|
|
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
انا امبارح عملت تغير علبه دركسيون استراد وبارات جديده وكاوتش ميزان جديد وكاوتش بارات
العفشجى خد مصنعيه 160 وخد ثمن الحاجات دى 290 ايه رايكم الحاجات دى تمنها ولا لا ؟ وكمان العربيبه بتحدف يمين والدركسيون تقيل ولفة العجل بزاويه صغيره مش كامله:thnkr: شكرا يا اخوانى |
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
اقتباس:
بص يا باشا ال 128 اول ما نزلت فى السبعينات كانت بتنزل تحت اسم Fiat وكانت مستورده ايطالى 100% وكانت بتنزل بفوانيس مدورة و ماتور 1100 سى سى وبعدين فى منتصف السبعينات شركة النصر للسيارات اشترت حقوق تصنيع ال 128 وبدائت تصنعها برضوا بفوانيس مدورة و ماتور 1100 بعدين فى اول التمنينات شركة النصر مازالت تصنع ال 128 بس بدل ما كانت الفوانيس مدورة خلوها مربعه وبرضوا بنفس الماتور ال 1100 وبعدين يقال والله اعلم انه على اخر التمنينات شركة فيات العقد اللى بينها وبين شركة النصر خلص بس شركة النصر لسه عاوزه تصنع 128 فراحت لشركات زى شركة يوجو اليوغسلافيه واشترت منها حقوق تصنيع ال 128 بس بالماتور الجديد ال 1300 سى سى والناس سميتها جراند لوكس بتنزل بفوانيس مربعه بس بماتور 1300 سى سى و فتيس خمسه غيارات امامية و بعدين على اول التسعينات ظهرت حاجه اسمها 128 نوفا وكانت على ما اظن 1300 سى سى و خمسه غيار امامى برضوا وشكلها من قدام زى كل ال 128 بس الشنطه بتاعتها كانت غريبه شوية وكانت مقطوشه كده فالناس سموها 128 نوفا بس النوفا مقعدتش كتير يعنى كانت بتتباع باين لاخر التسعينات بس بس كانت الجراند اللوكس بتتباع لغاية سنه 2008 لغاية ما المصنع بتاع النصر فلس لانه بيعمل عربيه بقالها 40 سنه ومازال برضوا راضى يصنعها فى زمن الالفيه الثالثه حيث التكيف والباور و الازاز الكهربا والانجيكشن وديه نهاية اللى ميطورش نفسه:hehehe: |
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
اقتباس:
بالنسبه ان العربيه مش بتسحب وحضرتك عملت كل اللى بتقول عليه ده فاعتقد مفيش غير حاجه واحده وهى ان الشاسيه قافل عند حضرتك على الكبالن وبالتالى العربيه هتكون متكتفه وديه اللى يشوفها لحضرتك سمكرى وعموما حكاية ان العربيه مبتسحبش ديه تختلف من شخص لاخر يعنى مكن انا اكون شايف انها حلوه وبتسحب كويس وواحد تانى يكون شايفها انها مبتجريش اما بالنسبه لحكاية ان البوجيهات ليها علاقه بالسحب فهى مالهاش علاقة اووى بس تأثيرها بيبان لو فيه بوجيه قاطه بالتالى العربيه هتبقى شغالة 3 سلندر بس و طبعا ده هيأثر على السحب جدااااااا اما بالنسبه لصوت الصرخه فكل الحكاية حضرتك اشترى سير دينموا جديد كورى بحوالى ب 12 جنية وان شاء الله كله هيبقى تمام التمام ومش هتسمع اصوت بتاع الصرخه تانى ان شاء الله |
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
اقتباس:
بالنسبه لمصنعية العفشجى فهيا غالية جدااااااااااااااااااااااا ااااااااااااااااا بصراحه المفروض اخرها اخرها وتبقى كارم الراجل يبقى 100 جنية اما بالنسبه لثمن الحاجه فهنقول مثالا تقريبا مظبوط كده والحدفه عند حضرتك فى الاغلب سببها ان العربيه دلوقت المفروض تظبط لها زوايا وهتبقى تمام ان شاء الله اما ان الدركسيون بقى تقيل فده طبيعى لان اكيد العفشجى كبس العلبه الجديده شحم فبالتالى اكيد هتكون تقيلة مده وبعد كده هتبقى عادى ان شاء الله |
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
شكرا الاخ sayed2077 على اهتمامك بالرد وربنا يوفقك للخير
|
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
العربيه عندى بتسخن بعد سرعه ال60 وصوت المتور بيعلى
|
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
معلومات قيمة وغالية وياريت بس تشرح لنا أزاي أركب مفتاح الشنطة بالكهربا لاني بصراحة نفسي أركبه بنفسي
http://www.clicksia.com/banners/banner4.gif |
| الساعة الآن 08:16 PM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017