, بتقولها الحكومة عشان تبرر ارتفاع الجمارك, و بعدين الشوارع المصرية تتحمل عدد أكبر من 4 مليون سيارة, لكن التخطيط سىء الى اقصى حد, كما أنه يمكن تطوير الشوارع عبر اضافة المزيد من الاختصارات و الكبارى و الأنفاق, و هو حال المدن الحديثة, لكن الحكومة مقصرة فى هذا الأمر, رفع الجمارك أسهل!! |
رد: رأى شخصى بموضوع اسعار العربيات و ضد حمله خلوها تصدى
عندك حق يا استاذ شريف في نقطه ان العربيات لو زادت حتبقى كارثه في الشوارع ..
لكن هل الحل انهم يغلو العربيات علشان الناس متشتريش ؟؟!! لأن شوارعنا تعبانه و مش متحمله اي زياده في الكثافه المروريه طب ليه الكلام ده مفكروش فيه لما كانت كل الجرايد بتهلل لنسبه المبيعات و زياده معدلات الشرا السنه اللي فاتت و اللي قبلها بيني وبينك السبب الحقيقي ان الناس مبتشتريش مش الحمله ... لأن زي ما حضرتك قلت اللي مشارك في الحمله ممكن اساسا يكون معاه عربيه و مش ناوي يغير ( هو احنا بنشتري عربيات كل يوم ) لكن السبب من وجهه نظري الظروف الحاليه ( انهيار بورصه - انخفاض سعر فايده - انخفاض سعر البترول - تأثير الازمه العالميه على الخليج و بالتالي على مصر - دبي و الامارات وظايف بالجمله بتضيع و ناس بيرجعو بشنطه هدومهم ...) الناس خايفه تشتري لأنها قلقانه من بكره تفتكر واحد راجع مضطر حيفكر في شرا عربيه ... و لا واحد فلوسه نزلت الربع في البورصه حيفكر يغير عربيته !!! واحد شركته شغلها قل ... صاحب محل او تاجر بضاعته مركونه جنبه ... موظف شاف زميله اتفور لخفض النفقات .... و ... و ... و الناس نفسها زي ما فلوسها قلت او ضاعت يحسوا ان الدنيا من حواليهم رخصت ... يحسوا ان الدنيا كلها بتشاركهم مشاكلهم لكن الباشوات اللي شايفين انها حتغلا ... براحتهم يعني الم القرشين الحيله و اشتري عربيه وانا شايف الدنيا كلها في الضياع !!!! في جميع الاحوال العربيات فعلا سعرها نزل ... فولكس و سكودا واوبل وبي ام و نيسان و سيراتو و غيرهم ... و ال 10 او 15 الف دول مش مبلغ صغير في عربيه تمنها 100 و لا 150 الف ... يعني 10 % من تمنها خصوصا للي بيشتري كاش ... يفرقوا طبعا يا استاذ سيف .... التاجر زيه زي اي مواطن مصري ... و طبعا مكسبه في العربيه مش كبير ... ومش هو اللي حينزل سعر العربيه ... لما يكون واحد مكسبه في العربيه الف و لا اتنين حينزل في سعرها كام !!! وفي تجار بيكون مكسبهم اقل من كده بالعكس التجار الصغيرين و الموزعين اكتر ناس مضرورين ... كفايه قله المبيعات ... ماهي دي خساره لوحدها المشكله في الوكلا الكبار اللي واخدينها عند وفاكرين ان الناس عاملين حمله فعلا ..... ههههه يا جدعان الناس خايفه على القرشين اللي معاهم مش اكتر ... واللي عايز يشتري بيشتري فعلا ... لكن ازاي تقنع الناس انك حاسس بيهم و ان السعر ده منطقي و تشجعهم يشتروا ... عليك وعلى اتش الزيزي و ظاظا بظاظا |
| الساعة الآن 08:16 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017