مصر موتورز مجتمع السيارات - جميع استفسارات دايهاتسو ( تريوس

السلام عليكم ورحمه الله وبركاته
اهلا اخوانى
ندخل فى الموضوع على طول
انا لما بروح التوكيل واخرج منه بعد الصيانه العربيع بتكون عامله زى البسكوته

بس انا كل شويه اروح التوكيل صيانات وبصراحه فلوس كتير الواحد مش كان عامل حسابه عليها
دلوقتى انا معايا العربيه جراند تريوس 2011 اتوماتيك بقالها بالظبط سنه و3 شهور تقريبا
وعملت بيها حوالى 19 الف كيلو بس
مشاويرى مش بعيد
وبروح الصيانات كل 5 الاف
المهم العربيه تمام التمام الحمد لله لكن مؤخرا فيه صوت نحره كده فى الغيار الاول والتانى
يعنى صوت العربيه عالى والامبير بيوصل3 وتحس ان فيه نحره كده مش ناعمه زى زمان
يعنى الصوت دا مكنتش بسمعه قبل كده وكمان لو دوست بنزين اوى فى الاول والتانى طبعا الصوت بيعلى اكتر وكمان فيه رجه جامده فى العربيه لما تيجى تنقل من الاول الى التانى

اما الغيارات التالت والرابع بكون العربيه مشيت وتقريبا عادى

لما سالت الناس الللى قالى سخن الاول قبل ما تمشى واللى قالى دوس بنزين جامد وانت على المور كده عشان لو فيه حاجه تخرج واللى قالى ممكن تكون الخوانق مزوده واللى قالى دايره السحب واللى قالى ممكن يكون فيه مشكله فى الفتيس
طبعا دول مش ميكانيكيه دى ناس معاها عربيات زمايلى وانا الان حوالى 19 الف يعنى قربت اروح الصيانه
تفتكروا يكون دا من ايه
انا واحد قعد جنبى قالى ماشاء الله المكنه ميله ممكن تكون فيه مشكله فى الفتيس

دا اول ملحوظه عندى كنت عاوز استفسر عنها
تانى شيئ دلوقتى هو لازم اعمل الصيانات فى التوكيل لانى حاسس انهم بصراحه بيشتغلونى واخر مره قالى العربيه محتاجه ترصيص واخد حوالى 90 جنيه زياده مع ان العربيه ولا كانت بتحدف فى السرعات العاليه ولا اى حاجه
وكمان ناس نصحتنى اغير زيت شيل بدل موبيل قالولى فى التوكيل احنا ملناش فيه وحنغير موبيل بس
يعنى بالعربى مفيش مرونه عند التوكيل هل ممكن الاقى الكلام دا بره ويكون حد مضمون ومجرب فى القاهره وكمان كنت عاوز اعرف لو انا عملت عند حد بره مضمون الصيانه الخاصه بال 20 الف ممكن تكلفنى كام ؟
شكرا ليكم جدا وانا اسف للاطاله