|
|
رد: جنون العظمة عند الصنايعية
مممممم
موقف ليه طريقتين عندي في التصرف لو صنايعي اتنك عليا كده بس و كان واحد بتاع كاوتش ولا بياع في محل مثلا او ما شابه ذلك كنت رصيتهم له و اجبرته غصب عنه يشتغل في العربيه و رجله فوق رقبته انما لو صنايعي كخراط او حاجه ممكن لو اجبرته انه يعملها يبوظ الدنيا و يدخلني في متاهات يبقي برضه حرصهم له و اهزقه و اخد حاجتي و امشي. |
رد: تحقيقات جريده الأهرام فى سجن مخالفين قانون المرور(ارجو المشاركه من الجميع للتصدى للأهانه)
طب ايه الحل فى القوانين دى ..... انا بجد فكرت اننا نلم كل المعترضين على قانون الحبس ده من خلال مواقع السيارات و الface book و نعمل اضراب بالعربيات فى اول الطريق الصحراوى مثلا او فى صلاح سالم يمكن حاجه تيجى بفايده و يشوفوا كميه الناس اللى معترضه على قانون الحبس ده و تشبيهم بالحراميه و المدمنين و تجار المخدرات و المغتصبين و البلطجيه .
|
رد: جنون العظمة عند الصنايعية
اقتباس:
|
رد: جنون العظمة عند الصنايعية
اقتباس:
لكن للاسف ساعات بيكون منهم عنده مشكله نفسيه او عقده نقص ومش صنايعيه بس ( ظباط مخله - مشرفين - موظفين درجه تانيه - سواقين بانواعهم ..... ) ممكن اوي يكون واحد منهم ولقى واحد داخل عليه ببدله و لاب توب ( وممكن يكون السلام اترمى بتعب و ارهاق اليوم ) فيرسم التناكه و المنظره على اساس الناس كلهم ولاد تسعه و لما يدخل شمال في الزبون تبقى الرووس اتساوت وده اول ما يتسك بكلمتين يلم نفسه عدل على العموم انا دايما بعامل الناس على اد دماغها او عقليتها ... و دي احسن حاجه و كله بأدبه و احترامه واول دخله مهمه جدا لأنها بتحدد مسار الحوار لكن لو طلع من اياهم ... موجعش دماغي معاه ... بالسلامه عدل ... وهو الخسران ... هي ناقصه نرفزه و وجع دماغ مره رحت في عياده خارجيه لمستشفى اعمل كشف نضاره انا والمدام وكانت بنتي لسه كام شهر ... وتقريبا مكنش فيه غيرنا ومرضيوش يقطعو الكشف الا لما الدكتور ييجي و فضلنا مستنين و بعد ساعه جه الدكتور و كان سيادته مستعجل اوي وعايز بسرعه ندخل فرحت اقطع الكشف لقيته خرج من اودته بيدور علينا مدخلناش نكشف ليه قلت له :- دقيقه يا دكتور بقطع الكشف فقالي:- خلاص المدام تكشف عقبال ما تقطع الكشف .. والمدام شايله البنت و انا قدام الكونتر وفي ايدي الكشف فبصيتله بكل هدوء و قلت له حضرتك انا مستنيك بقالي ساعه ... ممكن تستناني دقيقتين ... لأن معايا طفله و لازم امسكها عقبال ما مامتها تكشف قالي :- علشان نكسب وقت ... قلتله :- ووقتي اللي ضاع ده ايه ؟؟؟!!! انا مش حكشف معاك ... و سيبته ومشيت ... وطبعا كل الناس حاولو يرجعوني و يقولو معلش لكن قلتلهم :- خلاص ... انا معنديش مصداقيه في الراجل ده ... لما هو مستعجل على الدقيقه حيكشف ازاي ... وكنت دفعت الكشف وكنت حمشي و اسيب الفلوس لكن الكونتر رجعلي الكشف بمنتهى الذوق و اعتذرو كمان وانا خارج من الباب قلت للكونتر بصوت عالي شويه : قولوله يروح .... و الناس قعدت تضحك عليه و هو جري استخبى جوه في اودته على اد حرقه دمي و الوقت اللي ضاع لكن اديته درس ... وللأسف اسمه طبيب ptmnlo123per172 هو انا رغاي اوي ptmnlo123per1127 |
رد: جنون العظمة عند الصنايعية
انا مرة كنت فى مشوار تبع الشغل ورحت ادارة التجنيد اخلص ورق تبع شغلى طبعا انا بقوم داخل للظابط ع طول بس مالقيتوش ساعتها لقيت صول متخلف عقليا وقالى خد ورقك واطلع بره بدل ما اقطعه قمت شاخط فيه "انت فاكرنى مجند عندك ولا ايه؟! لو راجل قطعهم وانا حاطلع على القسم اعملك محضر تعدى عليا اثناء تأدية وظيفتى وابعت مذكرة فيك لوزير الدفاع ع الكلام اللى انته قلته ده" وقمت ماشى لقيه بعات ورايا مجند عنده يستسمحنى وياباشا معلش وبتاع قلتله والله لو كان جالى بنفسه يقولى كلامك ده كنت برضه رحت عملتله مصيبة انماعشانك انته انا حاجى بس تخلصلى ورقى انته مش هوه وفهمه انه لو اتكلم معايا حالطشله دخلت لقيت الصول اختفى وخلصت فى دقيقة ومشيت
|
| الساعة الآن 09:01 AM. |
|
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017