|
|
رد: كل ما يخص الشهر العقارى
انا قمت بتلحين بعض الاغانى وكنت عايزاعرف اسجلها اذاى اثبات تاريخ لكى اضمن حقى الفكرى مع العلم انى مش كاتبها على النوتة ولا يمكننى ذلك فانا استطيع قراة النوتة فقط وليس كتابتها فهل هناك امكانية لتسجيلها صوت واثبات تاريخ ام لابد من كتابتها على نوتة وان امكن تسجيلها صوت فأين اقوم بذلك مع العلم انى من مصر هل يمكن ذلك فى الشهر العقارى
|
رد: كل ما يخص الشهر العقارى
يا جماعة أنا عندي مشكلة مش مخلياني عارف أنام
أنا بعت عربيتي ( لانوس 99 ) لواحد زميلي في الشغل عربيتي هذه كانت مرور الجيزة ومن حوالي سنة نقلت ملكية ورخصتها تبع مرور حلوان ( لإني ساكن في حلوان ) لكنهم استخرجوا لي تصريح ( ثلاث شهور ) وليس ترخيص لإن الملف لم يأتي بعد من مرور الجيزة . بعد ثلاثة شهور ذهبت للتجديد لكني وجدت الملف لم يأتي بعد فأخذت تصريح آخر لمدة 9 شهور والموظف قاللي هانعمل لك استعجال للملف. بعد 9 شهور ذهبت للتجديد فلم أجد الملف أيضاً .. فعملوا لي تصريح لمدة سنة كاملة. والآن وبعد مرور شهر واحد من هذه السنة ( مازال التصريح ساري لمدة 11 شهر ) بعت السيارة .. وعاوز أعمل توكيل للشاري ،، لكن طبعاً الشهر العقاري هايطلب مني شهادة بيانات لإن معايا تصريح وليس ترخيص . ذهبت للمرور عشان أجيب شهادة بيانات ،، قالولي مش هاينفع لإن الملف لسه ماجاش .. طب وبعدين .. أعمل إيه دلوقتي ؟؟؟ الراجل عايز التوكيل ، وأنا مش عارف أعمل له إيه ؟؟ أنا خايف يكون الملف ضاع ولا حاجة ؟؟ ومش عارف عمل إيه عشان سي ملف ييجي ؟؟ |
رد: كل ما يخص الشهر العقارى
انا اشتريت النترا 2008 اوتوماتيك 1600 cc بتوكيل من صاحب العربيه الاصلى و مكتوب فى التوكيل له حق البيع لنفسه و للغير و التعامل مع المرور و الرخصه هتخلص 02/2011 عايز اعرف اعمل ايه لما الرخصه تنتهى و مصاريف تسجييلها فى الشهر العقرى كام و شكرا مقدما
|
رد: كل ما يخص الشهر العقارى
انا اشتريت عربية جولف 2 موديل 1987 والرخصة بأسم صاحبها وانا المجددة معاه واتلمتها منه يوم لما استلمها من المرور فى المرور والنمر الجديدة متركبا على ايدايا
المفروض انى دعتله مبلغ وباقى المبلغ بتاع العربية يوم لما يعملى توكيل بالشهر العقارى للبع للنفس او للغير كدة مظبوط ولا الاحسن انوا يبعهالى ونسجل العقد فى الشهر العقارى انا شايف انى استفاد من مدة الترخيص الهيا سنة كاملة لانى استلمتها يوم لما استلمها طيب ايه الخطوات الجاية عشان لما السنة تخلص لازم اعملها قبل ما تخلص وشكرا جدا على المجهود الرائع |
رد: كل ما يخص الشهر العقارى
سيدى الفاضل ... بعد التحية ... الموضوع : بخصوص سيارة لادا 2107 موديل 1991 قام حمايا ببيع السيارة اعلاه لى بموجب توكيل يحق لى من خلاله البيع لنفسى او الغير و التعامل مع المرور و بناء ع التوكيل ده رحت رخصت العربية و خدت نمرة جديدة و خلَيت الرخصة الجديدة باسم حمايا بردو دلوقتى انا عاوز ابيع العربية و مضيت عقد ابتدائى (اشترناه من مكتبة ف الفجالة)مع المشترى و اخدت عربون المشترى (اللى انا عرفت بعدين انه تاجر/سمسار عربيات)كان عاوزنى اعمل له توكيل انا رفضت بعد ما استشرت بعض المقربين و اللى قالولى انه الاحسن تروح معاه و تعملو عقد جديد ف الشهر العقارى و هو طبعا اللى هايشيل مصاريف التسجيل و لازم يمضى مشترى و انا امضى بائع الأخ المشترى (و عشان هو مش دوغرى و بيكدب كتير) مرة قاللى انه بطاقته ضاعت لمل قلت له نسجل ف الشهر العقارى و اما شديت معاه و اصريت ع التسجيل -مهددا بفسخ العقد الابتدائى و ارجاع العربون لو رفض التسجيل- وافق ع التسجيل و قاللى خد باقى فلوسك و ادينى العربية و صورة الرخصة و سجل انت براحتك و كلمنى اجيلك اخد صورة العقد المسجل بردو انا رفضت لأنى حسيت ان فى حاجة غلط ... و من خلال قرائتى لردودك , فهمت انه من الافضل انه يمضى مشترى (و ده طبعا يستلزم وجوده معايا) عشان يسجل بعد كده باسمه ف خلال شهر واحد ... بدل ما يعمل مصيبة بالعربية و حمايا اللى يدَبس عاوز استأذنك فى :- 1- استشارتك فيما سبق 2- امكانية فسخ عقد ابتدائى و عواقبه |
رد: كل ما يخص الشهر العقارى
جزاكم الله كل خير على مجهودك الكبير ده
و لى عندك سؤال عايز انقل السيارة باسم ابنى هل فى الشهر العقارى بيطلبو رخصة القيادة للمشترى |
رد: كل ما يخص الشهر العقارى
انا اشتريت سياره بتوكيل من البائع والعربيه لسه فيها فتره في الرخصه
البائع معاه عقد مسجل من 7 شهور وكان ماضي فيه انه مشتري ومكتوب بياناته بس ما نقلشي الملكيه يعني الرخصه بأسم المالك الاصلي يعني انا دلوقتي معايا عقد مسجل فات عليه 7 شهور وكمان توكيل هل كان لازم ان اللى انا اشتريت منه ينقل ملكيه وانا دلوقتي واجب عليا اعمل ايه |
| الساعة الآن 11:51 AM. |
|
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017