مصر موتورز مجتمع السيارات - موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

مصر موتورز مجتمع السيارات (https://www.masrmotors.com/vb/index.php)

- 128 FIAT (https://www.masrmotors.com/vb/forumdisplay.php?f=199)

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اقتباس:

المشاركة الأصلية كتبت بواسطة ahmed_592005 (المشاركة 697630)

السلام عليكم
عامل ايه يا بشمهندس سيد
بص يا سيدي
العربيه طول ما انت ماشي مفيش مشكله انما لو وقفت وجيت تدور مدورش ولو دارت تدور بصعوبه
المهم روحت للميكا نيكي قالي ده المارش روحنا ظبطنا المارش وغيرنا الجلب ب30 جنيه و30 جنيه كمان مصنعيه
تمام وبرضه العربي وقفت وانا ماشي النهارده ومدارتش الا لمل اتزقت
مع العلم ان البطاريه جديده بقالها اسبوعين والدينامو شحنه 14
تفتكر العيب في ايه
فيه حاجه تانيه الراديو بيقطع ولما سالت الكهربائي قالي ده عيب من الرلديو مع انه كان شغال كويس اول ما جبت العربيه
واخيرا معلش طولت عليك وشكرا علي ردك

:12422A~17::12422A~17:

بالنسبه لمشكلة ان العربيه مش بتدور هل هى مش بتدور ماارش اصلا صح

بالنسبه بعد ما صلحت المارش لما بقى العربيه تبطل وتيجى تدورها ركز معايا بقى اما بتيجى تحط المفتاح وتدور هل نور لمبتين الزيت والكونتكت بيضعف مع ان مفيش مارش بيشتغل ياريت ترد عليا فديه علشان اقدر احدد المشكله

تانى حاجه بالنسبه للتسجيل هل الراديو نفسه بيفصل اشارة ولا بيفصل كهربا خالص لو بيفصل كهربا خالص يبقى خليه يعملك واصله من التسجيل للبطارة طوالى لو بيفصل اشارة راديو وديه لاى واحد بتاع الكترونيات من اللى بيصلحوا تلفزيونات و مسجلات وكدا يبصلك عليه برضوا وياريت ترد على الحاجات اللى سالتها علشان احدد المشكله ان شاء الله

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اقتباس:

المشاركة الأصلية كتبت بواسطة sayed2077 (المشاركة 697639)

اولا شكرا لاهتمامك يا باشمهندس

لا يا باشا المارش بيدور ويفضل يقطع لغاية ما يفصل خالص
ونور الكونتكت مبيضعفش

اما بالنسبه للراديو
الراديو بيكون شغال ولاكن صوته بيقطع طول ماالعربيه ماتورها شغال واحيان بيتظبط لما تكون العربيه مش دايره

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اقتباس:

المشاركة الأصلية كتبت بواسطة ahmed_592005 (المشاركة 698159)

بالنسبه للمارش فلازم حضرتك تروح لاقرب وواحد كهربائى سيارات يشوف لحضرتك ايه اللى فيه بالظبط لان كده بيبقى فى حاجه جوة المارش

ثانيا بالنسبه لرراديوا فى الاغلب حضرتك محتاج اسلاك بوجيهات فايبر مش نحاس لان النحاس بيأثر جامد على راديو العربيه طول ما الماتور شغال وابقى قولى عملت ايه

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

كلامك مظبوط يا باشمهندس سيد
طلعت المشكله في المارش البارميل بتاعه محروق والكهربائي غيره بواحد تاني برضه جاب نفس النتيجه
المهم يا سيدي غيرنا المارش كله وجبنا واحد استيراد 128
وعمل 130 جنيه

بس بجد الواحد زهق من كتر المصاريف الواجد مبقالوش شهر جايب العربيه وصارف حوالي الف جنيه
:fun_36_1_30[1]::12B1B3~136::fun_36_1_30[1]::12B1B3~136:

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اقتباس:

المشاركة الأصلية كتبت بواسطة ahmed_592005 (المشاركة 700433)

لا ياباشا متزهقش ده انت لسه فى اول الطريق انا اول ما جبت العربيه من سنه
كانت كل حاجه فيها ضايعه بمعنى الكلمه كل ما تتخيله
وصارفت عليها بالظبط بالترخيص وكل حاجه من ساعت ما جبتها
حوالى 7000 جنية بالظبط
اه والله زى ما بقول لحضرتك ودلوقت علشان ابيع لازم ابيعها زى ما جبتها واخسر ال 7000 دوول
وياباشا مش عاوزك تزهق انت لسه فى اول المشوار لسه الدينموا و الشاسيه و المساعدين والعفشه وكبالن وووووو

مش بعقدك والله بس للاسف كل واحد فى مصر بيجى يبيع العربيه لو واقفه على حاجه بجنية بيستخسر يجيبها
يعنى انا مثالا عارف انى هبيع نزلت وجبت طقم ضوافر وطقم بوجيهات NGK جديده وظبت الكربراتير وكله ظبته الحمد لله علشان محدش يدعى عليا بعد ما يشتريها منى هههههههه
تحياتى لك